John 2:6 - Syin Chin Bible

⁶ Jew te sia a zeksa kithiansua ngeinate nei uh a, tuaciang tuasia atu in tui litre zakhat bang veu a ta, tui thambeal luk om hi.

John 2:6 Iomraidhean Croise

Luke 16:6

‘Olive thau pheal zakhat ka ba hi,’ ci in zo kik hi. ‘Hi sungah na sazian om hi, to in, sawmnga ci in at in,’ ci hi.

John 2:7

Jesus in naseamte munah, “Hi thambealte tui dimh vun,” ci hi. Amate in thambeal ngong ciang in tui dimh uh a,

John 3:25

John ii nungzui pawlkhat in Jew te khat taw a zeksa kisilna huvau kam kinial uh hi.

Ephesus te 5:26

Pawlpi sia thiangtho a, sit baang ngawl, paubanna om ngawl a, Pathian kammal ahi tui taw a kisilthiang zawkciang Pathian tungah tua pawlpi a ki aap thei natu in pawlpi atu Christ kipia hi.

Hebrew te 10:22

Tua ahikom thintak le upna maan taw mawna kithasunna pan, a kithiansua sa lungtang le tuithiang taw a kisil sa pumpite taw Pathian kung zuan tek tawng.

Hebrew te 6:2

baptize na nanamte, khut ngakna. tawntung thukhenna le a thisate thawkiknate, kansuut kikik pheang nawn bua tawng.

Hebrew te 9:10

banghang ziam cile tuate in anneak, tuidawn le kithiansuana tuatuamte taw kisai bek hi. Hite sia a puatham zui tu ngeinate hi a, Pathian ngeina thak a piak sia a kipsak mateng atu hi bek hi.

Hebrew te 9:19

A masa phitbel in Thukham sungah a thupiak theampo mihingte tungah Moses in sonthiang phot hi. Tua zawkciangin khuitalte le kealte chi la in tui taw a hel zawkciang, hyssop baak le tuu mulsan pawlkhat zanghin, Thukham laibu tung le mihingte tungah the hi.