John 18:8 - Syin Chin Bible

⁸ Jesus in “Keima khi hi, kong ci zo hi. Kei hong zong na hi uh le hi a dang teng ciasak vun,” ci hi.

John 18:8 Iomraidhean Croise

Isaiah 53:6

Eite ih vekpi in a mangthang tuute taw ih kibang a, eima uukna san tek ah ih pai hi. Ahihang eite theampo ii thuak tu a kilawm daan thuakna sia ama ii tungah Topa in suan hi.

Matthew 26:56

Ahihang hite theampo sia kamsaangte ii Laithiangtho sung a at teng a taangtun natu ahi hi,” ci hi. Tuaciangin a nungzuite theampo ama nusia in taikeak uh hi.

John 10:28

Amate tawntung nuntakna ka pia a, tuaciangin amate a thi ngei nawn buatu hi. Amate ka khut sung panin kuama in hong sut zo buatu hi.

John 13:1

Tu in Paisan Poai vawt tu ni khat samh lai hi. Jesus in leitung nusia in, Pa kung a pai natu hun hong thet sia he hi. ama ii neisa leitung mihingte it tawntung a, a tawp dongin it hi.

John 13:36

Simon Peter in, “Koisung pai tu ni ziam Topa?” ci in dongh hi. “Tu in kei pai natu ah nong zui thei buatu hi, ahihang nidang ciangin hong zui tu ni hi,” ci in Jesus in zo hi.

John 16:32

Note theampo kithethaang in, na inn tek zuanin, kei nguak nong nusiat tu uh hun hong theng tu hi, hi sung hong theng zo hi. Ahihang keima nguak ka hi bua hi, banghang ziam cile Pa in kei taw omkhawm hi.

John 18:7

Jesus in khatvei ma, “Na zon uh sia akua ziam?” ci in dongh hi. Amate in, “Nazareth khua mi Jesus hi,” ci uh hi.

John 18:9

(“Pa awng, nong piak sate khat zongh ka bo sua bua hi,” a ci teng a taangtun thei natu in hi bang teng ci ahi hi.)

1 Corinth te 10:13

Ze etna na thuaksa uh theampo sia mihingte tungah a tung bul thute ahi hi. Ahihang Pathian in a kamciam kholet hi, tuaciang ama in a kipin na om thei natu note thuak zawk ngawl tu ze etna hong thuaksak ngawl tu hi; hong kize et ciangin zongh thuak zawk thahatna hong pia tu a, na suatak natu lampi khat hong hon tu hi.

2 Corinth te 12:9

Ahihang ama ii hong zona in: “Ka thuthiamna in nang atu in kicing hi, banghang ziam cile na thazawm ciangin keima vaang sia lianbel hi,” hong ci hi. Christ ii vaangletna in kei tung panin hong dalna ka phaw natu in, ka thazawmnate hu in ka kiphatsak sia ka lungdam belna ahi hi.

Ephesus te 5:25

Pasalte awng, na zite it vun. Christ in Pawlpi it a, a nuntakna a piak bangin na zite na it vun.

1 Peter 5:7

Ama in note hong thinnuam maw ahikom, na thinngimna theampo ama aap vun.