4 Pilate khatvei ma pusuak kikin mihon tung ah, “En vun, ama mawsak natu bangma ka mu ngawlna thu na mu natu in, ama hi sungah hong paipui tu khi hi,” ci hi.
Pilate sia thukhenna inn sung a to laitakin a zi in kamtaisak a: “Mawna nei ngawl tua pa tungtaang ah kihel heak in. Tu zan in ama huvau ka mang sungah nasia takin thuak khi hi,” ci hi.
Pilate in tubang taw kinga zo ngawl tu hi ci a mu ciangin, ngamlumna piang thei tu hi, ci a mu manin tuidam tawm la in, mipite mai ah a khut sil a, “Hisia ii thina taw kisai kei hang hi ngawl hi! Hisia in noma ngamtatna hang ahi hi!” ci hi.
“Mihing mawna nei ngawl khat a thi tu in, leeheak ka hikom ka maw zo hi!” ci hi. Amate in, “Tua thu ko taw bang kisai nawn ziam? Tua thu sia nangma taw kisai bek hi!” ci in zo kik uh hi.
“Tua ahile thumaan thutak sia bang ziam?” Pilate in dongh hi. Tua zawkciang Pilate doipua ah pai kik a, mihingte tungah, “Hisia pa mawsak natu thu bangma ka mu zo bua hi,” ci hi.
Thiampi liante le biakinn cingte in a mu uh ciang, “Thinglamtee tungah that vun! Thinglamtee tungah that vun!” ci in au uh hi. Pilate in amate munah, “Tua ahile noma in ama la in, thinglamtee tungah that vun. Ama ka mawsak natu bangma thu mu ngawl khi hi,” ci hi.
Tua ahikom Jesus sia ih kitaangsapnate hong kicingsak thei, Thiampi Lianbel ahi hi. Ama thiangtho a; ama in mawna ahizong, khialna ahizong, ama sungah a nei bua hi; ama sia mawneite sung panin, kidoi tuam a, vantungte sangin a saang zaw in kilaamto hi.
Banghang ziam cile Christ in mawna hu in a tawntung atu khatvei lian thi zo hi, note Pathian kungah hong zot pui natu in mipha khat sia mawneite taangin thi zo hi. Ama pumpi thi ahihang thaa sungah kinungtasak zo hi,