John 4:21 - Syin Chin Bible

²¹ Jesus in ama munah, “Hong um ta'n, numei awng, Pa sia hi mual tungah ahizong, Jerusalem ah ahizong mihingte ii biak ngawl tu hun hong tung tu hi.

John 4:21 Iomraidhean Croise

Isaiah 66:1

Topa in, “Vantung sia ka tokhum hi a, leitung sia ka peang ngakna ahi hi. Tua ahiciang a koibang inn sa tu a, a koibang mun sia ka teen natu mun ahi ziam?

Ezekiel 14:3

Ama in, “A thithei mihing awng, hi mite in a thinsung uh sia milimte pia zo a, milimte in amate mawna sung thet pui hi. Amate in tua thu keima in zo kik tu in hong um ziam?

Ezekiel 20:3

“A thithei mihing awng, hi mihingte munah Vaanglianpipa Topa in hi teng hong son hi va ci ta'n: ka deina dongh tu hong pai ahi uh ziam? A nungta takpi Pathian ka hi bangma, kei tungah bangma donghsak ngawl tu khi hi. Kei, Vaanglianpipa Topa in kong ci zo hi.

Malachi 1:11

Leimong khat pan mong khat ah a om mihingte in kei hong patoai uh hi. Amate in mun theampo ah ngimnamtui hong hal a, tuaciang a saan thamman sangaw biakpiaknate hong pia hi. Amate theampo in kei hong patoai uh hi!

Matthew 18:20

Banghang ziam cile ka min taw nii le thum kikhopna sungah amate taw ka omkhawm hi,” ci hi.

Matthew 28:19

Tua ahiciang pai tavun, mun theampo ah mihing theampo ka nungzui suaksak tavun: Pa, Tapa le Thaa Thiangtho min taw tui na phum tavun,

Luke 21:24

Pawlkhat namsau taw kithat tu a, a dangte ngam theampo ah thongtaak tu in kipaipui tu hi; tuaciangin amate ii hun a cin mateng in Gentile te in Jerusalem sia a peang taw tuanhcil tu hi.

John 14:6

Jesus in, “Keima in lampi ka hi hi, thumaan thutak ka hi hi, nuntakna ka hi hi; kei taw ngawlin kuama in Pa kung a theng buatu hi.

John 16:2

Note synagogue pan hong kihawlkhia tu a, tuaciang note hong thatlum khat po in tuabang a ngamtat sia Pathian atu naseam in a kingaisut hun hong theng tu hi.

John 16:32

Note theampo kithethaang in, na inn tek zuanin, kei nguak nong nusiat tu uh hun hong theng tu hi, hi sung hong theng zo hi. Ahihang keima nguak ka hi bua hi, banghang ziam cile Pa in kei taw omkhawm hi.

John 4:23

Ahihang, Pa sia Pathian ii Thaa vaangletna taw, ahi bang tatakin ama ii dei biakna maan taw mihingte ii biak tu hun hong tung tu a, tu mama in hi sungah hong tutung zo hi.

John 5:25

A tatakin kong ci hi: a hun hong tung tu a — hong tutung zo hi — tua hun ciang a thisate in Pathian Tapa ii aw za tu a, tuaciangin a zate hong nungta tu uh hi.

John 5:28

Hi thu tungtaang ah lamdang sa heak vun; a thisate theampo in ama aw za tu a,

Sawltakte 6:14

Nazareth mi Jesus in, hi Biakinnpi sutham tu a, Moses tung pan hong paisuk ih ngeina theampo hong khealsak tu hi, ci in a son laitakin za khu hi!” ci uh hi.

Ephesus te 2:18

Christ tungtawnin eite theampo, Jew te ih hi a, Gentile te ih hi zongin, Thaa khat sungah Pa omna ih theng thei hi.

Ephesus te 3:14

Hi thu hu in ih Pa mai ah ka khupdin hi,

1 Timothy 2:8

Pawlpi sungah biakpiak simin, thin uukna le kinialna om ngawlin, a khut laamin thungen thei a, Pathian tungah a kipumpiak pasalte ii thu a nget tu ka dei hi.

1 Peter 1:17

Mihing khat sim ii a sepna bangin a kibang thukhenna taw mihing theampo thu a khen Pathian tungah thu na nget uh ciang, Pa awng, na ci uh hi; tua ahiciang hi leitung ah nungta in na om uh laiteng ama thasia tavun.

Thupualaakna 21:22

Topa Vaanglianbelpa Pathian le a Tuuno sia khuapi ii biakinn hi zo ahikom, khuapi sungah biakinn ka mu bua hi.