John 4:6 - Syin Chin Bible

⁶ Jacob ii tuikhuk tua munah om a, Jesus sia a khualhawna pan toi in, tua tuikhuk hui ah to hi. Tua hun sia sunkim khawng ahi hi.

John 4:6 Iomraidhean Croise

Matthew 27:45

Nisun ciangin ngam bup sia khuazing in siin cip a, nai thum sung khuazing hi.

Matthew 4:2

Sun sawmli le zan sawmli an ne ngawlin a om zawkciang Jesus ngilkial hi.

Matthew 8:24

Thakhat thu in a kiitakhuai vuipi suangval khat tuili tungah hong va a, ngunkuang sia tui ii a khup tu lauhuai hi. Ahihang Jesus mutthip hi.

Luke 2:7

A tapaciil suak a, zin tun natu zinbuk awng nawn ngawl ahikom, puan taw a nau tunin khui ankuang sungah sial hi.

Luke 9:58

Jesus in zo kik a, “Ngiate in kua nei uh a, vacimte in bu a nei uh hi, ahihang Mihing Tapa in a lusial natu mun zongh a nei bua hi,” ci hi.

John 11:9

Jesus in, “Ni khat sungin, nai sawm le nai nii om hi kana ngawl ziam? Tua ahikom, a kuama po suntangin a vak peuma in lutu ngawl hi, banghang ziam cile ama in hi leitung khuavak mu hi.

John 4:12

Hi tuikhuk hong pia sia in ih taanghpupi Jacob hi; ama le a tapate le a nganno honte, a vekpi in hi tuikhuk panin dawn tek uh hi. Jacob sangin lianzaw kisa na hi bua na ziam,” ci hi.

John 4:5

Samaria ngam Sychar kici khuano khat ah ama theng hi, tua khua sia Jacob ii a tapa Joseph a piak lo sia taw kikhuala ngawl hi.

John 4:7

Samaria numei khat tui toai tu in hong pai a, tuasia ciang Jesus in ama munah, “Tui neak tu hong pia ta'n,” ci hi.

2 Corinth te 8:9

Topa Jesus Christ ii thuthiamna sia na heak uh hi; ama sia hau mama napi in, ama zawnna taw note a hau na sua thei natu in note atu in ama le ama a zawngin hong kivawt ahi hi.

Hebrew te 2:17

Hisia hu in ama in a suapuite taw na theampo sungah a kiban uh kul hi, banghang ziam cile mihingte a mawna pan mawmaisakna kipiak thei natu in, Pathian na a sepna ah, a thumaan ngual a hesuak thei Thiampi Lianbel a sua natu ahi hi.

Hebrew te 4:15

Ih Thiampi Lianbelpa in ei tha zawmna hong khuangai pui thei ngawlpa ahi bua hi. Tuabang hi ngawl zaw in, Thiampi Lianbelpa in, eima bangma in ze etna namcin na thuak a, ahizong a khial ngei bua hi.