Jonah 2:6 - Syin Chin Bible

⁶ Mualte ii bul, a tawntung a kikhakcip lei kongpite dong ka zuansuk hi. Ahizong Topa ka Pathian awng, nangma in a thukna munte pan, a nungta in nong la kik hi.

Jonah 2:6 Iomraidhean Croise

Job 33:24

A hesuakna taw vantunglalang in, “Ama suatak in! Ama mithi khua ah a pai tu hi ngawl hi. Ama a suatak natu in hi lai ah a kitatna om hi,” ci tu hi.

Job 33:28

Mithi khua ah ka pai ngawl natu in ama in hong keamcing a, ka nungta lai hi” ci tu hi.

Psalm Late 104:6

A tungah tuipi sia puantual khat bangin na koi a, tui in mualte a khum hi.

Psalm Late 104:8

Tua tuite sia mualte tung le leikuamte sungah luang a, na see sa mun zuan uh hi.

Psalm Late 116:3

Thi tu lau huaina sia ka kiimkot ah om hi; thaankuul kiitakhuaina in kei hong neak hi; kei sia launa le thintoina taw ka kidim hi.

Psalm Late 143:7

Tu ma in hong zo ta'n, Topa! lametna theampo ka bosua zo hi. Kei kung panin buu heak in, na buu le kei sia mithi khua a zuansukte taw ka omkhawm tu hi.

Psalm Late 16:10

thina vaangletna panin hong sungsia na hikom thumaan takin nang atu kong seam hi, tua hi a mithi khua ah nong nusia buatu hi.

Psalm Late 18:5

A lauhuai thina in kei hong uumci a, thaankuul in a thaang taw kei hong sia hi.

Psalm Late 30:3

Leinuai a thuk zaw na zuanin ka pai laitakin nuntakna a thak nong pia kik hi.

Psalm Late 30:9

“Ka thina tungtaang ah bang meetna nei tu ni ziam? Thaankuul sung ka zotsuk ciang bang phattuamna om ziam? Mithite in nang hong pok thei tu ziam? A lalmaw na phatna amate in thangsak thei tu ziam?

Psalm Late 55:23

Ahihang, Pathian awng, mihing thatte le a leilotte nangma in amate khanlang a cin ma in a thaankuulte ah na paipui tu hi. Kei ka hile nang kong muang tu hi.

Psalm Late 65:6

Na vaangletna lian lakin, nangma in mualte na thahatna taw a om natu munah na koi hi.

Psalm Late 69:2

Buan thuk sungah ka tum suk a, lei ngum mun om ngawl hi; tui thukna sung ka theng a, tuihualte hangin tui ka ta dektak hi.

Isaiah 38:10

Ka khan kimlaitakin mithi khua zuan tu hi thong tang a, Huaikut teakkut in nungta ngawl tu hi tang a, ci in ka ngaisun hi.

Isaiah 38:17

Ka thinngimna sia thinnopna suak tu hi. Lauhuaina theampo pan ka nuntakna nong ngum hi; ka khialna theampo nong maisak hi.

Isaiah 40:12

Akua in khutkuak dim taw tuipi tee thei tu ziam, ahibuale a khutte taw vantung tee thei tu ziam? Akua in hai khat sungah leitung leitang heang thei tu ziam? tua ahibuale akua in mualliante le mualnote toai tee thei tu ziam?

Ezekiel 26:20

Mithi khua ah taanghlai a nungta mihingte kung kong puak tu hi. Tua leinuai ngam, tawntung siatna munah mithite taw kithawl tu in kong koi tu hi. Tua zawk nungsang in na sungah hong kiteang kik nawn ngawl tu a, a nungtate ngam sungah om mun na la buatu hi.

Ezekiel 31:14

Tua ahikom, tu pan kipan bangza po in tui kham hikale thingkung khat zongh, tua tan a saang mama in khangto ngawl tu a, van ah meei kaanto in a dokto kik nawn buatu hi. A thithei mihingte bangin lalin thi siat tu a, mithi khua a zuansukte taw tonkhawm tu uh hi.”

Habakkuk 3:10

Mualte in nang hong mu ciangin liing uh a, van panin tui hong buasuk hi. Leinuai a tuite hawk vabuat a, a tuihualte khangin saangto hi.

Habakkuk 3:6

Ama a tawlngak ciang, leitung kithing a; Ama ii a et ciang minamte liinglawng hi. A tawntungin a om mualte kektham a; taanghlai hunin, a va ngeina mualte, a kip tawntung mualte kiasuk hi.

Matthew 16:18

“Tuaciang, a maan takin kong ci ciang, Peter awng: nang sia suangpi na hi hi, tuaciangin, hi suangpi phungkawng tungah ka pawlpi ka phut tu a, thina ngawngawn zongh in a zo zo buatu hi.

Thuhil kikna 32:22

Ka thin uukna sia mei bangin kuang a, leitung a om na theampo kaangh siat tu hi. Leinuai dong thengsuk tu a, mualpeangte zongh kaanghtum siat tu hi.