John 5:7 - Syin Chin Bible

⁷ Cinapa in, “Syapa awng, tui a kinok laitak kei hong khiasuk tu, hi sungah kuama ka nei bua hi; tuisung theng nuamin, ka hanciam hang, ngualdang veu tuaksuk masa hi,” ci in zo hi.

John 5:7 Iomraidhean Croise

Psalm Late 142:4

Ka kiim ka paam ka et ciangin kei hong hu tu kuama ka mu bua hi, kuama hong dal tu a om bua hi. Kuama in kei hong awlmawk bua hi.

Psalm Late 72:12

Ama a ko mizawngte theampo le a cimaw a kingaingonte theampo sia ama in suaktasak hi.

John 5:2

Jerusalem Tuu Kongpi hui ah, talaap nga taw kithua tuicing khat om hi; tua mun sia Hebrew kam in Bethzatha kici hi.

John 5:3

Mittaw, peangbai, pumzaw ciina honpui khat sia, tua talaapte sungah lum uh hi.

John 5:4

Amate in tui a kilok tu ngak uh hi, banghang ziam cile tu le tu in Topa ii vantunglalang khat in tua tui sungah tuaksuk a, tui sau hi. Tui kinok laitak a tuaksuk phit cina sia in, bang natna po a vei zong dam thiang hi.

John 5:6

Jesus in tua pa a lup sia mu a, khuangei mama a ciinat hunlam he hi; tua ahikom, “Na dam nuam ziam?” ci in dongh hi.

Romete 5:6

Banghang ziam cile cimaw a ih om laitakin Pathian ii a teal hun ciangin Christ sia mi ngilote atu in hong thi hi.

1 Corinth te 9:24

Tai kidemna sungah a kihel tam mama ahihang amate sung pan a zo khat bek in zawna tel nga ahi hunlam sia na heak uh ahi hi. Tua ahikom zawna tel na nga thei natu in tai vun.

Thuhil kikna 32:36

A thahatna teng a bo a mu ciang Topa in a mite suatak tu hi. Ama in a naseamte a panpui tu a om ngawl hunlam a mu ciang, ama na a seamte hesuak tu hi.