John 4:10 - Syin Chin Bible

¹⁰ Jesus in, “Pathian in bang teng pia a, nang tungah tuineak tu hong ngen sia akua ziam, ci thu tel thong lete nangma in ama munah na ngen tu hi, tuaciang ama in nuntakna tui hong pia tu hi,” ci hi.

John 4:10 Iomraidhean Croise

Psalm Late 10:17

Topa awng, mihing a kinengniamte ii thungetna na ngai tu hi; amate thinletna na pia tu hi.

Psalm Late 46:4

A Saangbel Pa ii inn thiangtho, Pathian khuapi a lungdamsak ngun khat a om hi.

Pusuana 17:6

Na mai Sinai Mual suangpi tungah ka ding tu hi. Suangpi saat in, tua hile mihingte neak tu tui hong pusuak tu hi,” ci hi. Israel lampuite mai ah tuabangin Moses in vawt hi.

Solomon ii La 4:15

Lebanon Mualte panin luamtui a luangsukte le ciktui te in tua huan tui kawtsakin lei zenhsak hi.

Isaiah 12:3

Tui thiang in a dangko te, a lungdamsak bangma in, Pathian ii mihingte zongh ama ii a ngup ciangin lungdam uh hi.”

Isaiah 35:6

Peangbaite leangin laam tu uh a, a pau thei ngawlte lungdam in au tu uh hi. Sennealngam sungah luituite luang tu hi;

Isaiah 42:6

“Topa, keima in, leitung ah thukhaikimin a kiseam ziam ci thu en tu in, nangma kong sam a, vaangletna kong pia zo hi. Nangma tungtawnin mite theampo taw thuciamna khat ka vawt tu hi; nangma tungtawnin minamte tungah khuavak ka pia tu hi.

Isaiah 43:20

Ngamsate ngawngawn in kei hong zakta tu hi; ka tealsa mite tui pia tu in sennealngam sungah nguntui ka luansak ciang, ngiate le kalaoh vacimte in kei hong pok tu uh hi.

Isaiah 44:3

“A dangko leitang tungah tui ka pia tu a leiko tungah luitui ka luangsak tu hi. Na tate tungah ka thaa ka bua tu a, na suan na paalte tungah ka thupha ka pia tu hi.

Isaiah 49:10

amate ngilkial, dangtaak ngeingawl tu hi. Nisa le senneal sa in amate bangma tatsak ngawl tu hi, banghang ziam cile amate a itpa in lampui tu hi. Ama in amate sia ciktui ah paipui tu hi.

Isaiah 9:6

Eite atu nausen khat hong suak hi! Ei atu tapa khat hong kipia hi! Tuaciang ama in eite hong ukpa hi tu hi. Ama sia, “Lamdang, Thu lakpa” “Vaanglian Pathian,” “Tawntung Pa,” “Kilemna Kumpi” kici tu hi.

Jeremiah 2:13

banghang ziam cile ka mite in mawna khialna nam nii vawt zo uh hi; amate in a thiangtho ciktui, keima kung pan puapial zo uh hi, tuaciang amate in tui a cing thei vet ngawl a kektham tuikhukte to uh hi.

Ezekiel 16:35

Tua ahiciang tu in, Jerusalem, nang pumpi zuak nu! Topa ii hong ci teng ngai in.

Zechariah 13:1

Vaanglianbelpa Topa in “Tua hun hong thet ciang, David suan le paalte le Jerusalem mite mawna le milim biakna pan thiansua natu in tuinaak khat hong phuul tu hi.

Zechariah 14:8

Tua ni hong thet ciang, Jerusalem pan tui thiang hong luang tu a, a lang sia Tuipi Thi ah, a lang sia Mediterranean tuipi ah luang tu hi. Tua tui sia tuk taw khaal taw kum tawntungin, luang tu hi.

Luke 11:13

Na phat ngawl uh kawm panin, na tate atu na pha piak tu na he uh hi. Tua ahile vantung a om na Pa uh in, a ngente tungah Thaa Thiangtho pia kan ngawl tu ziam!” ci hi.

John 16:3

Mihingte in note tungah hi bang a ngamtat natu te sia amate in Pa ahizong kei ka hizong hong heak ngawl hang ahi hi.

