John 8:53 - Syin Chin Bible

⁵³ Ih pa Abraham thi zo hi; Abraham sangin lianzaw khi hi a ci nuam na hi bua na ziam? Tuaciangin kamsaangte zongh thi zo hi. Nang akua kisa ni ziam,” ci uh hi.

John 8:53 Iomraidhean Croise

Isaiah 9:6

Eite atu nausen khat hong suak hi! Ei atu tapa khat hong kipia hi! Tuaciang ama in eite hong ukpa hi tu hi. Ama sia, “Lamdang, Thu lakpa” “Vaanglian Pathian,” “Tawntung Pa,” “Kilemna Kumpi” kici tu hi.

Matthew 12:6

A tatakin kong ci ciang, hi sungah Biakinnpi sangin a lianzaw khat om nginge hi.

Matthew 3:9

Na taanghpupi Abraham suan le paalte na hi uh hu in, daan thuak natu pan suakta tu in, kimuangmaw heak vun. No tungah hong ci khi hi, Pathian in hi suangte zongh la in Abraham suan le paalte suaksak thei hi!

John 10:33

Amate in “Na pha khat pawpo nasep hu in, hong deang nuam hi ngawl khu hi. Ahihang Pathian zawnsakna kam na pau hu in suang taw hong deang nuam khu hi! Nang sia mihing ma hi napi nangma le nangma Pathian in kivawt tu na hanciam hi,” ci in zo kik uh hi.

John 12:34

Mihonpi in “Ih Thukham in Messiah nungta tawntung tu in hong son hi. Tua ahile bangbangin Mihing Tapa kilaamto tu hi, ci thei ni ziam? Hi Mihing Tapa sia akua ziam?” ci uh hi.

John 19:7

Mihon in zo kik a, “Ama in Pathian Tapa ka hi ci ahikom thidaan piak tu in kilawm hi a ci thukham khat nei khu hi,” ci uh hi.

John 4:12

Hi tuikhuk hong pia sia in ih taanghpupi Jacob hi; ama le a tapate le a nganno honte, a vekpi in hi tuikhuk panin dawn tek uh hi. Jacob sangin lianzaw kisa na hi bua na ziam,” ci hi.

John 5:18

Hi bang a pauna in, Jew thuneite ii Jesus a thalup nopna khangsak seseam hi; Sabbath thukham paltan bek dom ngawlin, Pathian sia ama ii aituam Pa hi a ci ciang, ama le ama Pathian taw a za kikimsak ahi hi.

John 8:58

A maan takin kong ci hi, “Abraham pian ma in, ‘Keima’ ka om zo hi,” ci in Jesus in zo kik hi.

Romete 9:5

Amate in khanglui Hebrew minthangte ii suan le paal te hi uh a, Christ ii mihing a hina taw amate ii minampui ahi hi. Na theampo a uk Pathian sia a tawntungin kipok tahen! Amen.