Jonah 1:9 - Syin Chin Bible

⁹ “Kei Hebrew mi khat khi hi,” ci in Jonah in zo hi. “Lei le tuipi a vawt, vantung Pathian, Topa ka bia hi,” ci hi.

Jonah 1:9 Iomraidhean Croise

Pianciilna 1:10

Ama in leitang sia “Leitung” ci a, a kikaikhawm tui teng sia “Tuipi” ci hi. Pathian in tua bang a mu ciang phasa a, lungkim hi.

Pianciilna 14:13

Ahizong ngalte khut sung pan a suakta khat in Hebrew mi Abram kungah pai in hi thu theampo son hi, Abram sia Amor mi Mamre ii neisa thingkung thiangthote kungah teang hi. Mamre le a suapuipate Eshcol le Aner sia Abram kipawlpui te ahi uh hi.

Pianciilna 24:7

Vantung Pathian, Topa in ka pa inn pan le ka beete ngam pan hong paipui a, ama in ka suan ka paalte tungah hi ngam kong pia tu hi, ci in ciliaphuai takin kamciam hong pia hi. Tualai ah ka tapa atu zi khat na nga thei natu in ama in na mai ah ama ii vantunglalang sia sawl tu hi.

Pianciilna 39:14

ama in a inn naseamte samin, “Hi sia en vun! Ka pasal ii inn ah hong ciapui, hi Hebrew sia pa in ei hong zawnsak vawt hi. Ama ka inndoi sungah hong tum a, buanin khialpui tu in hong kipan hi, ahizong a nging theiza in ka cik-au hi.

2 Kumpite 17:25

Amate tua munah a ten phit sawngin Topa bia ngawl uh ahikom Topa in tawpi te puakin, amate pawlkhat thatlumsak hi.

2 Kumpite 17:28

Tua ahikom Samaria pan a kihawlkhia Israel thiampi khat sia pai in, Bethel ah teang a, tua mun pan Topa bangbangin bia tu ci in a mihingte hil hi.

Ezra 1:2

“Hisia in Persia kumpilianpa Cyrus ii thupiakna ahi hi. Vantung Pathian, Topa in leitung bup uk tu in keima hong koi zo a, Judah ngam Jerusalem ah ama atu biakinn khat sa tu in vaipuak hong pia zo hi.

Ezra 5:11

“Amate in, ‘Kote vantung le leitung Pathian ii naseamte hi in, a vaanglian Israel kumpipa khat ii kum tam mama lai in a sak phit le vanh a kinguan Biakinnpi sia a sa kik ka hi uh hi.

Nehemiah 1:4

Hi thu teng ka zaak ciang to suk in ka kap hi. Ni tam mama khuangai in ka mau a an ka ne bua hi. Pathian tungah thu ka ngen a,

Nehemiah 2:4

Kumpilianpa in, “Na dei sia bang ziam?” ci in hong dongh hi. Vantung Pathian tungah thu ka nget zawkciang,

Nehemiah 9:6

Tua zawkciang Israel mite in hi bangin thungen uh hi. “Topa awng, nangma bek Topa na hi a; Vantungte le van a aksite na vawt hi. Lei le tuipi le a sungah, na theampo na piangsak a; nuntakna na pia siat hi. Vantung ah a vaangnei theampote in kun a nang hong bia uh hi.

Job 1:9

Satan in, “Hong biak hu in bangma nga buale Job in nang hong bia na tu ziam?

Psalm Late 136:26

Vantung a om Pathian tungah lungdamko vun, ama ii itna kip tawntung hi.

Pusuana 1:15

Tuaciang Egypt kumpipa in Hebrew nupite nausuaksak syama niite ahi, Shiphrah le Puah tungah thu sonpui hi.

Pusuana 2:13

A zing ciang ama pai kik a, Hebrew te nii kihau mu hi. Ama in a khial pa tungah, “Banghangin na Hebrew mipui sia pa saat ni ziam?” ci hi.

Daniel 2:44

Tua ngamukte hun sungin, vantung Pathian in a bo ngeingawl tu kumpi ngam khat phut tu hi. Tua ngam sia kuama in zo zo ngawl tu a, ahizong tua ngam in kumpi ngamliante theampo zo ngawpin kip tawntung tu hi.

Hosea 3:5

Ahihang Israel mite in amate ii Pathian Topa kung le kumpi David suan khat ii kung a zot kik tu hun khat hong theng tu hi. Tuasia ciang amate in Topa kiita tu a, ama ii letsong phate saang tu uh hi.

Sawltakte 14:15

“Banghangin hi bangin, ngamta thong nu ziam? Ko zongh mihing thawthong hi a, noma bangma hi lel khu hi! Ko sia hi sungah, Lungdamna Thupha thangsak tu, hi a man nei ngawl nate panin a nungta Pathian sangah hong kiheaksak tu ka hi uh hi. Tua Pathian in vantung, leitung, tuipi, le tuate sung a om theampo a vawtpa ahi hi.

Sawltakte 27:23

Banghang ziam cile ama ii neisa ka hi a, ka biak Pathian ii vantunglalang khat tu zanin hong pai a,

Philippi te 3:5

Ka sua zawk nipi khat a cin ciangin ka vunteap hong ki atsak hi. Ka pianna sia Israel mi in ka piang a, Benjamin suan hi in, Hebrew chi tatak ka hi hi. Jew te Thukham zuina taw kizomin keima in Pharisee khat ka hi hi,

Thupualaakna 11:13

Tua hun laitak nasia tatakin zinliing hi; khuapi ii see sawm sua see khat laltham a, mihing tul sali thi hi. A om lai mihingte lau in vantung ah om Pathian letna pok uh hi.

Thupualaakna 15:4

Topa awng nang lamdang hong sa ngawlin akua ding tu ziam? Akua in na letna a thansak tu nial ngam tu ziam? Nangma bek na thiangtho hi. Minam theampo hong pai in nang hong bia tu hi, banghang ziam cile, thumaanin na ngamtatnate mihing theampo in hong mu siat uh hi,” ci hi.

Thupualaakna 16:11

tuaciang vantung Pathian tungah a meima botte hu in, haamsiat uh hi. Ahihang amate ngitlona pan a kisiik tuan bua uh hi.