Jonah 1:17 - Syin Chin Bible

¹⁷ Topa sawl bangin ngasa lian khat in Jonah valh a, ama sia ngasa ngil sungah sun thum le zan thum om hi.

Jonah 1:17 Iomraidhean Croise

Pianciilna 1:21

Tua ahiciang Pathian in tuipi nganhing liante, tui sung a nungta nganhing nam theampo le vacim nam theampo bitphua hi. Pathian in tuabang a mu ciang phasa a, lungkim hi.

Jonah 2:10

Tuasia ciang Topa in vaalbo tungah Jonah a luak natu in ngasa tungah thupia a, tuabangin ngasa lua hi.

Jonah 4:6

Tuaciang Jonah ii a nuamzaw in a lim a belh thei natu in Topa Pathian in a kung hing khat potosak hi. Hi a kung hing sia hangin Jonah lungkim mama hi.

Habakkuk 3:2

Topa awng, na sep na vawtte ka za zo a, zakta in lamdang ka sa mama hi. Tu in ko hun sung zongh ah nasep lianpi na sep ngeite hong seam kik ta'n. Na thin uuk ciang zong hesuakna hong nei ta'n.

Matthew 12:40

Jonah in sun thum le zan thum ngasa lian ii ngil sungah a om bangin, Mihing Tapa zongh sun thum le zan thum leithukna sungah om tu hi.

Matthew 16:4

Hi hun ah mihingte bangza in khansia a Pathian um ngawl ziam? Nalamdang lakna hong ngen na hi uh ziam? Vawt ngawl tu khi hi! Jonah nalamdang lakna khat sia bekma note tungah hong kipia tu hi,” ci hi. Tuaciang, amate nusia in paisan hi.

Luke 11:30

Nineveh khua mite atu in kamsaangpa Jonah sia, lim lakna khat ahi bangma in, Mihing Tapa zong tu hun mihingte atu in, lim lakna khat hi tu hi.