John 2:10 - Syin Chin Bible

¹⁰ “Ngualdangte in, sapittui limbel teng veu hawm masa a, leangnate ii tam mama a neak zawkciang, sapittui dang thawthong teng hawm hi. Ahihang nang na hile sapittui limbel teng tu dongin na khealsia hi!” ci hi.

John 2:10 Iomraidhean Croise

Pianciilna 43:34

Joseph ii sabuai tung pan amate an kipia a, Benjamin sia a dangte sangin a zaa nga tamzaw in kipia hi. Tuabangin amate Joseph taw anne tuidawn in nuamsa uh hi.

Psalm Late 104:15

a lungdam natu in sapittui, a maitai natu in olive thau, a thahat natu in anluumte piangsak hi.

Solomon ii La 5:1

Kong it ka ngaino, ka angkoai awng, Ka huan sungah ka tum zo hi. Ka hel namtuite le ka myrrh thingnamtuite khawmtua in; ka khuaitui le ka khuaiphaangte ka ne a; ka sapittui le ka noai ka ne hi. Lawmtate awng, itna taw na kham teakin ne in, dawn vun!

Matthew 24:49

tuaciangin a nasep khoppui naseam dangte saatin, zukham theite taw, an ne zu ne in om tu hi.

Luke 12:45

Ahizong tua naseampa in a topa hong cia kik tu khuangei lai tu zam ci in, naseam dang pate le numeite vel ngawp tu in kithoai hen a, anne tuidawn zukham in om le,

Luke 16:25

Ahizong Abraham in, ‘Na nuntak lai in nang sia na pha theampo hong kipia zo a, Lazarus ahile a sia theampo thuak hi. Tua thu phawk ta'n. Ahihang tu in ahile nang ii natna satna na thuak laitak ama in hi munah nuamsa in om hi.

Sawltakte 2:15

Hi lai a, mihingte sia no upmawk bangin, zukham hi ngawl hi. Tu laitak sia zingsang nai kua hi pheang hi.

1 Corinth te 11:21

Banghang ziam cile na neak uh ciang mihing khat sim in, noma an tek ma leap papaih na hi uh kom pawlkhat sia ngilkial in na om uh a, a dang teng sia zukham in om hi.

Ephesus te 5:18

No hong lalsak thei, sapittui na kham heak vun: Thaa taw na kidim zaw tavun.

1 Thessalonica te 5:7

Zan sia mihingte mut hun hi; zanin amate zukham uh hi.

Thupualaakna 17:2

Leitung kumpipate in ama taw paktat khialna vawt uh a, leitung mihingte in ama ii paktatna sapittui ne in kham uh hi,” ci hi.

Thupualaakna 17:6

Tuaciang numei nu sia Pathian ii mihingte chisan le Jesus tungah a thumaan uh hu in a kithatte chisan sia zukham bangin a kham ka mu hi. Ama ka mu ciangin lamdang ka sa mama hi.