John 5:10 - Syin Chin Bible

¹⁰ Tua ahikom Jew thuneite in a kidamsakpa munah, “Tuni Sabbath ni hi, na phah na puak tu sia ih thukham taw kisi ngawl hi,” ci uh hi.

John 5:10 Iomraidhean Croise

Isaiah 58:13

Topa in, “Sabbath sia thiangthosakin tua ni in noma meet natu bek zong ngawlin; ka ni thiangtho ni sia man neisakin, khualhaw ngawl, naseam ngawl ahibuale tua ni in kam mannung ngawl pau ngawlin na omna taw zatakna na pia uh le,

Jeremiah 17:21

A nuntakna uh a it le Sabbath ni in vanh pua heak hen ci in amate tungah son in; Jerusalem kongpite kaantan in bangma tumpui peuma heak hen,

Jeremiah 17:27

Ahihang amate in ka thu hong nit kul tu a Sabbath sia ni thiangtho khat in a tan uh kul tu hi. Tua ni in amate Jerusalem kongpite kaantan in vanh bangma pua ngawl het tu uh hi. A pua uh ahile Jerusalem kongpite mei taw ka hal tu hi. Mei in Jerusalem khua kumpi innte kaanghtum tu a, kuama in phel zo ngawl tu uh hi,” hong ci hi.

Matthew 12:10

Tua munah pasal khat sia khut langkhat zaw in om hi. Mihing pawlkhat in, Jesus ii ngamtat khialna encik in, a maw natu zong nuam ahikom hi bangin dongh uh hi, “Sabbath ni in ciina damsak tu sia ih thukham taw kileebul ziam?” ci uh hi.

Mark 2:24

Tuasia ciang Phariseete in Jesus munah, “En in, Sabbath ni na nungzuite ii zia bang a ngamtat tu sia ih thukham in khaam hi,” ci uh hi.

Mark 3:4

Tua zawkciang mipite munah, “Ih Thukham in Sabbath ni in, bang teng sep tu hong oai ziam? Ngual hu tu ziam maw ngual ngim pia tu ziam? Mihing khat ii nuntakna hun tu ziam maw that tu ziam?,” ci in dongh hi. Ahihang amate kam khat zongh a pau bua uh hi.

Luke 13:14

Synagogue keam upa pa in Sabbath ni a, Jesus ii ciina a damsak hu in, a thin uuk hi. Tua ahikom mipite tungah, “Nipi khat sungah na ih sep natu ni luk om hi. Tua ahiciang, tua nite ah ciidam nga tu in hong pai tavun a, Sabbath ni in hong pai heak vun” ci hi.

Luke 23:56

Tua zawkciangin amate in a luang zut natu in, hel namtui le paaknamtuite vawtkhol tu in inn ah cia kik uh hi. Thukham om bangin amate Sabbath ni in tawlnga uh hi.

Luke 6:2

Pharisee pawlkhatte in, “Sabbath ni a, vawt thei ngawl tu hi ci in, Thukham ii a cite banghangin vawt nu ziam?” ci in dongh uh hi.

John 1:19

Jerusalem khua a om Jew thuneite in John kungah thiampite le Levi te pawlkhat paisak a, “Nang akua ni ziam?” ci in donghsak uh hi.

John 5:11

Ama in, “Hong damsakpa in ka phah ka lua tu le lampai tu in hong sawl hi,” ci in zo hi.

John 5:15

Tua zawkciang pasalpa in paisan a, ama a damsak sia Jesus ahi hunlam Jew thuneite kungah son hi.

John 5:16

Tua ahikom, amate in Jesus vawtsia tu kipan uh hi, banghang ziam cile ama in hi ciidamsakna Sabbath ni in seam hi.

John 7:23

Patang khat Sabbath ni in vunteap na atsak uh ciangin, Moses Thukham paltan kisa ngawl na hi uh le, Sabbath ni in mihing khat ka dam thiangthosak hu in, banghangin kei tungah thin uuk nu ziam?

John 9:16

Phariseete pawlkhat in, “Hi bang a vawt, mihing in, Pathian kung pan hi thei ngawl tu hi, banghang ziam cile ama in Sabbath Thukham ni ngawl hi,” ci uh hi. Ahizong a dangte in, “Bangbangin mawnei mi khat in, hi bang nalamdang laknate vawt thei tu ziam,” ci uh hi. Tuaciangin amate sungah pawl kikhenna khat hong om hi.