John 3:6 - Syin Chin Bible

⁶ Nu le pate sung panin a suak mihing khat sia cii le sa mi hi a, ahihang Thaa sung panin a suak sia in thaa mi ahi hi.

John 3:6 Iomraidhean Croise

Pianciilna 5:3

Adam kum 130 a phak ciang, ama a suun tapa khat nei a, a min Seth phuak hi.

Pianciilna 6:12

Pathian in leitung en a, a sia in mu hi, banghang ziam cile mihing theampo siatna taw kidim in nungta hi.

Pianciilna 6:5

Leitung ah mihing theampo bangzata seksol a, khua ngaisut a sia bebek a nei tawntungna thu Topa in a mu ciang,

Job 14:4

Mihing bang a thiang ngawl na khat pawpo sung pan a thiangtho na piang thei ngeingawl hi.

Job 25:4

Pathian muna ah a thutang ahibuale a thiang, akua om tu ziam?

Psalm Late 51:10

Pathian awng, ka sungah thin thiangtho hong bitphua ta'n a, a thak le a thumaan thaa hong nguan ta'n.

John 1:13

Amate leitung pianziate taw Pathian ii tate a suak hi ngawl hi, cinopna in, pa khat ii hin tate bangin a piang ahi bua hi; Pathian mama sia amate ii Pa ahi hi.

John 3:7

Note theampo na sua kik uh kul tu hi kong cina hangin, lamdang na sa heak in.

Romete 7:18

Mihing ka hina sungah — a pha bangma om ngawl hi ci in ka he hi. Banghang ziam cile a pha vawt nopna ka sungah a om bel hangin ka vawt thei bua hi.

Romete 7:25

Ih Topa Jesus tungtawnin hong suaktasak Pathian tungah lungdamko tawng! Tua ahikom ka dinmun sia hi bang hi: keima hantang in ci leang Pathian thukham sia ka thinsung bek in zui zo a, ka mihing pianzia ahile mawna ngeinate zui hi.

Romete 7:5

Banghang ziam cile mihing pianzia bangin ih nuntak laitakin Thukham ii holna taw maw nopnate in ih pumpi sungah na hong seam a, tuaciang thi theina nasepna sungah eite ih kiva mama hi.

Romete 8:13

Banghang ziam cile mihing pianzia bangin na nungta uh le na thi takpi tu uh hi; ahihang mawna ngamtatnate Thaa taw na thatlum uh le na nungta tu uh hi.

1 Corinth te 6:17

Topa taw a kingawm khat sia ahile ama taw Thaa thu sungah pumkhat suak tu hi.

2 Corinth te 5:17

Mihing khat pawpo in Christ taw a kizom le ama in mihing thak ahi hi; a nuntakna lui sia bo in a thak hong piang zo hi.

Galatia te 5:24

Tuaciang Christ Jesus ii neisa ahite in, a mihing pianzia le tua ii uukna le deinate sia thi khawmsak zo hi.

Ephesus te 2:3

A tatakin eite zongh, amate bang ih hi ngei a, ih pianpui lungngulnate taw ih nungta zo hi, ih pumpi le ih thinsung taw a kisi bangin ih seam ih vawt hi. Ih pianlim in ngualdang bangma in, Pathian thin uukna thuak tu in, a kiciangtan sa ih hi hi.

Colossae te 2:11

Jesus taw kikopna sungah note vunteap at sa na hi uh a, mihing vunteap atzia taw hi ngawlin, hi mawna pumpi thahatna pan hong suatak Christ vunteap atzia taw hong ki at zo hi.

1 John 3:9

Pathian ta ahi peuma sia mawna vawt a zom suak bua hi, banghang ziam cile Pathian pianzia mama ama sungah om hi; tuaciangin Pathian sia ama Pa hi zo ahikom mawna vawt a zomsuak thei bua hi.