John 2:11 - Syin Chin Bible

¹¹ Jesus in hi a masabel nalamdang lakna sia Galilee ngam Cana khua ah vawt hi; tua munah ama ii minthanna kilanghsak a, a nungzuite in ama um uh hi.

John 2:11 Iomraidhean Croise

1 Kumpite 17:24

Ama in, “Tu ahile nang sia Pathian ii mi khat hi a, tuaciang Topa in nang tungtawnin hong pau takpi hi, ci in hong he khi hi,” ci in zo hi.

Psalm Late 72:19

Ama min tuanngen sia a tawntungin pok vun! Ama ii minthanna in leitung bup ah dim tahen. Amen! Amen!

Psalm Late 96:3

Ama ii minthanna minamte tungah thangsak vun, ama ii a vaanglian nasep nate mihing theampo tungah thangsak vun.

Pusuana 14:31

Vaangletna lianpi taw Topa in Egypt te a zawna thu Israel te in a mu uh ciang amate in Topa lamdang sa a; Topa le a naseampa Moses muanna nei uh hi.

Pusuana 4:9

Hi nalamdang lakna niite taw zongh hong um zo bualai a, na thu hong ngai ngawlin hong nial le, Nile ngun pan tui tawm la in lei ah sung in. Tua tui sia chisan suak tu hi,” ci hi.

Thuhilsya 9:7

Pai in, na an ne in a, lungdam in; na sapittui ne in a, maitai in. Pathian in diksa hi.

Isaiah 40:5

Tuaciang Topa minthanna kilangh tu a, minam bup in mu tu uh hi. Topa ama mama in hi thu kamciam zo hi,” ci hi.

Malachi 2:2

Na sep, na vawtna taw keima nong patoai uh kul tu hi. Kong ci bangin nong ngai bua uh le no tungah haamsiatna kong tungsak tu hi. Na kivaak natu a, na saan uh vanhte tungah haamsiatna ka tungsak tu hi. A tatakin ci leang, tuate tungah, haamsiatna tungsak zo khi hi, banghang ziam cile kong thupiakte no in na thupi sim bua uh hi.

John 1:14

Kammal in mihing hong suak a, thuthiamna le thumaan thutak taw kidimin, ei sungah hong teang hi. Eite in ama ii vaangletna, Pa ii Tapa khat bek a hina taw a saan vaangletna ih mu zo hi.

John 1:17

Pathian in Moses tungtawnin Thukham pia hi. Ahihang thuthiamna le thumaan thutak sia Jesus Christ tungtawnin hong pai hi.

John 1:43

A zing ciangin Jesus in, Galilee ngam ah pai tu in, khensat hi. Ama in Philip mu a, “Hong zui ta'n,” ci hi.

John 1:50

Jesus in, “Theikung nuai ah na om lai in, kong mu zo hi kong ci hu bek in, um na hi bua ziam? Hisia sangin a lian zaw lai na tam mama na mu tu hi!” ci hi.

John 10:41

Mihing tam mama ama kungah hong pai uh hi. Amate in, “John in nalamdang laknate vawt ngawl hi. Ahihang hisia pa thu ama son theampo maan hi,” ci uh hi.

John 11:15

ahihang, no atu ka ngaisut ciang, na up thei natu in, ama taw ka omkhop ngawl sia ka lungdam hi. Ama kungah ih pai tu hi,” ci hi.

John 11:47

Tua ahikom Pharisee te le thiampi liante Council te taw kisitua in, “Bang law tu hi ziam? Hisia pa ii nalamdang lakna a vawt theampo en vun!

John 12:18

Tuasia hu in mihon in ama muak uh hi — banghang ziam cile hi nalamdang a vawt sia amate in za zo uh hi.

John 12:37

Nalamdang lakna hi zata amate mai ah vawt zo hi napi amate in ama a um bua uh hi,

John 12:41

Isaiah ii hi bangin a ci sia Jesus ii vaangletna mu a, ama huvau a son hang ahi hi.

John 14:13

Tuaciangin keima min suang a nong nget pawpo, Tapa tungtawnin Pa minthan natu in kong vawtsak tu hi.

John 16:27

banghang ziam cile Pa, ama mama in note hong it hi. Ama in banghang note hong it ziam cile noma in kei nong it uh a, tuaciang Pathian kung pan hong pai ka hi sia nong um uh hi.

