John 4:22 - Syin Chin Bible

²² No Samaria te in na biak uh akua ziam, ci in he tatak ngawl nu hi; ahihang ko Jew te in, ka biak uh sia ka he uh hi, banghang ziam cile ngupna sia Jew te tung panin hong pai hi.

John 4:22 Iomraidhean Croise

Pianciilna 49:10

Judah in kumpi ciangkhut len tu a, A suan a paalte in ngamuk tawntung tu hi. Minamte in ama tungah phiangshia puak tu a, Thunitna taw ama mai ah kun tu uh hi.

Ezra 4:2

Tua ahiciang amate pai a Zerubbabel le a bee a phung lutangte taw a kimu uh ciang, “Ko zongh Biakinnpi sakna ah hong kihelsak tavun. Noma biak Pathian ma kote in bia khu hi, Assyria kumpilianpa Esarhaddon in hi lai ah teang tu in hong paisak pan kipan ama tungah sangaw biakpiakna pia khu hi,” ci uh hi.

Psalm Late 147:19

Ama in a mite tungah thupuak a, lamlaknate le thukhamte Israel te pia hi.

Psalm Late 68:20

Eite Pathian sia hong hunkhia Pathian ahi hi; ama in Topa, eite Topa hi a, thina panin eite hong suatak hi.

Isaiah 12:2

Pathian sia kei hong ngumpa hi; Ama muangin, ka lau buatu hi. Topa in vaangletna le thahatna kei hong pia a; ama sia kei hong ngumpa ahi hi.

Isaiah 12:6

Zion ah a teang mi theampo au in lasa tahen! Israel te ii a thiangtho Pathian sia lian a, ama in a mite sungah teang hi.”

Isaiah 2:3

tuaciang a mihingte in, “Topa ii mual, Israel te ii Pathian Biakinnpi ah kaato tawng. Ama in ih sep tu a dei sia ih sep thei natu in hong hil tu hi; ama tealsa lampite ih tawn tu hi. Banghang ziam cile Jerusalem pan Topa ii hilcianna hong pai tu a; Zion panin ama in a mihingte tungah thu son tu hi,” a ci tu hi.

Isaiah 46:13

Zaw natu ni, kong thengsak pal tu a — khuala nawn ngawl het tu hi. Zawna ka mualsuana kihaisaangsak ngawl tu hi. Jerusalem ka ngum tu a Israel te tua munah minphatna ka pia tu hi,” ci hi.

Zechariah 9:9

Lungdam vun, lungdam vun, Zion mite awng! No Jerusalem mite awng, lungdam in au vun! En vun, na kumpipa no kungah hong pai hi! Ama in ngalzawna mualsua in lungdamna taw hong pai hi, Ahihang kiniamkhiak in laa khat — Laano, laatal no khat tungah to hi.

Luke 24:47

tuaciang ama min taw kisiik kikna le mawmaisakna sia Jerusalem pan kipan minam theampo tungah kihil tu hi.

Sawltakte 17:23

Banghang ziam cile na khuapi sung kaantan in, ka pai a, na biakna munte ka et ciangin, ‘A kihe ngawl Pathian khat Atu,’ ci in biaknatau khat tungah, lai ki at ka mu hi. Tua ahiciang na heak ngawl bul na biak uh Pathian sia, tu in a thu kong thansak sia ahi hi.

Sawltakte 17:30

Mihingte ii ama ih heak ngawl lai hunte, Pathian in heak ngawl bawl hikale tu hun ciang, mihingte a vekpi in mun theampo ah, amate tatsiatnate pan a kikheal natu ama in thupia hi.

Sawltakte 3:26

Tua ahikom note theampo in na ngitlo nate pan kikheal a, thupha hong piak thei natu in, Pathian in a Naseampa teal in note kungah hong sawl masa hi,” ci hi.

Romete 11:18

Tua ahikom thingbaak bangin a kithiaktante sia na zawngsak bua het tu uh hi. Banghangin note kiphasak thei tu nu ziam? Note in a baak khat na hi bek uh hi. Note in a zung na vaak na taa bua uh hi — a zung in note hong vaak hi.

Hebrew te 7:14

Ama sia Judah minam a piang ahi hunlam sia a kuama po ii heak ahi hi. Tuaciang thiampite huvau a son ciangin Moses in Judah min a lo ngei bua hi.