John 21:12 - Syin Chin Bible

¹² Jesus in, “Hong pai tavun a ne vun,” ci hi. A nungzuite kuama in, “Nang kua ni ziam?” ci in a dongh ngam bua uh hi, banghang ziam cile amate in Topa ahi sia he uh hi.

John 21:12 Iomraidhean Croise

Matthew 22:46

Jesus dokna kuama in a zo thei bua uh a, tua ni pan kipan kuama in ama thu a dongh ngam nawn bua uh hi.

Mark 9:32

Ahihang amate in hi hilna bang ziam ci in a tel bua uh a, dongh zongh a dongh ngam bua uh hi.

Luke 9:45

Ahizong a nungzuite in hi thu ii khiakna a tel bua uh hi. A tel zawk ngawl natu in kiphualseal a, tuaciang amate in, hi thu huvau dongh ngam ngawl uh hi.

John 16:19

Jesus in ama thu dongh nuam ahi sia tel ahikom amate tungah, “ ‘Tawmvei sungin nong mu buatu uh a, tuaciang tawmvei zawkciangin nong mu tu uh hi,’ hong ci khi hi. Noma sung a na kidok thu in tu sia ahi ziam?

John 21:11

Simon Peter ngunkuang sungah tuakin, ngasa lian a dim ngeen sia vaalbo ah kai hi, a vekpi in 153 pha hi; tuaza in tam ahihang a ngeen ektham ngawl hi.

John 21:15

An a neak zawk uh ciang Jesus in Peter mun ah, “John ii tapa Simon awng, hi ngualdangte ii hong it sangin, kei nong itzaw ziam,” ci hi. “Hi hi, Topa awng, nang kong it sia nangma in na he hi,” ci in ama in zo hi. Jesus in, “Ka tuunote na keam in,” ci hi.

John 4:27

Tua hun laitakin Jesus nungzuite hong heak kik a, Jesus sia numei khat taw thu sawson in om a mu uh ciang, amate in lamdang sa mama uh hi. Ahihang kuama in, “Nang bang nuam ni ziam,” ci in tua numei mun ahizong, “Banghangin hisia nu taw thuson ni ziam,” ci in ama mun ahizong a dongh bua uh hi.

Sawltakte 10:41

ahihang mihing theampo tungah hi ngawlin, Pathian ii tetti tu a hong teal sate, thina panin a thaw kik zawkciangin, ama taw an nekhawm tui dawnkhawmin a om kote tungah hong kilangh hi.