John 3:3 - Syin Chin Bible

³ Jesus in, “Thumaan hong son khi hi: niivei a suak kik buale, kuama in Pathian Ngam mu thei ngawl tu hi,” ci in zo hi.

John 3:3 Iomraidhean Croise

Jeremiah 5:21

No, a ngaisun thei ngawl a nangh mi mawmawte, mit nei napi a mu thei ngawlte, bil nei napi a za thei ngawlte awng, ngai vun.

Ezekiel 36:26

Lungtang thak le thin thak kong pia tu hi. A thinpui na suang lungtang kong laaksak tu a, thu a ni lungtang kong pia tu hi.

Matthew 16:17

Jesus in, “John tapa Simon awng, nang sia mihing hampha khat na hi hi! Hi thutak sia mihing chi le sa sung pan nang tung a hong pai ahi bua a, vantung a ka Pa kung pan in, hong kipia thu ahi hi,” ci hi.

Matthew 19:24

Kong ci kik hi: kalaoh khat phin bilvang sungah a tum tu sangin sumhaute Pathian Ngam sungah a tum tu sia haksa zaw lai hi,” ci hi.

Matthew 21:31

Tapate nii sung pan akua in a pa thu ni zaw ziam?” ci hi. “A tapa lianzaw sia in ni zaw hi” ci uh hi. Tuaciang Jesus in amate tungah, “Kei kong ci in ah: Shiadongte le numei paktatte in Pathian Ukna ngam sungah note sangin theng masa zaw tu hi.

Matthew 5:18

Na theampo ii tawp natu a khuangkhim mateng, simlei le vanpi a kip laiteng, thukham sung a thu nobel khat zongh a bo thong buatu hi.

Mark 10:14

Jesus in hi bang a ngamtat uh a mu ciangin, thin uuk a amate tungah, “Patangte ka kungah hong pai tahen, khaam heak vun, banghang ziam cile Pathian Ngam sia hi bangte atu ahi hi.

Mark 9:47

Tuaciang na mittang khat in na upna uh a lalsak le khelkeak in! Pathian Ngam sungah mittang langkhat nguak taw tum le uhte hell sungah mittang cingin hong kivawk sangin phazaw hi.

John 1:13

Amate leitung pianziate taw Pathian ii tate a suak hi ngawl hi, cinopna in, pa khat ii hin tate bangin a piang ahi bua hi; Pathian mama sia amate ii Pa ahi hi.

John 1:5

Khuavak in khuazing sungah taang a, khuazing in sumit zo ngeingawl hi.

John 1:51

Tuaciang in amate tungah, “Thumaan hong son khi hi: vantung kihong na mu tu a, Mihing Tapa tungah Pathian ii vantunglalangte a tuaksuk a kaato kithalee in a om na mu tu hi,” ci hi.

John 12:40

“Pathian in amate ii mit tawsak a, a thinsung khacipsak hi, tua in, a mit khua a mu ngawl natu, a thinsung taw a tel ngawl natu, tuaciang amate in keima ii amate ka damsak natu kei kungah hong heak kik ngawl natu, ahi hi, Pathian in ci hi.”

John 3:4

“Bangbangin mihing a khanthin sa khat sia niivei suak kik thei tu ziam? A nu ngil sungah tumin niivei suak kik thei ngawl het tu hi!” Nicodemus in ci hi.

2 Corinth te 4:4

Hi leitung pathian ngilopa in amate thinsung sia khuazing sungah keamcip ahikom um ngawl uh hi. Pathian taw a kibang linlian Christ ii minthanna huvau tua Lungdamna Thupha pan hong pai, amate tungah hong taang khuavak a mu thei ngawl natu in ama in vawt hi.

2 Corinth te 5:17

Mihing khat pawpo in Christ taw a kizom le ama in mihing thak ahi hi; a nuntakna lui sia bo in a thak hong piang zo hi.

Galatia te 6:15

Mihing khat vunteap a ki at le a ki at ngawl sia a phatmawkna mama om ngawl het hi; a pha maw sia in mihing thak suana ahi hi.

Ephesus te 2:1

A bosa hun sungah note in na thunit ngawl hang le, na mawnate hangin thaa lamsang ah a thisa na hi uh hi.

Thuhil kikna 29:4

Ahizong na sinsa thute tuni dong mama in ama in no hong telthiangsak ngawl lai hi.

Titus 3:5

ama in ei hong ngum hi. Tua in eite ii naphate ih sep hang hi ngawl a, pianthakna le nuntakna thak hong pia Thaa Thiangtho tungtawnin, ama hong hesuakna taw hong ngup ahi hi.

James 3:17

Ahihang tungsang pan ciimna sia a masabel in thiangtho hi; tua in kilemna, cikna, lemzawngna zongh ahi hi. Tua in kihesuakna taw kidim a, a pha sepnate piangsak hi; tua in, kidoidanna nei ngawlin, kihithepsakna nei ngawl hi.

1 Peter 1:3

Topa Jesus Christ ii Pa le Pathian tungah lungdamko tawng! Hong hesuakna lian ahikomin, Jesus Christ sia thina pan a thawsak kikna taw nuntakna thak eite hong pia hi. Hi sia in a nungta lametna taw hong dimh hi,

1 John 2:29

Christ sia thumaan thutang hi ci in na he uh hi; tua ahikom na heak tu uh thu sia a maanin a seam peuma Pathian ta hi ci thu ahi hi.

1 John 3:9

Pathian ta ahi peuma sia mawna vawt a zom suak bua hi, banghang ziam cile Pathian pianzia mama ama sungah om hi; tuaciangin Pathian sia ama Pa hi zo ahikom mawna vawt a zomsuak thei bua hi.

1 John 5:1

Jesus sia Messiah hi ci a, a um pawpo sia Pathian ii ta khat ahi hi; tuaciang pa a it khat in a tapa zongh a it hi.

1 John 5:18

Pathian ii tate kuama in mawna vawt tan viuveu ngawl hi ci in ih he hi, banghang ziam cile Pathian ii Tapa in ama keamcing a, Ngilopa in a susia thei bua hi.

1 John 5:4

banghang ziam cile Pathian ii tate khat simin leitung zothal thei hi. Tuaciang ih upna taw leitung zawna ih nga hi.

Thupualaakna 3:14

“Laodicea pawlpi ii vantunglalang tungah hi bangin lai at in: “Hisia in Pathian ii bitphua sa theampo ii pian kipatna, a maan tetti, a thumaan Amen ii hong kam vaithak ahi hi.