John 5:5 - Syin Chin Bible

⁵ Kum sawmthum le kum liat cina sa pasal khat tuak ah om hi.

John 5:5 Iomraidhean Croise

Mark 9:21

Jesus in, “Hi bang ahithei zawk ngei zo ziam?” ci in a pa dongh hi. “A no lai pan ma hi,” ci in zo kik hi.

Luke 13:16

Tu in hi munah Abraham tanu khat Satan in kum sawm le kum liat kol bulin om hi. Sabbath ni in tua kolkhau panin suut tu in kilawm ngawl ziam?” ci hi.

Luke 8:43

Tuate sungah kum sawm le kum nii chibua top numei khat kihel hi; syavuan thapna in a nei a lamh theampo zangh siat zo hi, ahihang kuama in a damsak zo bua hi.

John 5:14

Tuasia zawkciang Jesus in Biakinnpi sungah ama mu a, “Hong ngai ta'n, tu in dam zo ni hi; tua ahiciang, mawna vawt nawn heak in, tua ahibuale a nasia zaw thuak thei tu ni hi,” ci hi.

John 5:4

Amate in tui a kilok tu ngak uh hi, banghang ziam cile tu le tu in Topa ii vantunglalang khat in tua tui sungah tuaksuk a, tui sau hi. Tui kinok laitak a tuaksuk phit cina sia in, bang natna po a vei zong dam thiang hi.

John 5:6

Jesus in tua pa a lup sia mu a, khuangei mama a ciinat hunlam he hi; tua ahikom, “Na dam nuam ziam?” ci in dongh hi.

John 9:1

Jesus in lam a papai laitakin, mittaw sa a, a suak, pasal khat mu hi.

John 9:21

Ahihang bangbangin tu in khuamu thei a, akua in damsak ziam ci zongh ka he bua uh hi. Ama dongh vun; a khan haam zo hi, ama ii thu ama in hong zo thei hi!” ci uh hi.

Sawltakte 14:8

Lystra khua ah a pian pan kipan, a peangbai a, lampai thei ngeingawl, pasal khat om hi.

Sawltakte 3:2

Kongpi Hoi kicina munah a khan tawntung peangzaw pasal khat om hi. Biakinnpi ah a pai mite ii tung pan sum ngen tu in ama sia nisimin tua kongpi hui ah puakin kikoi hi.

Sawltakte 4:22

Hi nalamdang lakna ahi a kidamsak pa sia kum sawmli vaal pha zo hi.

Sawltakte 9:33

Tua munah Aeneas a kici pasal khat taw kimu a, tua pa sia kum liat tawntung a pumzaw ahikom a tho thei bua hi.