John 21:7 - Syin Chin Bible

⁷ Jesus ii it nungzuipa in, Peter munah, “Tu a sia Topa hi!” ci hi. Peter in Topa hi ci in a zaak ciang, a puantungsilh taw kituun hi, (Banghang ziam cile ama in a puante suut hi) tuaciangin tui sungah leangsuk hi.

John 21:7 Iomraidhean Croise

Psalm Late 118:23

Hisia in Topa ii sepsa ahi hi; tua in bangza mu nop huai ziam!

Solomon ii La 8:7

Ki itna meikuang sia tui in tulmit zo ngawl a, namthuam in khuum zo ngawl hi. Ahizong khat po in a hauna taw ki itna lei a sawm le simmawkna bek nga tu hi.

Mark 11:3

Tuaciang khat po in banghangin tuabang hi nu ziam hong cile, Topa in tuulmaw hi, hong puak kik paih tu hi, na ci vun,” ci hi.

Luke 12:35

“Hong tung tu thu khat pawpo atu in, a kingingta sa in om vun. A diang tawm tu in puansilh kholsa le meiinn vaak sa in om vun.

Luke 2:11

Tuni mama in David khua ah note hong Hunpa — Christ Topa suak zo hi.

Luke 7:47

Kei kong ci in a, ama ii, itna lianpi hong lakna sia in, ama mawna tam mamate kimaisak zo hi, ci na thu kiciansak hi. Tua hi a, tawm bek a kimaisakte in itna tawm bek lak tu hi,” ci hi.

John 13:23

Jesus ii it nungzui khat sia Jesus taw a kicial in to hi.

John 19:26

Jesus in a nu le ama ii it nungzuipa a ding khawm mu hi; tua ahikom a nu munah “Ama sia na tapa hi,” ci hi.

John 20:2

Ama in Simon Peter le a dang nungzui, Jesus ii itpa kung zuan in tai a, “Amate in Topa sia thaan pan la zo hi, ama koisungah koi ziam ci sia he ngawl khu hi!” ci hi.

John 20:20

Hi teng a ci zawkciang ama in a khutte le a pangh amate tungah lak hi. Nungzuite in Topa a mu uh hu in, lungnopna taw kidim uh hi.

John 20:28

Thomas in, “Ka Topa le ka Pathian awng!” ci in zo hi.

John 21:20

Peter in, a kiheak ciang a nungah Jesus ii it nungzui dang khat sia mu hi — An a neak uh lai Topa kung to a, neal kawm in, “Topa awng nang akua in hong leeheak tu ziam?” ci in a dongh sia pa ahi hi.

John 21:24

Ama sia hi thute a son nungzuipa hi a, lai taw zongh a atpa ahi hi; tuaciang ama ii sonte sia thumaan hi, ci in ih he hi.

John 21:8

Nungzui dangte in ngasa a dim ngeen sia kai kawm a, ngunkuang taw vaalbo ah hong pai uh hi. Amate omna sia lei taw a kikhuala lei ngawl, metre za khat na bang ahi hi.

Sawltakte 10:36

Israel te tungah a puak thu na heak uh hi, mihing theampo ii Topa ahi, Jesus Christ tungtawnin kilemna Lungdamna Thu thansakna ahi hi.

Sawltakte 2:36

Tua ahiciang Israel mite theampo ii telthiang tu thu in, hi Jesus thinglamtee tungah na kilh uh pa sia, Topa le Messiah tu a, Pathian vawt sa ahi hi!” ci hi.

1 Corinth te 15:47

Adam masa sia lei taw kivawt a, lei panin hong piang hi; Adam niina sia vantung panin hong pai hi.

2 Corinth te 5:14

Christ hong itna in kote hong uk hi, tu in ahile mihing khat in mihing theampo atu thi hi ci in ka tel uh hi, tua in amate theampo sia ama thina sungah thi khawm hi a cinopna ahi hi.

James 2:1

Ka suapuite awng, a minthang Topa, ih Topa Jesus Christ thu umte na hi uh bangma in, a puasang omzia etna taw kuama doidan ngei heak vun.