John 7:13 - Syin Chin Bible

¹³ Ahihang kuama in ama thu a kilangh in a son ngam bua uh hi, banghang ziam cile amate in Jew thuneite kiita uh hi.

John 7:13 Iomraidhean Croise

Paunakte 29:25

Midangte ii nang hong ngaisutnate thin nopmawkin na nei tu sia lauhuai hi, ahizong Topa na muang le ngammuangin na om tu hi.

John 19:38

Hisia zawkciang Arimathea khua mi Joseph in Pilate munah, Jesus luang a laak thei natu in ngen hi. (Joseph sia Jesus nungzui khat hi a, ahizong Jew thuneite a kiitakna taw a thimtham in a zuipa khat ahi hi.) Pilate in a luang phaam thei natu thupia ahikom Joseph in a luang la in paipui hi.

John 20:19

Nipi nitak khua niam sang hi a, nungzuite in inn kikalh in kikhawm tua uh hi, banghang ziam cile amate in Jew thuneite kiita uh hi. Tuasia ciang Jesus hong tum a, amate sungah hong ding hi. Ama in “Note sungah thinnopna om tahen,” ci hi.

John 3:2

Zan khat Jesus kungah ama pai in, “Rabbi awng, nang sia Pathian ii sawl sya khat hi ci in kong he uh hi. Pathian in hong ompui buale, na vawt nalamdang laknate, kuama in vawt thei ngawl tu hi,” ci hi.

John 7:1

Tua zawkciang, Galilee ngam sungah Jesus khualhaw hi; ama in Judea ngam sungah khualhaw nuam ngawl hi, banghang ziam cile, tuasung a om Jew thuneite in ama thatlum nuam uh hi.

John 7:11

Jew thuneite in, poai sungah ama zong uh hi. Amate in “Ama a koisungah om ziam?” ci in dongh uh hi.

John 7:15

Jew thuneite in lamdang sa mama uh a, “Bangbangin hisia pa in, sang ah sinna bangma nei ngeingawl napi hiza in he ziam?” ci uh hi.

John 9:22

Jew biakna thuneite ii lungkimna sa khat om a, a kuama po Jesus sia Messiah hi ci in a um peuma, synagogue sung pan kihawlkhia tu hi, ci ahikom amate in Jew biakna thuneite a kiitak hu in, a nu le a pa in hi bangin ci ahi hi.

John 9:34

Amate in, “Nang sia mawna sungah suak a, mawna sung ma a khangto ni hi — ko hong hil tu in hanciam ni ziam?” ci in zo uh hi. Tuaciangin amate in ama synagogue panin hawlkhia uh hi.

Thupualaakna 2:13

Satan ii kumpi tokhum a ngakna munah na teen uh kong he hi. A thumaan ka tetti Antipas sia Satan teenna tua munah a kithalup hun dongin, na upna uh na thasua bua uh a, kei tungah nong thumaan uh hi.