John 3:9 - Syin Chin Bible

⁹ Nicodemus in, “Bangbangin hi thu suak thei tu ziam,” ci in dongh hi.

John 3:9 Iomraidhean Croise

Paunakte 4:18

Thutangte tot lampi sia sun dongin, a taang vaial nisuak taw kibang hi.

Isaiah 42:16

“Mittaw ka mite sia amate tot ngeingawl lampite ah lam ka pui tu hi. Amate khuazing sia khuavak suaksakin a hamna mun sia amate mai ah ka nealsak tu hi. Hite sia ka kamciamte hi a, peal ngawlin ka taangtungsak tu hi.

Luke 1:34

Mary in vantunglalang tungah, “Keima in, ngaknu thiangtho ka hi hi, koi bangin tu a na son bangin suak thei tu ziam?” ci hi.

John 3:10

Jesus in, “Nang sia Israel ngamsung sya thupi khat na hi hi, hi thu tel ngawl ni ziam?

John 3:4

“Bangbangin mihing a khanthin sa khat sia niivei suak kik thei tu ziam? A nu ngil sungah tumin niivei suak kik thei ngawl het tu hi!” Nicodemus in ci hi.

John 3:8

Vui in a uukna po ah va hi; a vak ciang a nging na za hi, ahihang koisung pan hong pai a, koisung zuan ziam ci na he bua hi. Thaa taw a suak mihing simin, tuabang ma ahi hi,” ci in zo kik hi.

John 6:52

Hi thu in, amate sungah thin uuk in, kinialna kipansak hi. “Bangbangin hisia pa in, a taksa neak tu in, ei hong pia thei tu ziam?” ci uh hi.

John 6:60

A nungzuite tam mama in hi thu za uh a, “Hi kihilcianna sia haksa leih hi. Akua in hi thu ngai zo thong tu ziam,” ci uh hi.