John 5:4 - Syin Chin Bible

⁴ Amate in tui a kilok tu ngak uh hi, banghang ziam cile tu le tu in Topa ii vantunglalang khat in tua tui sungah tuaksuk a, tui sau hi. Tui kinok laitak a tuaksuk phit cina sia in, bang natna po a vei zong dam thiang hi.

John 5:4 Iomraidhean Croise

2 Kumpite 5:10

Elisha in a naseam khat paisak in, ama munah Jordan ngun sungah salivei kisil tahen, tua hile a natna pan dam thiang tu hi cisak hi.

Psalm Late 119:60

Na thupiakte zui natu ka haisaang bua a, ka manlang hi.

Paunakte 6:4

Nangma le nangma sia mut hun ahizong tawlngak hun ahizong kipia heak in.

Paunakte 8:17

Kei hong itte ka it hi; kei hong zong po in hong mu thei hi.

Thuhilsya 9:10

Na sep pawpo hanciam in seam in, banghang ziam cile mithite ngamah, tukna, dianna om ngawl, khua ngaisutna, heakna, ciimna om ngawl tu hi — tua mun sia na zotna tu mun ahi hi.

Ezekiel 47:8

Ama in kei tungah, “Hi tui sia nisuana sang tawnin Jordan Kuam le Tuipi Thi dongah luang suk hi. Tuipi Thi sungah a tum suk ciang, tua tuipi tui al sia tuithiang taw lai hi.

Hosea 13:13

Israel in nuntak natu hunpha nei napi a mawmawt lei hu in tua nuntakna la thei ngawl hi — a suak dektak nausen khat naubu sung pan a pusuak nuam ngawl taw kibang hi.

Zechariah 13:1

Vaanglianbelpa Topa in “Tua hun hong thet ciang, David suan le paalte le Jerusalem mite mawna le milim biakna pan thiansua natu in tuinaak khat hong phuul tu hi.

Zechariah 14:8

Tua ni hong thet ciang, Jerusalem pan tui thiang hong luang tu a, a lang sia Tuipi Thi ah, a lang sia Mediterranean tuipi ah luang tu hi. Tua tui sia tuk taw khaal taw kum tawntungin, luang tu hi.

Matthew 11:12

John ii thuhil a kipat pan tuni dong tatak ma Vantung ngam in nasia takin zawthawk thu taw sutolna thuak hi, a ngoltol mihingte in laak tu in hanciam uh hi.

Matthew 6:33

Tua sangin Pathian Ukna-ngam le ama in nang tung pan bang dei ziam, ci sia thupisak masa vun, tua hile ama in tua nadang theampo zongh hong sik tu hi.

Luke 13:24

“Kongkha ciakna sungah na tum thei natu in, hanciam vun; banghang ziam cile mihing tam mamate in tum tu in hanciam tu a, a tum zo buatu uh hi.

Luke 16:16

Tuiphumpa John hun ciang dongin Moses ii thukhamte le kamsaangte lai atte in thu nei hi; tuasia pan kipan Pathian ngam Lungdamna Thupha kisonin mihing sim in, tuasung ah a tum zawk natu in hanciam tek uh hi.

John 5:3

Mittaw, peangbai, pumzaw ciina honpui khat sia, tua talaapte sungah lum uh hi.

John 5:5

Kum sawmthum le kum liat cina sa pasal khat tuak ah om hi.

John 5:7

Cinapa in, “Syapa awng, tui a kinok laitak kei hong khiasuk tu, hi sungah kuama ka nei bua hi; tuisung theng nuamin, ka hanciam hang, ngualdang veu tuaksuk masa hi,” ci in zo hi.

1 Corinth te 6:11

Note pawlkhat in tuabang na ngamta ngei uh hi. Ahihang note sia mawna panin hong kithiansua zo hi; Pathian tungah hong ki aaptuam zo hi. Topa Jesus Christ le eite Pathian ii Thaa in Pathian mai ah note thutang hong suaksak zo hi.

1 John 1:7

Ahihang eite khuavak sungah ih nungta le — ama sia khuavak sungah om ahi bangma in — eite khat le khat a kipawl theite ih hi a, tuasia ciangin a Tapa Jesus ii chisan in ih mawna theampo pan hong thiansua hi.