John 20:9 - Syin Chin Bible

⁹ (Amate in, “Laithiangtho ii ama thina pan tho kik nanak tu hi,” a ci sia a tel bualai uh hi.)

John 20:9 Iomraidhean Croise

Psalm Late 16:10

thina vaangletna panin hong sungsia na hikom thumaan takin nang atu kong seam hi, tua hi a mithi khua ah nong nusia buatu hi.

Isaiah 25:8

Vaanglianpipa Topa in thina a tawntungin mangthangsak tu hi! Ama in mihing theampo ii thitui nawlsak in, a mite ii leitung mun theampo ah a thuak maimawl na sia laaksak tu hi. Topa ama mama in ci zo hi!

Isaiah 26:19

Ka mipui a thisate nungta kik tu uh hi! A pumpi uh nungta kik tu uh hi. Thaan sungah a mute theampo thoto tu a, lungdamin lasa tu uh hi. A tee vasip daaitui in leitung thathak a piak bangin Topa in taanghlai pek a, a thisate nungtasak tu hi.

1 Corinth te 15:4

tuaciang ama kiphum a, ni thum zawkciangin Laithiangtho ii at bangma in nuntakna sungah kithosak hi;

Luke 24:26

Messiah in hite a thuak phot tu kul a, tua zawkciangin vaangletna sungah tum tu hi ngawl ziam?” ci hi.

Matthew 22:29

Jesus in, “Pathian ii vaangletna le Laithiangtho na heak ngawl uh hu in bangza in khial nu ziam!

Hosea 13:14

Hi mite sia mithi khua pan ka ngum buatu a, ahibuale thina vaang pan ka suatak buatu hi. Thina awng, na pul natnate hong paipui ta'n! Mithi khua awng, na suksiat theina hong paipui ta'n! Hi mite ka hesuak nawn buatu hi.

John 2:22

Tua ahikom thina panin ama a kithaw kiksak ciangin a nungzuite in, hi thu a son sia phawk kik uh a, amate in laithiangtho le Jesus ii a sonsate um uh hi.

Luke 9:45

Ahizong a nungzuite in hi thu ii khiakna a tel bua uh hi. A tel zawk ngawl natu in kiphualseal a, tuaciang amate in, hi thu huvau dongh ngam ngawl uh hi.

Psalm Late 22:15

Ka longtawl sia leivui bangin ko a, ka leei sia ka vadang ah kibelto hi. Leivui sungah a thi tu in nong nusia zo hi.

Sawltakte 2:24

Ahihang Pathian in ama sia, a thite kawm pan phong kik a, thina vaang panin suaktasak hi, banghang ziam cile, thina in ama thong sungah a khumcip tu sia suak thei ngawl hi.

Sawltakte 17:3

Messiah in ngim thuak tu a, thina panin tho kik tu hi, ci in Laithiangtho taw kipsakin sonthiang hi. Paul in, “No tungah kong pualaak hi Jesus sia Messiah ahi hi,” ci hi.