John 8:21 - Syin Chin Bible

²¹ Tuaciang Jesus in, “Kei ka pai tu hi; nong zong tu uh a, ahizong na mawnate sungah na thi tu uh hi. Ka pai natu munah, na pai thei buatu uh hi,” ci hi.

John 8:21 Iomraidhean Croise

1 Kumpite 18:10

A nungta Topa, na Pathian taw kiciam ngam khi hi, leitung ngam theampo ah kumpipa in nang hong zongsak zo hi. Ngam khat a ukpa in nang sia ama ii ngam sungah om ngawl hi ci in thu a puak le Ahab in tua ngam ah nang hong kimu zawk ngawlna thu sia tua ngamukpa kiciamsak hi.

Job 20:11

A pumpi moi in hat mama ngei hikale hai ngawlin leivui suak tu hi.

Paunakte 11:7

Mihing seksol khat a thi ciangin ama lametna zongh ama taw thi khawm hi. Haunate sungah thinmuanna sia bangma ahi bua hi.

Paunakte 14:32

Mihing seksolte in amate tatsiatnate taw amate le amate ii a kiamsuk natu uh piangsak hi, ahihang mihing phate sia amate takkhana in huu hi.

Isaiah 65:20

Nausente a sen in thi nawn ngawlin, mihing theampo in amate nuntak hun ciam vaal khanghaam in nungta tu uh hi. Kum zakhat bang a nungtate khangmoi in kingaisun tu hi. Tua maa in a thite sia keima in amate daan ka piak hunlam a kilakna lim khat hi tu hi.

Matthew 23:39

Hong ci khi hi; tu pan kipan, ‘Topa min taw hong pai pa sia Pathian in thupha pia tahen,’ na ci uh mateng in, kei nong mu kik nawn buatu hi.” a ci hi.

Matthew 25:41

“Tuaciangin a veisang a tote munah, ‘Kei kung pan tai vun, no Pathian ii haamsiat sate awng! Doaimangpa le a lalangte atu a kivawt kholsa tawntung meikuang sungah pai tavun.

Matthew 25:46

Tua ahikom hite sia tawntung daan thuak natu sungah kipuak tu a, ahizong a thumaan thutangte sia tawntung nuntakna sungah pai tu hi,” ci hi.

John 12:33

(Hi bangin a pau sia ama thuak tu thina zia a sonna ahi hi.)

John 12:35

Jesus in zo kik a, “Khuavak sia no sungah tawmvei hong om lai tu hi. Khuazing sia no tungah hong thet man ngawl natu in, khuavak na nei uh laitakin, na paina lampi ah paisuak tavun; banghang ziam cile khuazing sungah a pai khat in a zot natu mun a he bua hi.

John 13:33

Ka tate awng, kei sia no taw ngei hong omkhawm nawn ngawl tu khi hi. Note in kei nong zong tu uh hi; ahihang, Jew thunei mihingte munah ka ci sa bangin, ‘Kei pai natu munah note nong pai thei buatu hi,’ ci sia tu in kong son hi.

John 7:34

Kei nong zong tu uh a, ahihang nong mu buatu uh hi, banghang ziam cile, kei om natu munah no na pai thei buatu uh hi,” ci hi.

John 7:36

Eite in ama ih zon hang ama ih mu buatu a, ama om natu munah ei pai thei ngawl tu hong ci hi. Bang a cinopna hi tu ziam?” ci uh hi.

John 8:24

Na mawnate sungah thi tu nu hi, kong ci sia tua hang ahi hi. Tuaciangin, ‘Keima sia keima ka hi hi,’ ci in nong um bua uh le, na mawnate sungah na thi tu uh hi,” ci in Jesus in zo hi.

Ephesus te 2:1

A bosa hun sungah note in na thunit ngawl hang le, na mawnate hangin thaa lamsang ah a thisa na hi uh hi.