John 19:6 - Syin Chin Bible

⁶ Thiampi liante le biakinn cingte in a mu uh ciang, “Thinglamtee tungah that vun! Thinglamtee tungah that vun!” ci in au uh hi. Pilate in amate munah, “Tua ahile noma in ama la in, thinglamtee tungah that vun. Ama ka mawsak natu bangma thu mu ngawl khi hi,” ci hi.

John 19:6 Iomraidhean Croise

Matthew 26:58

Peter in a khuala thithim na panin Thiampi Lianbelpa leitual dong zui hi. Ama sia leitual ah ngalkapte taw tokhawm in bangbangin thu hong piang ziam ci in encik hi.

Matthew 27:22

“Tua ahile Messiah a kici Jesus sia bang law tu khi ziam?” ci in Pilate in dongh hi. “Thinglamtee tungah thatlum in,” ci tek uh hi.

Matthew 27:24

Pilate in tubang taw kinga zo ngawl tu hi ci a mu ciangin, ngamlumna piang thei tu hi, ci a mu manin tuidam tawm la in, mipite mai ah a khut sil a, “Hisia ii thina taw kisai kei hang hi ngawl hi! Hisia in noma ngamtatna hang ahi hi!” ci hi.

Luke 23:4

Tuasia ciangin Pilate in thiampi liante le mihonte tungah “Hisia pa mawsak natu thu bangma mu ngawl khi hi,” ci hi.

John 18:3

Tua ahikom Judas in huan sungah pai a, Rome ngalkap honkhat Thiampi liante le Phariseete ii sawl biakinn cing pawlkhat keng hi, amate ngalhiam toai a, meiinn le meila lom keng uh hi.

John 18:31

“Tua ahile noma in, ama la vun a noma thukham taw kizui in thusit tavun,” Pilate in ci hi. Amate in, “Kote in kuama tungah thidaan dong piak thei natu thu nei ngawl khu hi,” ci uh hi.

John 18:38

“Tua ahile thumaan thutak sia bang ziam?” Pilate in dongh hi. Tua zawkciang Pilate doipua ah pai kik a, mihingte tungah, “Hisia pa mawsak natu thu bangma ka mu zo bua hi,” ci hi.

John 19:15

Amate in, “Ama that vun! Ama that vun! Thinglamtee tungah that vun!” ci in au uh hi. Pilate in “Na kumpipa uh thinglamtee tungah ka thalup tu dei nu ziam,” ci in dongh hi. Thiampi liante in, “Kumpipa khat bek ka nei uh sia Kumpilianpa sia hi!” ci in zo hi.

John 19:4

Pilate khatvei ma pusuak kikin mihon tung ah, “En vun, ama mawsak natu bangma ka mu ngawlna thu na mu natu in, ama hi sungah hong paipui tu khi hi,” ci hi.

Sawltakte 2:23

Pathian in ama thuneina le tupna taw Jesus sia no khut sungah ki aap tu in zeak zo hi; tuaciang mimawte in, ama sia thinglamtee tungah na kilhsakna uh taw note in ama na thatlum zo uh hi.

Sawltakte 7:52

Na taanghpupite ii a vawtsiat ngawl kamsaang khat beak om ngei kana ziam? Khuangei pek panin, Pathian ii a thutang Naseampa hong pai natu a sonkhol, Pathian kamtaite na thatlum uh hi. Tu in, note in ama leeheak a, suamlum nu hi.