John 8:51 - Syin Chin Bible

⁵¹ A maan takin kong ci hi: a kuama po ka hilcianna a nite, a thi ngei buatu hi,” ci in zo hi.

John 8:51 Iomraidhean Croise

Psalm Late 89:48

Akua thi ngeingawlin, nungta thei tu ziam? Mihing in thaankhuk pan bangbangin ama le ama kikeam thei tu ziam?

Matthew 16:28

A tatak kong ci ciang, hi lai ah a om mihing pawlkhatte ahile, Mihing Tapa Kumpipa in hong pai a mu mateng in a thi buatu hi,” ci hi.

Luke 2:26

Topa ii a ciamsa Messiah a mu mateng a thi ngawl natu in, thinmuanna pia hi.

John 14:23

Jesus in, “A kuama po kei hong it sia in ka hilcianna a zui tu hi. Ka Pa in tua pa it tu a, ka Pa le keima in ama kungah pai in, ama taw ka teang tu uh hi.

John 15:20

Kong sonsa thu phawk tavun: ‘Silapa in a topa sangin lianzaw ngawl hi.’ Amate in kei hong vawtsia le no zongh hong vawtsia tu hi; amate in ka hilna a mang uh le no hilna zongh zui tu hi.

John 17:6

“Leitung pan a nong piaksa mite kungah nangma kong hesak zo hi. Amate nangma neisa hi a, amate kei nong pia zo hi. Amate in na kammal hong ni hi,

John 5:24

“A tatakin kong ci hi: ka kammalte za a, kei hong sawlpa a um pawpo tawntung nuntakna nei hi. Amate tungah thu kikhen ngawl tu a, thina pan nuntakna sungah theng zo hi.

John 6:50

Ahihang vantung pan hong paisuk anluum sia nam tuam khat hi a, a ne peuma thi ngawl tu hi.

John 8:12

Jesus in Phariseete tungah, “Keima in leitung khuavak ka hi hi. Kei hong zuite peuma in nuntakna khuavak nei tu a, khuazing sungah a vak ngei buatu hi,” ci hi.

John 8:52

Amate in, “Tu in nang sia doai vei na hi hunlam kong telcian uh hi! Abraham thi a, kamsaangte zongh thi hi, tua hi napi na hilcianna a nite peuma thi ngeingawl tu hi, ci ni hi.

John 8:55

No sia ama na he ngei bua uh hi, ahihang kei in ka he hi. Ama he ngawl khi hi, ci tu hi leng, noma bangma in a leilot ka suak tu hi. Ahihang ama ka heak hi a, tuaciangin ama ii thu ka ni hi.

Hebrew te 11:5

Upna in Enoch sia thina panin keam hi. A thi tu luangin, Pathian in ama la to zaw a, kuama in ama mu thei nawn ngawl hi. Laithiangtho sungah Enoch sia a kilaak to ma in, Pathian lungdamsak hi, ci hi.

Hebrew te 2:9

Ahihang Pathian ii thuthiamna tungtawnin, mihing theampo atu a thi tu in, vantunglalangte sangin tawmvei hunsung teng a niamzaw in a kivawt Jesus ih mu hi. Thina a thuak hu in tu in minthanna le upatna lukhu a khuk ih mu hi.