John 8:11 - Syin Chin Bible

¹¹ “Kuama om nawn ngawl hi, Topa awng,” ci in ama in zo hi. “Tua ahile pha hi, kei zongh in, kong mawsak bua hi. Pai ta'n, ahihang mawna vawt kik nawn heak in,” ci hi.]

John 8:11 Iomraidhean Croise

Job 34:31

Job awng, na mawnate Pathian tungah pualaak zo ni ziam, tuaciang na maw kik ngawl natu in kamciam pia zo ni ziam?

Paunakte 28:13

Na mawnate seal tu na hanciam le nuntak sungin zawna na nga ngei buatu hi. Mawna pualaak vun a, nusia vun; tuasia ciang Pathian in na tungah hesuakna hong lak tu hi.

Isaiah 55:6

Tu in Topa hong nai ahiciang, ama kung zuan vun a, ama tungah thungen vun.

Luke 13:3

Hi ngawl het hi! A tatakin kong ci ciang, no zongh na mawna uh pan na kisiik kik bua uh le amate bangma in na thi tu uh hi.

Luke 13:5

Hi ngawl het hi! A tatak kong ci ciangin no zongh na mawna pan, na kisiik kik bua uh le, amate bangma in na thi siat tu uh hi.”

Luke 15:10

Kei kong ci ciang, tuasia bangma in, mihing mawnei khat a kisiik kik hu in, Pathian vantunglalangte lungdam hi.”

Luke 15:32

Ahihang na naupa sia thi zo a, tu in hong nungta kik hi; ama bo a, tu in kimu zo hi. Tua ahikom lungdam in poai ih vawt kul hi,’ ” ci hi.

Luke 15:7

Tuasia bangma in kei kong ci ciang, a kisiik kik ngawl mihing zatak huai sawmkua le kua te sangin a kisiik kik mawnei khat hu in vantung ah lungdamna lian zaw tu hi.

Luke 5:32

A zatakhuai mihingte a kisiik natu a sam tu in kong pai bua a, a kipuavawkte a sam tu in kong pai hi,” ci in zo kik hi.

Luke 9:56

Tua zawkciang Jesus le a nungzuite khuano dang khat ah pai uh hi.

John 18:36

Jesus in, “Ka ngam sia hi leitung ah a om bua hi; ka ngam sia hi leitung ah om hile, Jew thuneite tungah hong ki aap ngawl natu in, ka nung hong zuite in do in hong hung tu hi. Hi ngawl hi, ka ngam sia hi sung hi ngawl hi!” ci hi.

John 3:17

Banghang ziam cile Pathian in a Tapa sia leitung ii a thukhenpa tu hi ngawl a, a hunpa tu in leitung ah hong paisak hi.

John 5:14

Tuasia zawkciang Jesus in Biakinnpi sungah ama mu a, “Hong ngai ta'n, tu in dam zo ni hi; tua ahiciang, mawna vawt nawn heak in, tua ahibuale a nasia zaw thuak thei tu ni hi,” ci hi.

John 8:15

Note in mihing pianzia taw bek thu na khen uh hi; kei in kuama tungah thu ka khen bua hi.

Romete 2:4

Tua ahibuale ama ii cikna, thiamna le dual zawknate zawnsak vawt na hi uh ziam? A tatakin Pathian cingh mama hi, banghang ziam cile na kisiik kik natu in ama in hanciam in lam hong pui hi.

1 Corinth te 5:12

A tatakin a pua a om mihingte tungah thukhen tu sia kei taw kisai ngawl hi. Pathian in amate tungah thukhen tu hi. Ahihang noma pawl sung na pawlpuite tungah thu na khen tu uh hi ngawl ziam? laithiangtho sungah, “Note sung panin a ngilo mihing pa na heam vun,” a ci bang ahi hi.

Thuhil kikna 16:18

“Topa na Pathian ii hong piak thukhente le ulian dangte khua sim ah koi vun. Hi mite in thu lang khen ngawl, nguptuam nei ngawlin mipite tungah thukhen tu hi.

Thuhil kikna 17:9

tua thu sia Levi mi thiampite le tua laitak a seam thukhenmangte mai ah puak vun a, amate in khensatsak vun.

2 Peter 3:15

Ih Topa thin sauna sia ngupna na nga natu in, hunpha hong piakna hi ci in ngaisun tavun. Tua in Pathian piak ciimna zanghin ih it suapui Paul ii hong laithak bangma ahi hi.