John 17:2 - Syin Chin Bible

² Banghang ziam cile ama tungah na piaksa mi teng tawntung nuntakna a piak thei natu in, mihing theampo tungah thuneina ama tungah na pia zo hi.

John 17:2 Iomraidhean Croise

Psalm Late 110:1

Ka topa tungah Topa in, “Na ngalte na peang nuai ah ka koi dong hi sung ka ziatsang ah to in” ci hi.

Daniel 7:14

Ngam theampo, minam theampo le paunam theampo pan mite in ama ii na a sep natu in ama sia thu neina, upatna le kumpi vaangletna kipia hi. A thuneina in a tawntungin kip tu a, a kumpi ngam bo ngeingawl tu hi.

Matthew 11:27

“Ka Pa in na theampo kei hong pia zo hi. Pa simngawl kuama in Tapa a tel zo bua a, Tapa le Tapa ii a telsak nop a teal mihingte simngawl kuama in Pa a tel bua hi.

Matthew 25:46

Tua ahikom hite sia tawntung daan thuak natu sungah kipuak tu a, ahizong a thumaan thutangte sia tawntung nuntakna sungah pai tu hi,” ci hi.

Matthew 28:18

Jesus in amate kung nai neakin, “Vantung le leitung ah thunei theina theampo a vekpi in kei hong kipia zo hi.

John 17:24

“Pa awng! Amate nong piaksa hi a, nong piaksa ka minthanna sia a mu thei natu in, ka omna munah hong om tek tu ka dei hi; banghang ziam cile, simlei a kipiansak ma in, nong it zo hi.

John 17:6

“Leitung pan a nong piaksa mite kungah nangma kong hesak zo hi. Amate nangma neisa hi a, amate kei nong pia zo hi. Amate in na kammal hong ni hi,

John 17:9

“Amate atu in, thu kong ngen hi. Leitung atu thu ka ngen bua hi, nangma neisa ahi nong piakte atu in kong ngen hi.

John 3:35

Pa in a Tapa it a, na theampo ama ii vaangletna sungah koi hi.

John 4:14

ahihang kei ii ka piak tui a dawn peuma a dangko kik ngei nawn ngawl tu hi. Ka piak tu tui sia ama sung pan ciktui khat hong suak tu hi, tua in nuntakna a pia tui hi tu a, tuaciangin tawntung nuntakna pia tu hi,” ci in zo hi.

John 6:27

A sia thei an atu in, naseam heak vun; tua sangin a kikhomsuan tawntung nuntakna an atu in seam zaw vun. Hisia in Mihing Tapa ii no hong piak tu an ahi hi, banghang ziam cile Pa Pathian in ama tungah lungkimin tepteena koi zo hi,” ci in zo hi.

John 6:37

Ka pa hong piak mihing theampo kei kungah hong pai tu hi. Kei kung hong zuan peuma ka nial ngei buatu hi,

John 6:39

Tuaciang kei hong sawlpa ii deina sia, hong piaksa theampo sung pan khat zongh bosua ngawl het in, ni tawpkhak ni in, amate teng nuntakna sungah, ka thawsak siat tu sia ahi hi.

Romete 6:23

Banghang ziam cile mawna thaman in thina hi a; ahihang tawntung nuntakna sia, ih Topa Jesus Christ taw ih kikopna hangin a thong a hong piak letsong ahi hi.

1 Corinth te 15:25

Banghang ziam cile Pathian in a ngalte theampo zo a, ama peang nuai ah a koisak dong Christ in uk tu hi.

Ephesus te 1:20

Christ sia thina pan thosak a, vantung ama ii tokhum ziatsang ah a tosak sia ma ahi hi.

Philippi te 2:10

Tua ahikom Jesus min patoai natu in vantung, leitung ah nuntakna a nei theampo, nuai simlei ah a om theampo in khupdin tu uh a,

1 Timothy 1:16

ahihang nungsang ciangin ama umin tawntung nuntakna a saang tute ii a ettee tu in, kei a mawbelpa tungah Jesus Christ in thinsauna a cingin hong lak thei natu, Pathian in kei hong hesuak hi.

Hebrew te 1:2

ahihang hi hun khakbel hunte ah, a Tapa tungtawnin hong paupui hi. Ama tungtawnin Pathian in vaannuai bup bitphua a, a khakbel ciangin na theampo ama ii neisa suak tu in ama sia Pathian ii tealsa ahi hi.

1 Peter 3:22

ama, vantung ah pai zo a, Pathian ii ziatsang ah om in, vantunglalangte, vantung thuneite le vaang neite theampo uk siat hi.

1 John 1:2

Hi nuntakna sia a kimu thei in hong kilangh ciang, kote in ka mu uh hi; tua ahikom tua thu ka son uh hi, tuaciang koma hong heaksak ahi, Pa taw a omkhawm, tua tawntung nuntakna thu sia no tung zongh ah kong son uh hi.

1 John 2:25

Tuaciangin Christ ama mama ii eite hong piak tu hong kamciam sia — tawntung nuntakna ahi hi.

1 John 5:20

A maan Pathian ih heak natu in Pathian Ta hong pai zo a, teltheina hong pia zo ahi hunlam ih he hi. Eite in a maan Pathian taw pumkhat hi in — ama Tapa Jesus Christ taw pumkhat in ih nungta hi. Hisia in a maan Pathian hi a, tawntung nuntakna ahi hi.

Jude 1:21

tuaciang, ih Topa Jesus Christ ii hesuakna taw tawntung nuntakna hong piak tu ngakin na om uh laitakin, noma le noma sia Pathian ii itna sungah kikeamcing tavun.