Jonah 3:10 - Syin Chin Bible

¹⁰ Pathian in amate vawt teng mu a; a ngitlo ngamtatna nusia zo hi ci in mu hi. Tua ahikom ama in a thin khealin daan pia tu a ci bangin pia ngawl hi.

Jonah 3:10 Iomraidhean Croise

1 Khangtaanghthu 21:15

Topa in Jerusalem susia tu in vantunglalang khat paisak a, ahihang a thin kheal kikin vantunglalang tungah, “Tawlnga in! Tu a za pha zo hi!” ci hi. Vantunglalang sia Jebus mi Araunah ii ancilna hui ah ding nginge hi.

Pusuana 32:14

Tua ahiciang Topa in a ngaisutna khealin, a mite tungah a tawn bangin tuasiatna tungsak ngawl hi.

Paunakte 28:13

Na mawnate seal tu na hanciam le nuntak sungin zawna na nga ngei buatu hi. Mawna pualaak vun a, nusia vun; tuasia ciang Pathian in na tungah hesuakna hong lak tu hi.

Isaiah 30:18

Tuabang hi napi note hong hesuak tu in Topa in hong ngak veve hi. Ama sia note tungah hesuakna lak tu in a kinging sa in om hi, banghang ziam cile ama in a tawntungin a maan seam hi. Topa tungah muanna a nei te in mi lungdamte ahi hi.

Jeremiah 18:7

Hun khat pawpo ciang minam khat ahibuale kumpi ukna ngam khat sia a zung pan longh tu khi hi, thiaktan tu khi hi, ahibuale susia tu khi hi ci ka hi ta zong,

Jeremiah 18:8

tua minam in ngitlona panin a kikheal kik a ahile vawt tu ka ci sa sia ka vawt buatu hi.

Jeremiah 36:3

Judah mite in amate susia tu a ka sawmna thute theampo a zaak uh ciang, a tatsiatnate panin kikheal tha tu uh hi. Tuasia ciang a seksolna le a maw a khialnate ka maisak tu hi,” hong ci hi.

Jeremiah 42:10

‘Hi ngam ah na teang suak nuam uh le, kong laamto tu a, kong lalsak buatu hi; kong phut tu a, kong phaikeak buatu hi. Siatna kong thetsak sia in hong heesak mama hi.

Joel 2:13

Na thin tapthapna taw in na heena lak vun; na puansilh balthapna bek sia kicing ngawl hi,” ci hi. Topa na Pathian kungah pai kik vun. Ama cingh a, hesuakna taw kidim hi; ama a thinsau a, a kamciam len hi; ama in khialna mawna maisak tu le daan piak ngawl tu in kinging tawntung hi.

Amos 7:3

Topa in a thin kheal kik a, “Na mu bang piang ngawl tu hi,” ci hi.

Amos 7:6

Topa in a thin kheal kik a, “Hi sia zongh piang ngawl tu hi,” ci hi.

Jonah 4:11

Tua ahile tua khuapi lian Nineveh tungah bangzata in hesuak zaw kan tu khi ziam. Tua son ngawlin tua khuapi sungah mawbaang ngawl patang mealmawl 120,000 vaal le nganhing tam mama zongh om hi!” ci hi.

Jonah 4:2

Tua ahiciang ama in thungen a, “Topa awng, ka inn pan ka din ma in tubang ngengei in ngamta tu ni hi hong ci hi ngawl khi ziam? Tuasia hu in Spain ngam ah ka hi thei za in tai tu hanciam khi hi! Nang in a it thei le a hesuak thei Pathian hi a, thinsau tawntung, cingh tawntung a, thin kheal tu le daan a pia ngawl tu in kinging tawntung ni hi, ci in kong he hi.

Luke 11:32

Thukhenna Ni ciangin, Nineveh khua mite hong ding tu a, no hong mawsak tu hi, banghang ziam cile amate in Jonah thuhilna a zaak uh ciangin a mawna uh panin, kisiik kik uh hi; a tatakin ka ci ciang, hi sungah Jonah sangin a lianzaw khat om hi!

Luke 15:20

Tua ahikom ama dingto in a pa kung zuan kik tu in kipan hi. “A inn a thet natu khuala ma samh lai kasap, a pa in mu hi; khuangai huai sa in del a, ngawngkoai in namh hi.