John 17:3 - Syin Chin Bible

³ Tuaciang in tawntung nuntakna ci sia in nangma bek Pathian a maan ahi sia heakna le na sawlpa Jesus Christ heakna ahi hi.

John 17:3 Iomraidhean Croise

1 Khangtaanghthu 28:9

Tua ciang Solomon tungah ama in, “Ka tapa awng, na pa ii Pathian sia thusim in a, lungkaa ngawlin uuk tatakna taw ama na seam in. Ama in ih thinsung tawngh le ih ngaisutna theampo he siat hi. Ama kung na zuan le ama in nang hong saang tu a; na taisan le a tawntungin nang hong nungngat tu hi.

2 Khangtaanghthu 15:3

Israel sia khuangei hialma Pathian maan nei ngawl a, a hil tu thiampite le thukham zongh nei ngawlin nungta uh hi.

Psalm Late 9:10

Topa awng, nang hong hete in nang hong muang tu hi; nang hong zuante na nusia bua hi.

Paunakte 8:35

Kei hong mu pa in nuntakna mu a, tuaciang Topa in ama diksa tu hi.

Isaiah 48:16

“Tu in hong pai in ka kung hong neak tavun a, ka ci bang hong za tavun. A kipatciil a kipan a langh taakin thu ka son a, ka kammalte a tawntungin ka taangtungsak zo hi,” ci hi. (Tu in Vaanglianpipa Topa in a vaangletna kei hong pia zo a, kei hong sawl zo hi.)

Isaiah 53:11

A khan sungah natna ngimna a thuak zawkciang, ama in lungdamna nga kik tu hi; a thuakna a luithawthong ahi ngawl sia ama in he tu hi, Ama sia a thumaan keima naseampa hi a ka lung hong kimsak pa hi. Ama in mihing tam mama ii thuak tu daan piakna sia thuak tu a, ama thuakna hangin amate mawna ka maisak tu hi.

Isaiah 61:1

Vaanglianpipa Topa in a Thaa taw kei hong dim zo hi. Mizawngte tungah lungdamna thupha puak tu, Thin kitamhthamte a damsak tu, A kimante suatakna thu le Thong sungah a kikhumte suatakna thu taangko tu in Ama in kei hong teal zo a hong puak zo hi.

Jeremiah 10:10

Ahihang Topa, nangma in Pathian tatak na hi a, a nungta Pathian le tawntung kumpipa na hi hi. Na thin uuk ciangin leitung liing a; minamte in na thin uukna thuak zo ngawl uh hi.

Hosea 6:3

Topa ih heak natu hanciam tawng. Khuapi ngua hong zu a, leitung tui a buak bang ahizong, a hun maan a, khua a vak bang ahizong ei kungah ama hong pai tatak tu hi,” ci uh hi.

Mark 9:37

“A kuama po ka min taw hi patangte khat a saang sia in kei hong saang ahi hi; tuaciangin a kuama po kei hong saang sia in kei bek hong saang ngawlin kei hong sawlpa zongh a saang ahi hi”

Luke 9:48

“Mihing khat pawpo in, hi patangno sia ka min taw a saang le keima hong saang ahi hi; tuaciang kei hong saang sia in kei hong sawlpa saang ahi hi. Banghang ziam cile, no sungah a nobel sia in, a lianbel ahi hi,” ci hi.

John 10:36

Kei ka hile Pa in hong teal a, leitung ah hong paisak hi. Tua ahile, Pathian Tapa khi hi ka ci ciang, bangbangin Pathian zawnsakna kam pau hi hong ci thei nu ziam?

John 11:42

Nong ngai tawntung hi, ci in kong he hi, ahizong tubangin ka ci sia hi sungah om mihingte atu in kei nong sawl ahi hunlam a up thei natu ka deina ahi hi,” ci hi.

John 14:26

Pa ii keima min taw hong paisak tu Thaa Thiangtho ahi Hupa in na theampo hong hil tu a, kong son teng zongh hong phawk kiksak tu hi.

John 17:18

Nangma in leitung ah kei nong sawl bangma in, amate leitung ah ka sawl hi.

John 17:21

Amate a vekpi in pumkhat ahithei natu in kong ngen hi. Pa awng! Nangma in keima sungah nong om a, keima in nangma sungah kong om bangma in, amate in eima sungah hong om tahen. Leitung in nong sawl ka hi hunlam hong up natu amate pumkhat suak thei tahen.

John 17:23

Leitung in nong sawlna thu le, keima nong it bangma amate na itna thu a heak thei natu, amate pumkhat a sua bup thei natu in, keima in amate sungah om in, nangma in keima sungah nong om hi.

John 17:25

Thumaan thutang Pa awng! Leitung in nang hong he bua hi, ahihang keima in kong he hi, tuaciang hite in nong sawl ahi hunlam he uh hi.

John 17:8

Nong piak thu teng amate tungah ka pia a, amate in saang uh hi; amate in keima nang kung pan hong pai ka hi sia maan hi ci in he uh hi, tuaciangin nong sawl ka hi hunlam um uh hi.

John 3:17

Banghang ziam cile Pathian in a Tapa sia leitung ii a thukhenpa tu hi ngawl a, a hunpa tu in leitung ah hong paisak hi.