John 16:30

Na theampo na heak sia tu in kong he uh hi; kuama ii thu hong dok tu na kulsak bua hi. Hi thu in Pathian kung pan nong paina hong umsak hi,” ci uh hi.

John 2:1

Ni nii zawkciang Galilee ngam Cana khua ah mopoai khat om hi. Tua munah Jesus ii nu om a,

John 2:23

Paisan Poai sungin Jerusalem ah Jesus a om laitakin, ama ii nalamdang laknate a mu uh hu in, mihing tam mamate in ama um uh hi.

John 3:2

Zan khat Jesus kungah ama pai in, “Rabbi awng, nang sia Pathian ii sawl sya khat hi ci in kong he uh hi. Pathian in hong ompui buale, na vawt nalamdang laknate, kuama in vawt thei ngawl tu hi,” ci hi.

John 4:3

Tua ahikom Jesus in tuabang a kisonna a zaak ciang, Judea ngam nusia in Galilee ah pai kik hi;

John 4:46

Tua zawkciang Galilee ngam Cana khua ah Jesus pai kik hi, tua mun sia ama in tui pan sapittui a suasakna mun ahi hi. Tua munah kumpi naseam ulian khat om a, a tapa sia Capernaum khua ah a cina hi.

John 4:54

Hisia in Judea pan Galilee ah hong pai zawkciang Jesus ii vawt nalamdang lakna a niina ahi hi.

John 5:23

tua thu sia mihing theampo in Pa a zatak bangma in, Tapa a zatak natu ahi hi. Tapa a zakta ngawl po in ama a sawl ahi Pa sia zakta ngawl hi.

John 6:14

Hi nalamdang lakna Jesus ii vawt a mu uh ciangin, tua munah a om mihingte in, “Hi sia leitung a hong pai tu Kamsaangpa hi takpi hi!” ci uh hi.

John 6:2

Mi honpi khat in a nungzui hi, banghang ziam cile ciina damsakna taw ama ii nalamdang laknate mu uh hi.

John 6:26

Jesus in, “A tatakin kong ci ciang, kei nong zon uh sia, nalamdang ka laknate na tel uh hang hi ngawlin, anluum na du uh za a na neak uh hang ahi hi.

John 6:30

Amate in “Ko ii mu thei tu uh le nang kong up thei natu in, bang nalamdang lakna vawt tu ni ziam? Bang vawt tu ni ziam?

John 7:31

Ahihang mihon sung pan, mihing tam mama in ama um a, “Messiah hong pai ciang, ama in hisia pa ii vawtte sangin a tamzaw nalamdang laknate, a vawt tu ziam,” ci uh hi.

John 9:16

Phariseete pawlkhat in, “Hi bang a vawt, mihing in, Pathian kung pan hi thei ngawl tu hi, banghang ziam cile ama in Sabbath Thukham ni ngawl hi,” ci uh hi. Ahizong a dangte in, “Bangbangin mawnei mi khat in, hi bang nalamdang laknate vawt thei tu ziam,” ci uh hi. Tuaciangin amate sungah pawl kikhenna khat hong om hi.

2 Corinth te 3:18

Tua ahikom eite theampo in, a kisiin ngawl maitangte taw Topa vaangletna kilanghsak vun. Thaa ahi Topa kung pan hong pai tua vaangletna sia ma in a nasia vaial vaangletna sungah ama ii pianzia bangin eite hong kheal hi.

2 Corinth te 4:17

Tuaciang, hi tawmvei hunsung ka thuak uh ngimna tawmnote in, tua ngimna sangin a tamzaw pek, a lian mama tawntung minthanna sungah kote hong then tu hi.

2 Corinth te 4:6

“Khuazing sung pan khuavak hong taang tu hi!” a ci Pathian sia ma in Christ ii maitang ah a taang Pathian ii vaangletna heak natu in kote thinsung ah a khuavak hong taangsak ahi hi.

Thuhil kikna 5:24

‘Meikuang sung pan hong paupuina aw ih zaak ciang Topa ih Pathian in ama ii letna le a minthanna hong lak hi! Pathian in mihing khat paupui zo hi napi ama nungta suak thei lai veve ahi hunlam eite in tuni in ih mu zo hi.

1 John 5:13

Pathian Tapa a um note — tawntung nuntakna na nei uh hunlam na heak natu in hi lai kong at hi.