John 19:11 - Syin Chin Bible

¹¹ Jesus in, “Pathian hong piak hu bek in, kei tungah thu na nei hi. Tua ahiciang nang tungah kei hong aap pa in, mawna nasia zaw vawt ahi hi,” ci in zo hi.

John 19:11 Iomraidhean Croise

1 Khangtaanghthu 29:11

Nangma sia a lian, a vaanglian, a minthang, a lamdang le a tuanngen na hi hi. Leitung vantung ah a om theampo nangma aa hi a, nangma kumpi na hi a, tuate theampo a ukpipa na hi hi.

Psalm Late 39:9

Thim takin ka om tu a, kam khat zongh ka huthe buatu hi, banghang ziam cile hi bang a, hong thuaksak sia nangma na hi hi.

Psalm Late 62:11

Pathian in vaangletna sia ama aa hi a, ama ii itna sia kip hi ci in a son tamvei ma ka za hi.

Kaa late 3:37

Topa deina sia bekma kiseam suak tawntung hi.

Daniel 4:17

Hi thu sia a pilvang le a phawk vilvel vantunglalangte ii thukhenna ahi hi. Tua ahiciang mun theampo ah om mihing theampo in, Lianbel Pathian in mihing kumpi ngamte tungah vaang nei a, ama ii teal khat pawpo — mihing thupi ngawl belte ngawngawn tungah zongh kumpi ngamte pia thei hi ci thu he tahen, ci in thangsak hi.’

Daniel 4:25

Mihing huamsung panin hong kihawlkeak tu a, ngamsate taw na teang khawm tu hi. Khuital khat bangin kum sali sung lopa ne in lozau sungah zan na ngiak tu a, na tungah daaitui hong kia tu hi. Tuaciang Lianbel Pathian in mihing kumpi ngamte uk a, tuate sia ama ii teal khat pawpo pia thei hi ci sia na saang tu hi.

Daniel 4:32

Nangma sia mihing huamsung pan hong kibeng tu a, ngamsate taw teang khawmin, khuital khat bangin kum sali sung lopa na ne tu hi. Tuaciang, Lianbel Pathian in mihing kumpi ngamte uk a, a teal khat pawpo tungah kumpi ngamte pia thei ahi hunlam na he tu hi,” ci hi.

Daniel 4:35

Ama in leitung mite bangma in a thusim bua a; vantung a om vantung mite le leitung a om mite ama in uk hi. Ama deina kuama in nalh thei ngawl a, ahibuale a sep a vawtte kuama in dongh kik thei ngawl hi.

Daniel 5:21

Ama sia mihing huamsung pan kihawlkeak a, nganhing ngaisutna hong nei hi. Ama sia ngam laate taw teang khawmin, khuital bangin lopa ne a, daaitui dal tu nei ngawlin a pua sangah lum hi. Lianbel Pathian in mihingte ii kumpi ngam theampo uk a, ama ii dei pawpo tungah tua ngamuknate pia thei hi ci sia a khak belin ama in phawk hi.

Matthew 26:65

Tuasia ciangin Thiampi Lianbelpa in, a puan hong baltham a, “Pathian zawnsakna kampau pa! Tetti dang kul nawn ngawl hi. Pathian min a daisak na sia na zaak tek uh hi.

Matthew 27:2

Amate in Jesus thikkhau taw khi in, paipui a, Romete ii ngamuk mangpa Pilate kungah aap uh hi.

Matthew 6:13

Ze etna haksa hong thuaksak heak in a, Ngilopa ii khutsung pan hong tan ta in. Uk zawkna, vaangletna le minthanna Nang aa hi tawntung tahen, Amen.

Mark 14:44

“Ka nap pa sia na mat nop uh sia hi tu hi, man vun a, a cing tu kisepin paipui tavun,” ci in Judas in mipite limlakna piakhol hi.

Luke 22:53

Biakinn sungah ni simin no taw kong om a, ahizong kuama in mat nong sawm bua uh hi. Ahihang tu laitak sia khuazing vaangletna ii uk hun laitak hi a, na dian tu uh hun ahi hi,” ci hi.

John 18:13

Annas kungah paipui masa uh hi. Ama sia tua kum a Thiampi Lianbel ahi Caiaphas ii sunghpa ahi hi.

John 18:3

Tua ahikom Judas in huan sungah pai a, Rome ngalkap honkhat Thiampi liante le Phariseete ii sawl biakinn cing pawlkhat keng hi, amate ngalhiam toai a, meiinn le meila lom keng uh hi.

John 19:10

Pilate in ama tungah, “Ka kam hong zo ngawl tu ni ziam? Phawk in, na suatak natu le thinglamtee tungah hong kithalup natu thu nei khawm khi hi,” ci hi.

John 3:27

John in, “Pathian in a pia buale kuama in, bangma nga thei ngawl hi.

John 7:30

Tuasia ciangin amate in Jesus man tu in hanciam ahihang kuama in ama a thutha bua uh hi, banghang ziam cile ama hun tung ngawl lai hi.

John 9:41

Jesus in, “Mittaw hizaw le uh te, a maw ngawl hi tu nu hi; ahihang khuamu thei khu hi, ci na hi uh kom, a maw nginge hi lai nu hi,” ci hi.

Sawltakte 2:23

Pathian in ama thuneina le tupna taw Jesus sia no khut sungah ki aap tu in zeak zo hi; tuaciang mimawte in, ama sia thinglamtee tungah na kilhsakna uh taw note in ama na thatlum zo uh hi.

Sawltakte 3:13

Abraham, Isaac le Jacob te ii Pathian, ih taanghpupite ii Pathian in, a Naseampa Jesus sia Pathian piak minthanna pia hi. Noma in ama sia Jew lampuite tungah na aap uh hi. Pilate in ama suaktasak tu in, a khensat zawkciang zong, Pilate mai ah na nial uh hi.

Sawltakte 4:28

Nangma vaangletna le na deina taw tuabangin piang hen ci a, na khensat sa theampo a taangtun natu in, amate kisitua uh hi.

Romete 11:36

Banghang ziam cile na theampo ama bitphua sa hi a, na theampo ama tungtawnin piang a, ama atu ahi hi. Pathian tungah minthanna a tawntungin om tahen! Amen.

Romete 13:1

Mihing khat simin ngam uk thuneite thu na ni vun, banghang ziam cile Pathian oai ngawl po kuama in thuneina nei thei ngawl hi, tua thuneite sia amate sepna san tek ah Pathian ii a koi ahi hi.

James 1:17

A pha tel le ziakte le a cingtaak letsong theampo vantung panin hong pai hi; tua teng sia vantung khuavakte a bitphua, kikheal ngeingawl a, kihei in khua a zingsak ngawl Pathian kung pan hong paisuk hi.

James 4:17

Tua ahikom a pha tu he napi a pha a vawt ngawl sia in mihing mawnei ahi hi.