John 7:7 - Syin Chin Bible

⁷ Leitung in note hong ensan thei ngawl tu hi, ahihang kei hong ensan hi, banghang ziam cile, amate ii paiziate pha ngawl hi, ci in ka son tawntung hi.

John 7:7 Iomraidhean Croise

1 Kumpite 21:20

Ahab in Elijah a mu ciang, “Ka ngal pa awng, kei hong pha zo ngawngaw ni ziam?” ci hi. Elijah in “Hi hi, hong pha zo khi hi,” ci in zo hi. “Topa muna ah khialna hi teng na vawt natu in nangma le nangma kipumpiak ni hi.

1 Kumpite 22:8

Ahab in, “Khat om lai hi, Imlah ii tapa Micaiah hi. Ahihang ama ensan khi hi, banghang ziam cile ama in kei atu a pha bangma sonkhol ngeingawl hi; a pha ngawl khat veu hi tawntung hi,” ci in zo hi. Jehoshaphat in “Tuabangin ci heak in!” ci in zo kik hi.

Psalm Late 109:5

Amate in kei tungah phatna sia siatna taw, itna sia etsatna taw hong thuk kik hi.

Paunakte 15:12

A kisathei mihingte in kipau kihil tu a uuk bua uh hi; a ciimzawte tung panin ngaisutna a ngen ngei bua hi.

Paunakte 8:36

Kei hong mu ngawl pa in ama le ama kiliamsua hi; a kuama po kei hong ensan sia in thina dei ahi hi.”

Isaiah 29:21

Ngual dang a sonsiate, khialna lian neite, daan piak tu a khaktante le thumaan mihingte tungah thu khaikim in thu a khen thei ngawl natu leilot thusonte sia Pathian in lalsak tu hi.

Isaiah 49:7

A kithusim ngawlhet pa, minamte ii etsat pa le ngamukte ii naseampa tungah Israel te ii a thiangtho Pathian le ngumpa in hi bangin ci hi: “Kumpite in na suatak hong mu tu a, nang tungah zatakna lak tu in hong din tu uh hi; kumpi tate zonghin hong mu tu uh a, nangma mai ah zatakna taw hong kun tu uh hi,” ci hi. hi thu piang nanak tu hi, banghang ziam cile Topa in a naseampa teal zo hi; Israel te ii a thiangtho Pathian in a kamciamnate keamcing hi.

Jeremiah 20:8

Thu ka son simin, ka au keak kul a, “Ngoltolna! Kisuksiatna!” ci in ka au hi. Topa awng, nangma thupuak ka thansak hu in a tawntungin simmawk vawtna le zawnsakna ka thuak hi.

Thiampite 13:10

thiampipa in en tu hi. A vun tungah meima kaang khat om in, a multe kaang a, a nai a dim le,

Zechariah 11:8

Kei hong ensan tuucing dang thumte tungah ka thin a sau zo bua hi, amate teng sia tha khat sungin ka tawpsak hi.

Malachi 3:5

Vaanglianbelpa Topa in, “Note thukhen tu in no kungah kong kilangh tu a, bum le ai toaite, palngul mawna vawtte, leilot tetti pangte, a naseamte ii thaman a demte, meingong tanga le ngamdangmite tung pan meet natu a zongte — kei hong zakta ngawlte theampo ii langkhat ah tetti ka pang tu hi.”

Luke 6:26

“Mihingte in hong phat son ciangin bangza in lauhuai ziam; amate taanghpupite zongh in leilot kamsaangte, tuabang ma in na son uh hi.

John 17:14

Na thupuak amate ka pia a, tuasia ciang leitung in amate ensan hi, banghang ziam cile keima leitung ii neisa ka hi ngawl bangma, amate leitung ii neisa ahi bua hi.

John 3:19

Hisia in thukhenzia hi: khuavak sia leitung ah hong pai zo hi, ahihang mihingte in, khuavak sangin khuazing deizaw uh hi, banghang ziam cile amate ii ngamtatnate sia hi.

Romete 8:7

Tua ahiciang mihing khat sia mihing pianzia in a uk le Pathian ngal suak hi; banghang ziam cile ama in Pathian thukham ni ngawl hi, a tatakin ni thei ngawl hi.

Galatia te 4:16

Tua ahile, tu in thumaan thutak sia kong son hu in na ngalpa suak zo ka hi ziam?

James 4:4

Thumaan ngawl mihingte awng! Leitung ii ngualtamh ih hi le Pathian ii ngal ih hi hunlam he ngawl nu ziam? A kuama po leitung ngualtamh a suak nuam sia Pathian ii ngal suak nuam ahi hi.

1 John 4:5

Tua kamsaang maan ngawlte in leitung nate thuson in nei uh hi, tuaciang leitung mite in amate thusonte ngai uh hi, banghang ziam cile amate sia leitung ii neisa ahi uh hi.