John 6:5 - Syin Chin Bible

⁵ Jesus in a kiimkot a et ciangin, mi honpi khat ama kungah hong zuan mu a, tua ahikom Philip munah, “Koisung pan hi mihingte theampo ih vaak khom natu an lei thei tu hi ziam,” ci hi.

John 6:5 Iomraidhean Croise

Mi Simna 11:13

Hi mihingte theampo khamkhop tu sa sia koisung pan nga thei tu khi ziam? Amate in sa hong ngenin phiing tawntung hi.

Matthew 15:33

Nungzuite in, “Hi sennealngam sungah mihing hiza neakkhom tu an, koisung pan nga thong tu khu ziam?” ci uh hi.

Mark 6:32

Tua ahikom amate ngunkuang taw pai in, a ngamkhingna mun khat zuan uh hi.

Luke 9:10

Sawltakte hong cia kik uh a, amate sep sa theampo Jesus tungah ko uh hi. Ama in amate paipui in, Bethsaida a kici khuapi zuan uh hi.

John 1:43

A zing ciangin Jesus in, Galilee ngam ah pai tu in, khensat hi. Ama in Philip mu a, “Hong zui ta'n,” ci hi.

John 1:44

(Philip sia Andrew le Peter te ii teenna Bethsaida khua pan ahi hi.)

John 1:45

Philip in Nathanael a mu ciang, “Moses ii thukham laibu sungah a thu a at pa le, kamsaangte zongh ii a thu a at pa mu zo khu hi. Ama sia Nazareth pan Joseph tapa Jesus hi,” ci in ama munah son hi.

John 1:46

“Nazareth panin na pha khat pawpo piang thei thong tu ziam,” ci in Nathanael in dongh hi. “Hong pai in hong en ta'n,” ci in Philip in zo hi.

John 1:48

Nathanael in, “Bangbangin hong he ni ziam,” ci in dongh hi. “Philip ii hong sam ma theikung nuai ah na om lai in, kong mu zo hi,” ci in Jesus in zo hi.

John 4:35

Noma in ‘Tha li zawkciang sia anlaak hun hi,’ ci kam teptee nei nu hi. Ahihang lote pha tak en vun; tu in lo ante min zo a, laak tu bekin om zo hi, ci in kong son hi!