John 4:23 - Syin Chin Bible

²³ Ahihang, Pa sia Pathian ii Thaa vaangletna taw, ahi bang tatakin ama ii dei biakna maan taw mihingte ii biak tu hun hong tung tu a, tu mama in hi sungah hong tutung zo hi.

John 4:23 Iomraidhean Croise

1 Khangtaanghthu 29:17

Mi theampo ii thinsung na ze et a, a citak mite tungah na lungkim hunlam ka he hi. Thumaanna le thinsung takpi taw keima uuk thu in hi teng theampo kong pia zo hi, tuaciang hi munah hong kikhawm na mite in nang kungah biakpiakna hong paipui tu sia bangza in lungdam ziam ci sia ka mu zo hi.

Psalm Late 147:11

Ahihang ama in ama a zaktate le ama ii itna kip a muangte tungah lungkim hi.

Psalm Late 17:1

Hong ngai ta'n, Topa awng, thutang khen natu a kong ngetna hong za ta'n! Hu ngen a kong auna hong ngai ta'n! Thin tak taw thu kong ngetna hong ngai ta'n.

Psalm Late 32:2

Topa ii ngamta khial hi ci a, maw a sot ngawlte le, theamna cite theampo taw a kipealte in mihing lungdamte ahi hi.

Psalm Late 51:6

Citakna le thumaanna sia na dei thu ahi hi; ka khua ngaisutna sia na ciimna taw hong dim ta'n.

Paunakte 15:8

Mihing phate thunget ciang Topa lungkim hi; ahihang mihing seksolte hong paipui sa ngaw biakpiaknate ensan hi.

Solomon ii La 2:14

Nang sia suanghawng kawmah a buu vakhu khat bang na hi hi. A ngaibaang na meal hong musak ta'n a, a lungzuanhuai na aw hong zasak ta'n.

Isaiah 10:20

Israel mi a suakta teng in amate a mong siatsak dektak minam sia a suan nawn ngawl natu hun khat hong theng tu hi. Amate in Israel te ii a thiangtho Pathian Topa muang takpi tu hi.

Isaiah 29:13

Topa in, “Hi mihingte in kong bia tu uh hi hong ci a, ahihang amate kammalte sia khiakna nei ngawlin, a thinsung in thudang ngaisun hi. Amate biakna sia bangma hi ngawlin, a teptee pak uh mihingte zui tu ngeinate bekma hi lel hi.

Isaiah 43:21

Amate sia keima atu in ka vawt mite hi a, amate in keima hong pokna lasa tu uh hi!” ci hi.

Isaiah 58:2

Amate in ka pai ziate heak tu le ka thukhamte zui tu sia ka lawp uh ci in ni simin kei hong bia uh hi. Amate in kei hong biak sia nuamsa a, tuaciang a maan thukhamte ka piasak nuam uh hi ci hi,” ci in son hi.

Jeremiah 3:10

Hi bang teng zawkciang Israel ii a thumaan ngawl, a suapuinu Judah in ka kungah heak kik tu in hong kinei theam bek a; a thin tatak taw hi ngawl hi. Topa, keima in ka son zo hi,” hong ci hi.

Jeremiah 4:2

ka min suang a na kiciam tu uh sia no atu in a maan hi tu hi. Tuasia ciang minam theampo in amate thupha ka piak natu hong ngen tu uh a, kei hong pok tu uh hi,” ci hi.

Ezekiel 22:30

Keima in ka thin uukna taw ka suksiat ciang kulh a vawt zo tu, kulh a cipna munah ding a, amate ngam a hu zo tu khat ka zong hi, ahizong kuama ka mu zo bua hi.

John 1:17

Pathian in Moses tungtawnin Thukham pia hi. Ahihang thuthiamna le thumaan thutak sia Jesus Christ tungtawnin hong pai hi.

John 12:23

Jesus in, “Tu in Mihing Tapa ii a lian minthanna a saan tu hun hong tung zo hi.

John 16:2

Note synagogue pan hong kihawlkhia tu a, tuaciang note hong thatlum khat po in tuabang a ngamtat sia Pathian atu naseam in a kingaisut hun hong theng tu hi.

John 16:32

Note theampo kithethaang in, na inn tek zuanin, kei nguak nong nusiat tu uh hun hong theng tu hi, hi sung hong theng zo hi. Ahihang keima nguak ka hi bua hi, banghang ziam cile Pa in kei taw omkhawm hi.

John 4:21

Jesus in ama munah, “Hong um ta'n, numei awng, Pa sia hi mual tungah ahizong, Jerusalem ah ahizong mihingte ii biak ngawl tu hun hong tung tu hi.

John 5:25

A tatakin kong ci hi: a hun hong tung tu a — hong tutung zo hi — tua hun ciang a thisate in Pathian Tapa ii aw za tu a, tuaciangin a zate hong nungta tu uh hi.

John 5:28

Hi thu tungtaang ah lamdang sa heak vun; a thisate theampo in ama aw za tu a,

Romete 1:9

A Tapa ii Lungdamna Thupha ka hilsak, ka thin theampo taw ka sepsak, tu a ka son teng sia thumaan a hina thu ah — Pathian sia ka tetti ahi hi. No kong phawna sia Pathian in,

Romete 8:15

Banghang ziam cile Pathian hong piak Thaa in nang sia sila hong suaksak ngawl a, hong kiitasak ngawl hi; tua hizaw ngawlin, Thaa in Pathian ii tate hong suaksak a, Thaa vaangletna taw eite in Pathian tungah “Pa awng, ka Pa awng!” ih ci thei hi.

Romete 8:26

Tua bangma in eite in bangza in tha zawngkhal hi ka leang, eite hong hu tu in Thaa hong pai hi. Banghang ziam cile eite in thu ih ngetzia tu ih he bua hi; kammal taw a kilo thei ngawlte tauna taw Pathian tungah Thaa in hong maangkaasak hi.

Galatia te 4:6

Note sia ama ii tapa tanute na hina uh a lak natu in, Pathian in a Tapa ii Thaa “Pa awng, Ka Pa awng!” ci in a au Thaa sia ih thin sungah hong puak hi.

Ephesus te 6:18

Hite theampo thungetna taw seam vun a, Pathian munah huna na ngen vun. Thaa ii hong lampui bangin, hun theampo sungah thu na ngen vun. Hi thu hu in pilvangin, thinkiam ngei heak vun; Pathian ii mihingte theampo atu thu na ngen tawntung vun.

Philippi te 3:3

A maan vunteap atna a neite sia amate hi ngawl a, eima ih hi zaw hi, banghang ziam cile eite in Pathian sia ama Thaa taw ih bia a, Christ Jesus taw pumkhat a ih nuntakna sung ah, a lawpte ih hi hi. A puatham cii le sa limte tungtaang ah eite in muanna ih nei bua hi.

Joshua 24:14

“Tua ahiciang, tu in, Topa zatak vawt vun a, thintak le thumaanna taw a na seam vun,” ci in Joshua in a thu son zom a, “Mesopotamia le Egypt a na taanghpupite ii biak pathiante vawk vun, Topa atu bek seam vun.

1 Peter 2:9

Ahihang note sia a kiteal sa minam, Kumpi thiampite, a thiangtho minam, Pathian ii aituam mite, khuazing sung pan a lamdang ama ii khuavak sungah nang hong sam pa Pathian ii a lamdang ngamtatnate a thangsak tu a hong tealsate na hi uh hi.

1 Samuel 12:24

Topa thu ni vun a, thumaan takin na thin theampo taw ama ii na seam vun. Na lianpi no atu hong sepsak te ciamtee vun.