John 3:34

Pathian ii sawlpa in, Pathian ii kammalte pau hi, banghang ziam cile Pathian in ama Thaa taw kidimsak hi.

John 5:44

No khat le khat kipok tu na thangai uh hi, ahihang khat bek ahi Pathian tung pan pokna nga tu na hanciam bua uh hi; tua ahile bangbangin kei hong um thei tu nu ziam?

John 6:57

A nungta Pa in kei hong sawl a, ama hangin, kei zongh ka nungta hi. Tuasia bangma in, kei hong ne peuma kei hangin nungta tu hi.

John 7:29

ahihang keima in ka he hi, banghang ziam cile, ama kung pan kong pai a, ama in hong sawl hi,” ci hi.

John 8:19

“Na pa koisung om ziam?” ci in amate in dongh uh hi. Jesus in, “Keima ahizong, ka Pa ahizong, na he bua uh hi. Keima hong he le uhte ka Pa zongh he tu nu hi,” ci in zo hi.

1 Corinth te 15:34

Ahi tu bangin khua hong phawk kik tavun a, na mawnate kheal vun. No pawlkhat in Pathian he ngawl na hi uh kom a maizumhuai na hina uh kong hesak hi.

1 Corinth te 8:4

Tua ahiciang, milim biakna in a kizangh an neakna huvau ah: milim ih ci sia a om takpi ngawl khat ii taang ahi sia ih he hi; eite in Pathian khat bek om ahi hunlam ih he hi.

2 Corinth te 4:6

“Khuazing sung pan khuavak hong taang tu hi!” a ci Pathian sia ma in Christ ii maitang ah a taang Pathian ii vaangletna heak natu in kote thinsung ah a khuavak hong taangsak ahi hi.

Philippi te 3:10

Christ heak tu le ama thaw kikna vaangletna siim tu, ama thuaknate thuakpui tu, a thina sungah ama taw kiban tu sia ka dei bulpi ahi hi,

Philippi te 3:8

Tuate bek ahi bua hi: ka Topa Christ Jesus heakna thu sia manpha zaw pek ahi hu in nadang theampo sia supna hi ci in ka tuat hi. Ama hangin na theampo ka vawk zo hi; Christ ka nei thei natu le, ama taw pumkhat ka sua bit thei natu in na theampo sia ninbu lomtangh bang bekin ka ngaisun hi,

1 Thessalonica te 1:9

Tua mihing theampo in kong haw uh lai a, nong saan zia uh, milim biakna pan Pathian sangah na kikhealna uhte son tek a, a maan le a nungta Pathian atu sepsak tu le,

2 Thessalonica te 1:8

Pathian a nialte le Topa Jesus Lungdamna Thupha a zui nuam ngawlte daan pia tu in meikuang taw hong pai ciang ama in tuasia seam tu hi.

Hebrew te 3:1

Pathian hong sapsa zongh ahi, ka Tapidaw suapuite awng! Ih pualaak upna ii Thiampi Lianbel tu in, Pathian ii a sawlpa Jesus ngaisun vun.

2 Peter 1:2

Pathian le Jesus, ih Topa na heakna uh tungtawnin, thuthiamna le thinnopna kicing sia no aa hi tahen.

2 Peter 1:3

Pathian ii a nei vaangletna in, ama ii minthanna le phatna nga tu a, hong sam pa ih heakna tungtawnin, Pathian thu sungah a maan nuntakna ih nei natu in, ih kitaangsap theampo ei tungah hong pia hi.

2 Peter 1:8

Hi kicinnate sia na kitaangsap uh hi a, tuaciangin tuate tam mama na nei uh le, tua teng in no sia ih Topa Jesus Christ heakna sungah a diang zo tawntung le a muibunin hong nungtasak tu hi.

1 John 1:2

Hi nuntakna sia a kimu thei in hong kilangh ciang, kote in ka mu uh hi; tua ahikom tua thu ka son uh hi, tuaciang koma hong heaksak ahi, Pa taw a omkhawm, tua tawntung nuntakna thu sia no tung zongh ah kong son uh hi.

1 John 1:3

Pa le a Tapa Jesus Christ taw ka kipawlkhopna sungah nong pop thei natu in, ka mu ka zaak uh teng no tungah kong phuang uh hi.

1 John 2:23

Banghang ziam cile Tapa a nial pawpo in Pa zongh nial hi. Tapa a saang pawpo in Pa zongh nei hi.

1 John 4:6

Ahihang ei sia Pathian neisa ih hi hi. Pathian a he peuma in ei thuson hong ngai hi. Pathian neisa ahi ngawl peuma in ei thuson hong ngai bua hi. Tua ahiciang thumaan thutak ii Thaa le a maan ngawl thaa kilamdanna sia, tu sia panin ih khentel thei hi.

1 John 5:20

A maan Pathian ih heak natu in Pathian Ta hong pai zo a, teltheina hong pia zo ahi hunlam ih he hi. Eite in a maan Pathian taw pumkhat hi in — ama Tapa Jesus Christ taw pumkhat in ih nungta hi. Hisia in a maan Pathian hi a, tawntung nuntakna ahi hi.