Jonah 3:5 - Syin Chin Bible

⁵ Nineveh khua mite in Pathian ii thupiak um uh hi. Tua ahiciang amate in mi theampo a lianbel pan a nobel dong kisiik kikna lakna in, antan tu le khau-ip puan silh tu in khensat uh hi.

Jonah 3:5 Iomraidhean Croise

2 Kumpite 19:1

Kumpipa Hezekiah in amate ii a puak thu a zaak po ciang he mama in a puansilh eaukeak in, khau-ip puan silhin Topa Biakinnpi sungah tum hi.

2 Khangtaanghthu 20:3

Jehoshaphat patau a, lam a lak natu in Topa tungah thungen hi. Tua zawkciang ama in ngamsung theampo ah an tanna khat nei natu in thupia hi.

Ezra 8:21

A kitotawm Ahava Tuiluam hui ah ka vekpi uh in antang in kote ii Pathian mai ah kiniamkhiak a, ka khualhawna uh ah hong lampui in, koma, ka tate uh le ka neisa theampo taw hong kep natu ama tungah hesuak ngen tu in ka sawl hi.

Esther 4:1

Mordecai in hi thu vawtna teng a heak ciang a thinna sa in a puan balkeak hi. Tua zawkciang khau-ip puan silhin a lu tungah vut poai a, nasia tak kapin tau in,

Pusuana 33:6

Tua ahikom, Sinai Mual a nusiat zawkciang, Israel mite in suangmanpha kizepnate bun nawn ngawl uh hi.

Jeremiah 31:34

Topa a heak natu uh in amate sia a mipuite kuama ii thu hil kul ngawl tu hi, banghang ziam cile a nobel pan a lianbel dongin kei hong he siat tu uh hi. Keima in amate ii a mawnate ka maisak tu a, a khialnate ka ciamtee nawn buatu hi. Keima, Topa in ka son zo hi,” ci hi.

Jeremiah 36:9

Jehoiakim ii Judah kumpi a sep zawk a kum ngana, a tha kua tha in mihingte in Topa maipha nga nuam in antang uh hi. Jerusalem khua ah a teang theampo le Judah khuate pan hong pai theampo antang uh hi.

Jeremiah 42:1

Tua zawkciang ngalkap lampuite theampo, Kareah ii tapa Johanan le Heshaiah ii tapa Azariah le mihonte a lian a no ka kungah hong pai uh a,

Jeremiah 42:8

tua ahikom keima in Johanan, a ompui ngalkap lampui te theampo le mihing dang teng taw ka sam khawm hi.

Daniel 9:3

An ka tang a, khau-ip puan silhin vut sungah to in, Topa Pathian tungah hesuak ngenin nasia tak thu ka ngen hi.

Joel 1:14

Antan natu thupia vun; kikhoppi khat sam vun! Lampuite le Judah mi theampo Topa na Pathian Biakinnpi sungah khawmtua in, ama ko in au vun!

Jonah 3:7

Ama in Nineveh khua mite tungah thu thansakna khat puak a: “Hi thu in kumpipa le a uliante tung pan thu piak khat ahi hi: kuama in bangma ne ngawl tu hi; mi theampo, khuite le tuute an, ahibuale a tuidawn tu kikhaam hi.

Matthew 12:41

Thukhenna Ni ciangin Nineveh khua mite hong ding tu a, note hong mawsak tu hi, banghang ziam cile amate in Jonah thuhilna a zaak uh ciangin a mawna uh pan kisiik kik hi; a maan tak kong ci ciang in hi sungah Jonah sangin a lianzaw khat om hi.

Luke 11:32

Thukhenna Ni ciangin, Nineveh khua mite hong ding tu a, no hong mawsak tu hi, banghang ziam cile amate in Jonah thuhilna a zaak uh ciangin a mawna uh panin, kisiik kik uh hi; a tatakin ka ci ciang, hi sungah Jonah sangin a lianzaw khat om hi!

Sawltakte 27:25

Tua ahikom, pasalte awng, thinlian vun! Banghang ziam cile, Pathian ka muang a, kei tungah hong kison bangin, tung tu hi, ci in ka um hi.

Sawltakte 8:10

tuaciang khuapi sungah om theampo kidoidanna om ngawlin, ama thu ngai uh hi. “Ama in ‘Vaangletna Lianpi’ a kici tua Pathian ii vaang sia ahi hi,” ci uh hi.

Hebrew te 11:1

Upna nei ih ci sia, lametna ih neinate tungah thinmuanna hi a, a kimu thei ngawl laite tungtaang ah muan ngamna ahi hi.

Hebrew te 11:7

Ama ii a mu thei ngawl maisang ah hong tung pheang tu nate huvau, Pathian ii kingintaak natu a sonte, Noah ii a zaak thei sia upna hang ahi hi. Ama in Pathian thu ni a, teambaw vawtin, tua ii sungah ama le a innkuanpuite kisuatak hi. Tua hu in leitung bup sia puavawkna thuak a, tuaciang upna pan hong pai thutang suana sia Noah in Pathian tung panin nga hi.

Thupualaakna 11:3

Ka tetti te nii khau-ip puan silh in, ka paisak tu a, amate in ni 1,260 sung teng Pathian ii thu vaithak thangsak tu uh hi,” hong ci hi.