Jonah 1:3 - Syin Chin Bible

³ Ahihang Jonah in Topa a pial thei natu in a kisawlna sangah pai ngawlin a leelam sangah pai hi. Ama Joppa ah pai in, tua munah Spain ngam ah a pai tu teambaw khat mu hi. Teambaw saapna sum a piak zawkciang Topa taw a kikhuala natu mun Spain ngam ah pai tu in teambaw hawlte taw teambaw tungah kaa hi.

Jonah 1:3 Iomraidhean Croise

Pianciilna 3:8

Tua nitakin, amate in huan sungah Topa Pathian khuasuan nging za uh a, ama ii mu ngawl natu thingkungte kawmah buu uh hi.

Pianciilna 4:16

Tuaciang Topa omna panin Cain paikhia a, Eden ii nisuana sang “Vakkot” a kicina ngam le lei ah teang hi.

1 Kumpite 19:3

Elijah lau a, a nuntakna kihuk natu in, a naseampa taw Judah ngam Beersheba zuan in tai hi. A naseampa tua munah nusia a,

1 Kumpite 19:9

Tua munah zan ngiak tu in suanghawng khat ii sungah tum hi. Thakhat thu in Topa in, “Elijah, hi sungah bang vawt ni ziam?” ci hi.

2 Khangtaanghthu 2:15

Tua hi a, tu in nong kamciamsa zungtaang, mangtaang, sapittui le olive thaute hong puak ta'n.

2 Khangtaanghthu 2:16

Lebanon mual te tungah na kisap za cedar thing ih phuk tu a, kopsawm in, phongte vawtin Joppa ciang tuipi tungah kitaaisak tu hi. Tua mun pan nangma in tuate Jerusalem ah na nawn thei tu hi,” ci in at hi.

2 Khangtaanghthu 9:21

Solomon in Hiram kumpipa ii teambawte taw a paikhawm tuipi teambaw honkhat nei hi. Kum thum simin ama teambawte hong heak kik ciang khamh, ngunn, saiha, mei nei ngawl zawngpuite le zawngte hong pua uh hi.

Ezra 3:7

Mipite in suangciangte le lettamate a piak tu sum khia in, tuipi lam tawnin Joppa khua ah a kipua tu Lebanon pan Cedar thingte the natu in, Tyre le Sidon khuapite ah an le tui, olive thaute pia si uh hi. Hite theampo Persia kumpilianpa Cyrus ii thukimna la in kivawt hi.

Job 1:12

Topa in Satan tungah, “Pha hi, a neisa theampo nangma khut sungah om hi, ahihang Job pumpi tatak susia ngawl het tu ni hi,” ci hi. Tua ahiciang Satan in paisan hi.

Job 2:7

Tuasia ciang Topa omna pan Satan pusuak in, ama in, Job ii pumpi tung theampo ah meima puite piangsak hi.

Psalm Late 107:23

Pawlkhatte in tuipite tungah teambawte taw khualhaw in tuipi tung panin a nuntak natu zong uh hi.

Isaiah 2:16

Ama in a lianbel le a hoibel teambawte ngawngawn tum suksak tu hi.

Isaiah 23:1

Hisia in Tyre taw kisai thupuak ahi hi. Tuipi tung a pai teambaw hawlte awng, khuangai in kap vun! Teambaw tawlngakna na khuapi Tyre sia kilalsak zo hi; a innte le teambaw tawlngakna munte lalcip in om hi. Na teambawte Cyprus pan hong heak kik ciang hi thute na za uh hi.

Isaiah 23:10

Spain ngam ah ngamthak saatin a teang no mihingte awng, pai in lotho vun! No hong khoi tu kuama om nawn ngawl hi.

Isaiah 23:6

No Phoenicia mite awng, he in kap vun! Na suatak natu in Spain ngam zot tu hanciam vun!

Isaiah 60:9

Tua teambawte sia ngam khuala na pan hong pai hi a, Pathian ii mite inn ah hong ciapui ahi hi. Minam theampo in ama mite a zaktasak Israel te ii a thiangtho Pathian Topa ii min patoai natu in, amate in ngunn le khamh hong paipui uh hi.

