John 17:1 - Syin Chin Bible

¹ Jesus in hi teng a son zawkciang van ento in, “Pa awng, a hun hong theng zo hi. Tapa in nang tungah minthanna hong piak thei natu in, na Tapa tungah minthanna hong pia ta'n.

John 17:1 Iomraidhean Croise

Psalm Late 123:1

Topa awng, na ukna vantung le, nangma kong ento hi.

Isaiah 38:14

Ka aw theapin nging zo ngawl a, vakhu bangin ka kuul hi. Vantung ka etna in ka mit toi hi. Topa awng, hi ngimna theampo pan hong suatak ta'n.

Mark 14:41

Ama a thum veina hong heak kik ciangin, nungzuite munah, “Tu dong mu lai in, tawlnga lai nu ziam? Tu a teng pha zo hi! A hun hong theng zo hi! En vun, Mihing Tapa sia mimawte khut sungah ki aap tu hi zo hi.

Luke 18:13

Ahihang shiadongpa ahile a khualana ah ding a, vantung zongh ento ngam ngawlin, a awm beang a, ‘Pathian awng, kei mimawpa hong hesuak ta'n!’ ci hi.

Luke 22:53

Biakinn sungah ni simin no taw kong om a, ahizong kuama in mat nong sawm bua uh hi. Ahihang tu laitak sia khuazing vaangletna ii uk hun laitak hi a, na dian tu uh hun ahi hi,” ci hi.

John 11:4

Jesus in a zaak ciangin, “Hi natna sia Lazarus ii thi natu natna hi ngawl hi; hi thu in Pathian minthan natu a piang hi a, tuaciang, tua tungtawnin Pathian Tapa ii minthanna a nga natu ahi hi,” ci hi.

John 11:41

Amate in suangtum lakeak uh hi. Jesus in khuadak to a, “Pa awng, ka thu nong ngai hu in lungdam kong ko hi.

John 12:23

Jesus in, “Tu in Mihing Tapa ii a lian minthanna a saan tu hun hong tung zo hi.

John 13:1

Tu in Paisan Poai vawt tu ni khat samh lai hi. Jesus in leitung nusia in, Pa kung a pai natu hun hong thet sia he hi. ama ii neisa leitung mihingte it tawntung a, a tawp dongin it hi.

John 16:32

Note theampo kithethaang in, na inn tek zuanin, kei nguak nong nusiat tu uh hun hong theng tu hi, hi sung hong theng zo hi. Ahihang keima nguak ka hi bua hi, banghang ziam cile Pa in kei taw omkhawm hi.

John 7:30

Tuasia ciangin amate in Jesus man tu in hanciam ahihang kuama in ama a thutha bua uh hi, banghang ziam cile ama hun tung ngawl lai hi.

John 7:39

Jesus in hi bang a pau sia ama a umte ii saan tu Thaa thu son ahi hi. Tua hun laitakin Thaa kipia ngawl lai hi, banghang ziam cile minthanna sungah Jesus kithosak ngawl lai hi.

John 8:20

Jesus in hi thute theampo, Biakinn sung sumpi bungte koina inndoi sungah a hilcian laitakin a son ahi hi. Tuaciangin ama kuama in a man bua uh hi, banghang ziam cile ama ii hun a tung bualai hi.

Sawltakte 3:13

Abraham, Isaac le Jacob te ii Pathian, ih taanghpupite ii Pathian in, a Naseampa Jesus sia Pathian piak minthanna pia hi. Noma in ama sia Jew lampuite tungah na aap uh hi. Pilate in ama suaktasak tu in, a khensat zawkciang zong, Pilate mai ah na nial uh hi.

1 Peter 1:21

Ama thina pan a thosak, minthanna a pia Pathian sia ama tungtawnin na um uh hi; tuaciang note upna le lametna sia Pathian tungah kibul hi.