John 9:4 - Syin Chin Bible

⁴ Sun hun laiteng in kei hong sawlpa na ih sep kul tu hi; kuama ii na a sep thei ngawl zan hun hong theng tu hi.

John 9:4 Iomraidhean Croise

Thuhilsya 9:10

Na sep pawpo hanciam in seam in, banghang ziam cile mithite ngamah, tukna, dianna om ngawl, khua ngaisutna, heakna, ciimna om ngawl tu hi — tua mun sia na zotna tu mun ahi hi.

Matthew 20:7

‘Kuama in hong cial ngawl hi,’ ci uh hi. ‘Tua ahile no zongh sapithuan sungah diang tavun,’ ci in sawl hi.

Mark 3:3

Jesus in pasalpa munah, “Hi sung mai sangah hong pai ta'n,” ci hi.

John 10:32

“Ka Pa ii sep tu hong piak na pha tam mama noma mai ah kong seam zo hi; tuate sung pan koisia ka sep hu in, suang taw den hong sawm nu ziam?” Jesus in ci hi.

John 10:37

Pa ii seam a hong oaite seam ngawl ka hile, tuasia ciangin hong um heak vun.

John 12:35

Jesus in zo kik a, “Khuavak sia no sungah tawmvei hong om lai tu hi. Khuazing sia no tungah hong thet man ngawl natu in, khuavak na nei uh laitakin, na paina lampi ah paisuak tavun; banghang ziam cile khuazing sungah a pai khat in a zot natu mun a he bua hi.

John 17:4

Na minthanna leitung ah ka lak zo hi; sep tu a nong piak nasep sia ka man zo hi.

John 4:34

Jesus in, “Kei ii an sia, kei hong sawlpa ii deina ka zui tu le hong piak nasep ka zaw tu ahi hi.

John 5:19

Tua ahikom amate kungah Jesus in, “A tatakin kong ci hi: Tapa in ama thu taw bangma vawt thei ngawl hi; a Pa ii vawt a mu teng bekma vawt hi. Pa ii vawt teng Tapa zongh in vawt hi.

John 5:36

Ahihang John ii tetti panna sangin, a lianzaw kei taang a ding tu tetti khat ka nei hi: Pa ii sep tu hong piakte ka sepna po in kei taangin a pau hi a, kei sia Pa hong sawl ahi hunlam lak hi.

John 7:33

Jesus in, “No taw tawmvei sung kong omkhawm lai tu a, tua zawkciang, kei hong sawlpa kungah ka pai tu hi.

Sawltakte 4:20

Banghang ziam cile ka mu sa uh, ka zaaksa uh thute son ngawlin, ka om thei buatu uh hi,” ci uh hi.

Galatia te 6:10

Tua ahikom hunpha ih nga simin mihing theampo tungah a pha ih seam tu a, a tuan in upna sung a ih innkuanpuite tungah ih seam tu hi.

Ephesus te 5:16

Hunpha na nga simin, a pha in zangh in, banghang ziam cile tu hun in ngitlo hun ahi hi.

Colossae te 4:5

Thu um ngawlte tung na ngamtatna uh ah ciimna na zangh vun a, hunpha na nga uh theampo a pha takin na zangh vun.