John 8:16 - Syin Chin Bible

¹⁶ Ahihang tuabangin vawt tu hi leng zong, ka thukhenna maan tu hi, banghang ziam cile hisia sungah kei nguak hi ngawl khi hi; kei hong sawl Pa in keima taw omkhawm hi.

John 8:16 Iomraidhean Croise

Psalm Late 98:9

banghang ziam cile ama in leitung uk tu in hong pai hi. Ama in leitung mite sia thumaanna taw a pha in uk tu hi.

Psalm Late 99:4

A thahat kumpipa awng, nangma in a maan nate na dei hi; nangma in Israel ngam sungah thutang khenna omsak zo ni hi; nangma in thutang le phatna nong paipui hi.

Isaiah 9:7

Ama ii kumpi vaangletna sia kizomin khang tawto tu a; ama ii kumpi ngam sungah kilemna a tawntungin om tu hi. Ama in David kumpipa ii za lai tu a, ama ii vaangletna in a maan le thukhaikim bulphu in tu pan kipan hun bo dongin uk tu hi. Vaanglianbelpa Topa in hite theampo khensatin seam tu hi.

Zechariah 9:9

Lungdam vun, lungdam vun, Zion mite awng! No Jerusalem mite awng, lungdam in au vun! En vun, na kumpipa no kungah hong pai hi! Ama in ngalzawna mualsua in lungdamna taw hong pai hi, Ahihang kiniamkhiak in laa khat — Laano, laatal no khat tungah to hi.

John 16:32

Note theampo kithethaang in, na inn tek zuanin, kei nguak nong nusiat tu uh hun hong theng tu hi, hi sung hong theng zo hi. Ahihang keima nguak ka hi bua hi, banghang ziam cile Pa in kei taw omkhawm hi.

John 8:29

Tuaciangin kei hong sawlpa in kei hong ompui hi; kei nguak hong nusia bua hi. Banghang ziam cile, ama diksakte ka vawt tawntung hi,” ci hi.

Sawltakte 17:31

Banghang ziam cile ama in, leitung bup ah thukhaikim thu taw, ama ii tealsa mihing khat zangh in, thu a khen natu in, ni khat, ciangtan sa in koi hi. Hi thu a maanna thu sia, tua pa thina panin a thawsak kikna taw mihing sim tungah a lak zo hi!” ci hi.

Thupualaakna 19:11

Tuaciang vantung a kihongin ka mu a, tua ii sungah siphu kaang khat om hi. A tung to pa sia Thumaan Thutang kici hi; ama in khaikim takin thukhen a, a ngalte do hi.

1 Samuel 16:7

Ahihang Topa in ama munah, “A tun saanna le a mealphatnate awlmawk heak in. Ama sia nial zo khi hi, banghang ziam cile, mihing thukhen bangin thu ka khen bua hi. Mihing in a pua sang pianzia bek en hi, ahihang kei ka hile a thinsung ka en hi,” ci hi.