John 8:3 - Syin Chin Bible

³ Thukham hil syate le Phariseete in, numei le pa palngul khialna a vawt laitak a mat uh numei khat hong paipui uh a, amate theampo ii mai ah, dingsak hi.

John 8:3 Iomraidhean Croise

Ezekiel 16:38

Palngul mawna le mihing thana taw kong ningkhiin tu a, ka thin uukna le ka thinsona taw nang sia thi daan kong pia tu hi.

Ezekiel 23:45

Mihing thutang te in amate sia palngul mawna le mihing thana vawt nu hi ci in a ningkhiin tu uh hi, banghang ziam cile palngul mawna vawt in a khut uh chisan baang hi.”

Mi Simna 15:33

Ama sia Moses, Aaron le taangpi bup mai ah kipaipui a,

Matthew 2:4

Ama in thiampi liante theampo le Thukham hil sya theampo kaikhawm in, “Messiah koisungah suak tu ziam?” ci in dongh hi.

John 8:2

A zing ciang zing tuungin ama Biakinnpi ah pai kik hi. Mihing theampo ama ii kiim ah kikhawmtua uh a, tuaciangin ama to in amate hilcian tu in kipan hi.

John 8:4

Amate in Jesus munah, “Syapa awng, hi numei nu sia numei le pa palngul khialna a vawt laitakin kiman hi.

John 8:9

Amate in hi thu a zaak ciangin, nusia siat uh hi, khanghaam teng masa in, khat zawkciang khat a vekpi cia uh hi. Tua munah a ding lai numei le Jesus bek taang hi.

John 9:13

Tuaciang amate in a mittaw ngeipa sia, Phariseete kungah paipui uh hi.

Sawltakte 4:7

Amate in sawltakte sia a mai ah dingsak a, “Hi sia bangbangin seam nu ziam? Note in bang vaang nei a, akua min zangh nu ziam?” ci in dongh uh hi.

Romete 7:3

Tua ahikom a pasal nungta nginge lai in, numei in pa dang khat taw a teang le a pasal palngul hi kici tu hi; ahihang a pasal a thi le, thukham panin a suakta numei hi a, ngualdang khat a teenpui hangin ama in palngul mawna vawt ahi bua hi.