John 3:13 - Syin Chin Bible

¹³ Tuaciangin vantung pan a hong paisuk Mihing Tapa simngawl kuama vantung ah kaato ngeingawl hi,” ci in zo hi.

John 3:13 Iomraidhean Croise

Paunakte 30:4

Akua in vantung thu heaknate a cingin nei ngei ziam? A kua in vui sia, a khut sungah man ngei ziam? Tua ahibuale tui sia puanbek taw tun ngei ziam? Tua ahibuale leitung ngamngite phut ngei ziam? Na he le, ama akua ziam? Ama ii tapa sia akua ziam?

Matthew 28:20

tuaciang ka thu piakte theampo a zui natu hil tavun. Tuaciang hun bo dongin note taw kong omkhawm tawntung tu hi,” ci hi.

Matthew 8:20

Jesus in, “Ngiate in kua nei a, vacimte in bu nei uh hi. Ahihang Mihing Tapa in lup natu le, tawlngak natu a nei bua hi,” ci in zo kik hi.

John 1:18

Kuama in Pathian mu ngeingawl hi. Pa kungah a om, Pathian ma ahi, Tapa khat bek in Pathian hong hesak hi.

John 13:3

Jesus in Pa ii vaangletna a cingin ama tungah a piak sia he hi; ama in Pathian kung pan hong pai a, Pathian kung a zot kik tu hunlam he hi.

John 17:5

Pa awng! simlei pian ma a nangma taw a kibangin ih nei khop tua minthanna sia, tu in na mai ah kei hong pia ta'n.

John 3:12

Hi leitung nate ii thu kong son ciangin, hong um ngawl nu hi, tua ahile vantung nate ii thu kong son ciang, bangbangin hong um thei thong tu nu ziam?

John 3:31

Tungsang pan hong pai sia in, a kuama theampo sangin, lian zaw hi. Leitung pan hong pai sia in, leitung neisa hi a, leitung nate thuson in nei hi. Ahihang vantung pan hong pai sia in, a kuama theampo ii tungsia ahi hi.

John 6:33

Banghang ziam cile, Pathian hong piak anluum sia in, hi leitung ah nuntakna a pia tu in, vantung pan hong paisuk pa ahi hi,” ci hi.

John 6:38

banghang ziam cile keima aituam deina a seam tu in vantung pan hong pai ka hi bua a, hong sawlpa deina a seam tu in, hong pai ka hi hi.

John 6:42

Tua ahikom, amate in “Hisia pa sia Joseph ii tapa Jesus hi kana ngawl ziam? A pa le a nu ih heak hi. Tua ahile bangbang, tu in vantung pan kong paisuk hi, ci thei ziam?” ci uh hi.

John 6:46

Hisia ka ci ciang, khat po in, Pa mu ngei hi, cinopna hi ngawl hi; Pathian kung panin, hong pai sia bek in Pa mu ngei hi.

John 6:51

Keima in vantung pan hong pai a nungta anluum ka hi hi. Khat po in hi anluum a ne le nungta tawntung tu hi. Ama ka piak tu anluum in, leitung mite nuntak thei natu a, ka piak ka taksa ahi hi,” ci in zo hi.

John 6:62

“Tua le, sonteena, Mihing Tapa sia ama om maksakna munah a paito kik mu le uhte bang na ci tu uh ziam?

John 8:42

Jesus in, “Pathian sia na Pa uh ahi takpi le kei nong it natu ahi hi, banghang ziam cile, Pathian kung panin kong pai a, tu in hi munah ka om hi. Keima aituam thuneina taw hong pai ka hi bua a, ama ii hong sawl ka hi hi.

Sawltakte 2:34

Banghang ziam cile vantung ah a kaato pa in David hi ngawl hi, ama in, ‘Topa in ka Topa tungah: Hi sung ka ziatsang ah,

Sawltakte 20:28

Tua ahikom noma le noma kikeam tavun a, Thaa Thiangtho ii noma khut sung a hong aap tuuhonte zongh en in keam tavun. A Tapa ii chisan tungtawnin, ama atu a piansak Pathian ii pawlpi ii tuucingte na hi tavun.

Romete 10:6

Ahihang upna hang a Pathian mai ah thutang suana taw kisai in laithiangtho in hi bangin ci hi. “Noma le noma vantung ah akua kaato tu ziam?” ci in kidongh heak vun. (Tuasia Christ khiaksukna, a cinopna hi.)

1 Corinth te 15:47

Adam masa sia lei taw kivawt a, lei panin hong piang hi; Adam niina sia vantung panin hong pai hi.

Ephesus te 1:23

Pawlpi in Christ ii pumpi hi a, kicinna ahi ama mama in mun theampo ah na theampo khuangkhim hi.

Thuhil kikna 30:12

Tuasia van ah a om hi ngawl hi. ‘Eite zaak thei tu le zui thei tu in akua kaato in tua thu hong puaksuk tu ziam?’ ci in kidok kul ngawl hi.