John 17:3

Tuaciang in tawntung nuntakna ci sia in nangma bek Pathian a maan ahi sia heakna le na sawlpa Jesus Christ heakna ahi hi.

John 3:16

Pathian in leitung mite hong it mama ahikom, khat bek a nei a Tapa hong pia a, ama a um peuma in thi nawn ngawlin tawntung nuntakna a nga natu ahi hi.

John 4:14

ahihang kei ii ka piak tui a dawn peuma a dangko kik ngei nawn ngawl tu hi. Ka piak tu tui sia ama sung pan ciktui khat hong suak tu hi, tua in nuntakna a pia tui hi tu a, tuaciangin tawntung nuntakna pia tu hi,” ci in zo hi.

John 6:35

Jesus in, “Keima in, nuntakna anluum ka hi hi. Kei kungah hong paite in, a ngilkial ngei nawn ngawl tu hi; kei hong umte in, a dangko ngei nawn ngawl tu hi.

John 6:51

Keima in vantung pan hong pai a nungta anluum ka hi hi. Khat po in hi anluum a ne le nungta tawntung tu hi. Ama ka piak tu anluum in, leitung mite nuntak thei natu a, ka piak ka taksa ahi hi,” ci in zo hi.

Sawltakte 9:11

Topa in ama munah, “Lampi Tang kicina munah, pai tu in kithoai in a, tuaciangin Judas inn ah Tarsus khua mi Saul kici khat va kan ta'n. Ama sia tu laitakin thunget saan hi,

Romete 8:32

Pathian in hong langpan ngawl het tu hi. Ama in a Tapa takpi khoaikhe ngawlin, ei atu in hong pia hi! A Tapa ngawngawn hong pia ahile — na theampo a thongin hong pia ngawl tu ziam?

1 Corinth te 1:30

Ahihang, Pathian in note Christ Jesus taw hong kipumkhatsak zo hi; Pathian in Christ sia eite ii ciimna suaksak zo hi. Ama hangin Pathian mai ah thutang in hong koi hi; eite Pathian ii mi thiangthote suakin, hong suaktasak hi.

1 Corinth te 10:4

thaa tui a kibangin dawn uh hi. Amate taw a tonkhawm thaa suangpi panin tui dawn uh hi; tua suangpi sia Christ ama mama ahi hi.

2 Corinth te 9:15

A manh a kisep zo ngawl letsong hong piak hu in Pathian tungah lungdamko tawng!

Ephesus te 2:8

Banghang ziam cile note in upna tungtawnin Pathian ii thuthiamna taw ngup sa na hi uh hi. Tua in note hanciamna hang hi ngawlin, note kisuantaak thaak ngawl natu in Pathian letsong ahi hi.

Hebrew te 6:4

Banghang ziam cile a upna uh a nusia sate sia a kisii kik natu in, kikaizawn kik thei nawn na ziam? Amate sia khatvei lai in Pathian ii khuavak sungah om ngei zo uh hi. Amate sia vantung letsong tep ngei zo uh hi. Amate sia Thaa Thiangtho zongh a saang ngeisa ahi uh hi.

1 John 5:20

A maan Pathian ih heak natu in Pathian Ta hong pai zo a, teltheina hong pia zo ahi hunlam ih he hi. Eite in a maan Pathian taw pumkhat hi in — ama Tapa Jesus Christ taw pumkhat in ih nungta hi. Hisia in a maan Pathian hi a, tawntung nuntakna ahi hi.

Thupualaakna 21:6

Tuaciang ama in, “Kiman zo hi! Kei sia a kipatna le a tawpna ahi a masabel le a khakbel ka hi hi. A dangko theampo tungah man piak ngawlin nuntakna ciktui a neak thei natu thu ka pia tu hi.

Thupualaakna 22:17

Thaa le a Mothak in, “Hong pai ta'n!” hong ci hi. A zate theampo zongh in, “Hong pai ta'n!” ci si hen. A dangko theampo hong pai tavun; nuntakna tui a dei peuma in, tua nuntakna tui letsong in saang tavun.

Thupualaakna 7:17

banghang ziam cile kumpi tokhum laizang ah a om Tuuno in amate ii tuucingpa hi tu a, amate sia nuntakna a pia ciktuite ah paipui tu hi. Tuaciang Pathian in amate mittang sung pan thitui theampo nawlsak tu hi,” hong ci hi.