John 2:12 - Syin Chin Bible

¹² Hisia zawkciang, Jesus le a nu, a suapuipate le nungzuite sia Capernaum khua ah pai uh a, tuak ah ni tawmvei sung taam uh hi.

John 2:12 Iomraidhean Croise

Matthew 11:23

Tuaciangin, Capernaum, nang na hile, nangma le nangma vantung dongin kilapto sawm na hi ziam? Hell khuk sungah na kisepsuk tu hi. Nang sungah a kiseam nalamdang laknate Sodom khua ah kiseam thong le tua khua sia tuni dongin kip lai tu hi.

Matthew 12:46

Jesus in mihonpite thu a hil laitakin, A nu le a suapuipate hong theng hi. Amate in paupui nuam in doipua ah ding uh hi.

Matthew 4:13

Ama Nazareth khua ah taam ngawlin, Zebulun le Naphtali ngamsung Galilee tuili hui khuapi Capernaum ah teang tu in pai hi.

Mark 6:3

Ama Mary tapa James, Joseph, Judas le Simon ii suapui lettamapa hi ngawl ziam? A suapuinumeite zongh hi sung ma ah teang siat hi ka na ngawl ziam?” ci uh hi. Tua bangin ama a saang zo bua uh hi.

John 2:2

Jesus le a nungzuite zongh, tua mopoai siim tu in, khual kihil uh hi.

John 4:46

Tua zawkciang Galilee ngam Cana khua ah Jesus pai kik hi, tua mun sia ama in tui pan sapittui a suasakna mun ahi hi. Tua munah kumpi naseam ulian khat om a, a tapa sia Capernaum khua ah a cina hi.

John 6:17

ngunkuang sungah to in, Capernaum ah tuili kaantan in pai kik uh hi. Khua hong zan zo a, Jesus amate kung hong zuan ngawl lai hi.

1 Corinth te 9:5

Sawltak dangte, Topa suapuite le Peter ettee in, ka khualhaw ciang ka kitholpui tu Tapidaw zi khat nei thei natu thu om hi ngawl ziam?

Galatia te 1:19

Topa ii suapuipa James simngawl sawltak dangte ka mu bua hi.