Jonah 2:9 - Syin Chin Bible

⁹ Ahihang kei ka hile pokna la kong sak tu hi; sangaw biakpiakna khat kong nei tu a, ka kamciamsa bangin ka seam tu hi. Ngupna in Topa tung pan hong pai ahi hi!” ci hi.

Jonah 2:9 Iomraidhean Croise

Pianciilna 35:3

Hi mun nusia in Bethel ah ih pai tu hi, tua munah ngim ka nga hunin hong hu a, ka paina sa theampo ah hong ompui Pathian atu in biaknatau khat ka sa tu hi,” ci hi.

2 Samuel 15:7

Kum li zawkciang Absalom in David kumpipa munah, “Topa awng, Hebron ah hong paisak ta'n, Topa tungah ka piak kamciam teng seam nuam khi hi.

Job 22:27

Thu na nget ciang ama in hong zo tu a, tuaciang na kiciamnate na len tu hi.

Psalm Late 107:22

Ama tungah sangaw biakpiakna taw lungdamko hamtang tu a, lungdam lasakna taw ama sep sa theampo son hamtang tu hi.

Psalm Late 27:1

Topa in ka khuavak le kei hong ngumpa hi a, kuama ka kiita buatu hi. Topa in launa theampo panin hong sungsia a, ka lau ngei buatu hi.

Psalm Late 3:8

Ngalzawna sia Topa kung pan hong pai hi — Ama in ama ii mihingte thupha pia tahen.

Psalm Late 50:14

Pathian tungah lungdamkona sia nangma sangaw biakpiakna hi zaw tahen, Vaanglianbelpa tungah piak tu a, na kamciam bangin pia siat in.

Psalm Late 50:23

Lungdamkona sia kei vaang hong pia sangaw biakpiakna hi a, kei thu hong nite theampo ka hun takpi tu hi” ci hi.

Psalm Late 68:20

Eite Pathian sia hong hunkhia Pathian ahi hi; ama in Topa, eite Topa hi a, thina panin eite hong suatak hi.

Psalm Late 95:2

Ama mai ah lungdamkona taw pai in, a lungdamhuai pokna late sa tawng.

Isaiah 45:17

Ahihang Israel ahile Topa in ngumin, a ngalzawna a tawntungin kip hi; Ama mite kimaimawlsak ngeingawl tu hi,’ ci in pualaak tu uh hi,” ci hi.

Jeremiah 33:11

Lungdam thinnuam in au nate, tuaciang mopoai ngualnopna awngingte na za kik tu uh hi. Mihingte in ka Biakinnpi ah lungdamko biakpiaknate pia in la a sak na za tu uh hi; amate in, ‘Vaanglianbelpa Topa tungah lungdamko vun, banghang ziam cile ama pha a, ama ii hong itna kip tawntung hi,’ ci tu uh hi. Hi ngam sia nidang bangma in ka nuamsasak kik tu hi. Keima Topa in ka son zo hi,” ci hi.

Hosea 14:2

Topa kungah heak kik vun a, hi thungetna sia ama tungah na biakpiakna uh hisak vun: “Koma mawna theampo hong maisak ta'n a, ka thungetna uh hong saang ta'n. Tuaciang kong kamciam bangin nang hong pok tu khu hi.

John 4:22

No Samaria te in na biak uh akua ziam, ci in he tatak ngawl nu hi; ahihang ko Jew te in, ka biak uh sia ka he uh hi, banghang ziam cile ngupna sia Jew te tung panin hong pai hi.

Sawltakte 4:12

Ngupna sia ama bek tungtawnin kinga thei hi; leitung bup ah eite hong ngum thei tu in, Pathian piaksa midang khat zongh om ngawl hi,” ci hi.

Romete 12:1

Tua ahikom suapuite awng, Pathian ii a lian mama hong hesuakna hu in hi bangin note tungah kong ngen hi; noma le noma Pathian tungah a hingtang biakpiakna in kinei tavun a, ama ii dik a sak naseam tu in na ki aap tavun. Na piak tu uh biakna maan sia hisia ahi hi.

Thuhil kikna 23:18

Hi bangin a thalaw sumte zongh kiciamna taangtutsakna in Topa na Pathian inn sungah kipaipui thei ngawl tu hi. Topa in biakinn ah pumpi kizuakte ensan hi.

Hebrew te 13:15

Tua ahikom, eite in Jesus tungtawnin ih kipum piak biakpiakna in Pathian pok tawntung tawng, Topa hi ci in a pualaakte ii kam taw a kipia biakpiakna in tuasia ahi hi.

Thupualaakna 7:10

Amate in awnging takin au uh a, “Kumpi tokhum tungah a to ih Pathian le Tuuno kung panin, Ngupna hong pai hi,” ci uh hi.

1 Samuel 12:21

A maan ngawl pathian te zuan heak vun; amate in hong hu thei ngawl, hong ngum thei ngawl hi, banghang ziam cile amate sia a tatak hi ngawl hi.