Jeremiah 10:9

A milimte sia Spain ngam pan a piang ngunn taw, Uphaz ngam pan a piang khamh taw kituam a, limsuai thiamte ii vawt veu hi siat hi; tuate sia thiamtak thiamte ii a taa puan sandupciik le puan sandupte kisilhsak hi.

Ezekiel 2:8

“A thithei mihing awng, kong sonte hong ngai ta'n. Amate bangin tualngal suak heak in. Na kam kaa in a, kong piak tu sia ne ta'n,” a ci sia ka za thua lai hi.

Ezekiel 27:12

Spain ngam ah sum na vawt a, ngunn, thik, daan le haakte la in, vanh tam mamate thena in na nei hi.

Ezekiel 3:14

Topa ii vaangletna sia ka tungah thahatna lianpi taw hong theng a, tuaciang ama thaa in kei hong paipui ciangin dik ka sa bua a ka thin a uuk hi.

Jonah 1:10

Jonah in amate tungah, ama sia Topa kung pan a taithap ahi hunlam son thua hi. Teambaw naseamte lau a, ama tungah, “Tuasia a lauhuai ngamtatna hi thong ngawl ziam!” ci uh hi.

Jonah 4:2

Tua ahiciang ama in thungen a, “Topa awng, ka inn pan ka din ma in tubang ngengei in ngamta tu ni hi hong ci hi ngawl khi ziam? Tuasia hu in Spain ngam ah ka hi thei za in tai tu hanciam khi hi! Nang in a it thei le a hesuak thei Pathian hi a, thinsau tawntung, cingh tawntung a, thin kheal tu le daan a pia ngawl tu in kinging tawntung ni hi, ci in kong he hi.

Luke 9:62

“Mihing khat lotho a kipan sia in, nungsang a lee et kikik le Pathian Ngam atu in, ama kimanna om ngawl hi,” Jesus in ci hi.

Sawltakte 15:38

Ahihang Paul in, tua pa a kaizot tu sia suak a sa bua hi. Banghang ziam cile, a nasep man dong, ompui ngawlin, John Mark in amate sia Pamphylia ah nusia in heak kik hi.

Sawltakte 26:19

“Tua ahikom, Kumpipa Agrippa awng, vantung pan ka nga mukholna sia ni ngawlin ka om bua hi.

Sawltakte 9:36

Joppa khua ah Tabitha kici numei khat om a, ama sia thu um khat ahi hi. (Ama ii Greek min sia Dorcas hi a, “sangai khat” cinopna hi) Ama in a hun nei theampo thupha vawtna le, a zawngte huna in zangh hi.

Sawltakte 9:38

Joppa sia Lydda panin a khuala bua hi, tuaciangin thu umte in, Peter sia Lydda khua ah om hi ci in a zaak uh ciangin kamtai nii paisak a, “A manlang in hong pai ta'n,” cisak uh hi.

Sawltakte 9:42

Hi thupiang sia Joppa khuazaang ah thang a, mihing tam mama in, Topa um uh hi.

Sawltakte 9:43

Peter sia Joppa ah savun vawt ahi Simon kungah ni tam mama taam hi.

1 Corinth te 9:16

Lungdamna thu ka hil hu in, ka kisuantaak natu thu ka nei bua hi. Tuasia tatak ma seam tu in hong kisawl hi. Tuaciang lungdamna thu hil bua leng kei atu in bangza in lauhuai tu ziam!

2 Thessalonica te 1:9

Ama ii mihing theampo le a thu um mihingte tung pan minthanna le vaang piakna a nga tu in, tua Ni Topa hong pai ciang, Topa mai le vaanglet minthan na pan amate kikhen tu a, tawntung lalcipna daan thuak tu hi. Note zongh, ko ii kong son thute um zo na hi uh ciangin tua thu um te sungah na kihel tu uh hi.

Joshua 19:46

Mejarkon le Rakkon, tuaciang Joppa kiim a ngam zongh kihel hi.