Jonah 1:6 - Syin Chin Bible

⁶ Teambaw ukpipa in tua munah Jonah a mu ciangin, “Banghangin mu thong ni ziam? Tho in a, hong hu natu in na pathian tungah thungen in. Ama in eite hong mulkimin ih nuntakna hong khoaikhe tha tu hi,” ci hi.

Jonah 1:6 Iomraidhean Croise

2 Samuel 12:22

“Hi hi, a nuntak hunsung teng kapin an tang peu khi hi. Topa in kei hong hesuak tha tu a tano thisak ngawl tu hi ci in ka ngaisun hi.

Esther 4:16

“Pai in a, Susa khuapi sungah a om Jew mi theampo khawm in; antang in kei atu thu hong ngetsak tavun. Sun thum le zan thum sung an ahizong tui ahizong bangma ne heak vun. Ka khangmoi numeite le keima zongh tuabang ma in ka na vawt tu uh hi. Tua zawkciang, upadi bang ahibuatazong kumpipa kungah ka pai tu hi. Tuabang ka pai hu in ka thi a kul le zong a thi ka hi tu hi” ci hi.

Psalm Late 107:6

Tuasia ciang a ngim ngana sung pan amate in Topa biakpui uh a, ama in a cimawkna uh sung pan hun hi.

Psalm Late 78:34

Amate sung pan pawlkhat a thalup sim, a om lai teng in ama ii kung zuan a, kisiikin thin tak taw thungen uh hi.

Isaiah 3:15

Ka mite na sukcip natu le mizawngte tung pan meetna laak natu thu bangma na nei bua uh hi. Keima, Vaanglianpipa Topa, Vaanglianbelpa ka pau zo hi,” ci in mawsak hi.

Ezekiel 18:2

tuaciang “Israel ngam sungah mite ii paunak a law kikik sia bang ziam? ‘Nu le pate in a thuk sapitngate ne a, Ahihang a tate a ha uh khim hi.’

Joel 2:11

Topa in a ngalkaphonpi tungah vanto aw taw thupia hi. A thuni ngalkap honte tam a, thahat hi. Topa ni sia bangza in lauhuai ziam! akua suakta zo tu ziam?

Amos 5:15

Thusia ngaimaw in thu man dei vun a, thukhenzumte ah thukhaikim omsak vun. Hi ngamte sungah a nungta lai mite Topa in hesuak thei tha tu hi.

Jonah 3:8

Mi theampo le nganhing theampo in khau-ip puan silh tu hi. Mi simin Pathian tungah nasia takin thungen tu a, ngitlo ngamtatna le a siathuai a tuk a diannate nusia tu hi.

Jonah 3:9

Pathian a thin kheal kik tha tu hi; a thin uukna thaisak tha tu a ih thi buatu hi!” ci hi.

Sawltakte 21:13

Ahihang Paul in, “Bang son nu ziam? Hi bangin kapin ka thin hong tamhsak nu ziam? Jerusalem ah khau kikhii bek dom ngawlin, Topa Jesus hangin, tua munah a thi tu ngawngawn zong kingingta zo khi hi,” ci in zo kik hi.

Romete 13:11

Hisia na vawt uh kul hi, banghang ziam cile, na mutna uh panin, na khanlaw natu a hun cing zo hi, ci in na he uh hi. Ih upciil lai sangin tu in ih kingup natu naizaw zo hi.

Ephesus te 5:14

banghang ziam cile a thiang takin a kilangh na khat pawpo sia khuavak suak hi. Tua hu in hi bangin kici hi; “A mutthippa awng, khanglo in, tuaciang thina pan tho in, tua hile Christ sia nang tungah hong taang tu hi.”