John 2:4 - Syin Chin Bible

⁴ Jesus in, “Ka vawt tu sia hong son heak in, ka hun hong tung ngawl lai hi,” ci in zo kik hi.

John 2:4 Iomraidhean Croise

2 Samuel 16:10

Kumpipa in Abishai le a suapuipa Joab munah, “Hisia no taw bangma kisai bo. Topa ii sawl hu in hong haamsiat ahile akua in khaam thei tu ziam?” ci hi.

2 Samuel 19:22

Ahizong David in Abishai le a suapuipa Joab munah, “A kua in no ngaisutna hong ngen ziam? Ngim hong pia tu nu ziam? Tu in kei Israel ii kumpipa hi zo khi hi, tuaciang tu ni in Israel te kuama kithatlum ngawl tu hi,” ci hi.

1 Kumpite 17:18

Ama in Elijah munah, “Pathian mipa awng, banghangin hi bangin kei hong vawt ni ziam? Hi sungah nong pai sia ka mawna teng Pathian in phawksak a, ka tapa thi natu in hong vawt ni ziam?” ci hi.

Thuhilsya 3:1

Hi leitung ah a piang na theampo Pathian see sa bangin piang hi.

Matthew 15:28

Tua hi a Jesus in, “Nang sia upna lian a nei numei khat na hi hi! Na deina bang nang tungah hong tung tu hi,” ci hi. Tua hun lian laitakin a tanu dam thiang hi.

Matthew 8:29

Thakhatin amate cik-au uh a, “Nang Pathian Tapa awng, ko bang hong law nuam ni ziam? A hun hong thet ma in, daan pia tu in hong pai ni ziam?” ci uh hi.

Luke 2:49

Ama in zo kik a, “Banghangin kei hong zong nu ziam? Ka pa inn sungah ka om tu a kul hunlam he ngawl nu ziam?” ci hi.

John 12:23

Jesus in, “Tu in Mihing Tapa ii a lian minthanna a saan tu hun hong tung zo hi.

John 13:1

Tu in Paisan Poai vawt tu ni khat samh lai hi. Jesus in leitung nusia in, Pa kung a pai natu hun hong thet sia he hi. ama ii neisa leitung mihingte it tawntung a, a tawp dongin it hi.

John 2:3

A sapittui teng a kihawm siat zawkciang, Jesus ii nu in ama munah, “Amate in sapittui nei nawn ngawl hi,” ci hi.

John 20:13

“Numei awng, banghangin kap ni ziam?” ci in amate in dongh hi. Ama in, “Amate in ka Topa la a, koisungah koi ziam, ci in ka he bua hi!” ci in zo hi.

John 20:15

“Numei awng, banghangin kap ni ziam? Na zon sia akua ziam?” ci in Jesus in dongh hi. Ama in huan neipa sa ahikom in, “Ama la zo na hi le, syapa awng, na koina hong son ta'n. Pai in ka la tu hi,” ci hi.

John 7:30

Tuasia ciangin amate in Jesus man tu in hanciam ahihang kuama in ama a thutha bua uh hi, banghang ziam cile ama hun tung ngawl lai hi.

John 7:6

Jesus in amate munah “Kei atu in a hun hong tung ngawl lai hi. Hun khat pawpo sia noma hun ahi hi.

John 7:8

Poai ah noma pai tavun. Hi poai ah kei pai ngawl tu khi hi, banghang ziam cile kei atu in a hun hong tung ngawl lai hi,” ci hi.

John 8:20

Jesus in hi thute theampo, Biakinn sung sumpi bungte koina inndoi sungah a hilcian laitakin a son ahi hi. Tuaciangin ama kuama in a man bua uh hi, banghang ziam cile ama ii hun a tung bualai hi.

2 Corinth te 5:16

Tua ahiciang, mihingte munate taw kuama tungah thu ka khen nawn bua uh hi. Khatvei lai in Christ sia mihing munate taw thukhen ngei ka hita uh zong tu in tuabangin ka khen nawn bua uh hi.

Thuhil kikna 33:9

Amate in nangma tungah a nute a pate, a suapui pate le a tate tung sangin a lian zaw thumaan na lak hi. Amate in na thupiakte ni in, na thuciam tungah thumaan uh hi.