John 9:10 - Syin Chin Bible

¹⁰ “Tu in khua na mu thei sia bangbang tatak ziam?” ci in amate in dongh uh hi.

John 9:10 Iomraidhean Croise

Thuhilsya 11:5

Pathian in na theampo vawt a, ama sep le vawtte numei naupaai khat ii sulh sungah nuntakna thak khat a kipat, na tel zawk ngawl bangin na tel zo bua hi.

Jeremiah 36:17

Tua zawkciang amate in, “Tu in hong son ta'n, hite theampo bangbangin at thei ni ziam? Jeremiah in hong khaw ziam?” ci in Baruch dongh uh hi.

Mark 4:27

Ama zanin mu a, sunin diang hi, tua laan theampo in thaicii hong po a hong khang hi. Ahihang bangbangin piang ziam ci in a he bua hi.

John 3:9

Nicodemus in, “Bangbangin hi thu suak thei tu ziam,” ci in dongh hi.

John 6:1

Tua zawkciang, Galilee tuili (Tiberias Tuili zongh kici) kaantanin Jesus pai hi.

John 9:11

Ama in “Jesus a kici pa in buan tawm vawt a, ka mitte hong noisak zawkciang, Siloam ah na maiphiat ta'n, hong ci hi. Tua ahikom, pai a, ka mai ka phia zawk po ciangin, khua ka mu thei hi,” ci in zo hi.

John 9:15

Tuasia ciang Phariseete in a mit khua a mu kik theina thu, pasalpa munah dongh kik uh hi. “Ama in ka mitte buan hong noisak hi; ka mai ka phiat a, tu in khua ka mu thei hi,” ci in ama in zo hi.

John 9:21

Ahihang bangbangin tu in khuamu thei a, akua in damsak ziam ci zongh ka he bua uh hi. Ama dongh vun; a khan haam zo hi, ama ii thu ama in hong zo thei hi!” ci uh hi.

John 9:26

“Ama in bang hong law ziam? Na khuamu ngawlna pan, bangbangin hong damsak ziam?” ci in dongh uh hi.

John 9:9

Pawlkhat in, “Ama hi peu hi,” ci hi, ahihang a dangte in “Ama hi ngawl hi; a kibanpui khat hi bek hi,” ci uh hi. Tua ahikom pasalpa in, “Keima in tuasia pa khi hi,” ci hi.

1 Corinth te 15:35

Pawlkhat in, “Bangbangin a thisate kitho kiksak tu ziam? Amate in bangbang pumpi nei tu ziam?” ci tu nu hi.