John 16:11 - Syin Chin Bible

¹¹ tuaciang amate in, thukhenna thu telkhial hi, banghang ziam cile hi leitung a ukpa tungah thu kikhen zo hi.

John 16:11 Iomraidhean Croise

Pianciilna 3:15

Numei taw khat le khat kong kihuatsasak tu a; ama ii hin le toaite le nang aa te a tawntungin na kingal tu uh hi. Ama ii hin le toaite in na lutang hong sucip tu a, nang in a khuatul na tuksak tu hi,” ci hi.

Psalm Late 68:18

Ama in a saangna munte ah kaato a, a ngalmat sa tam mama tonpui hi; ama in a leedo mite tung panin letsong saang hi. Tua munah Topa Pathian teang tu hi.

Matthew 12:18

“Hi sungah ka tealsa ka naseampa om hi. Ka lung hong kimsak ka itpa ahi hi. ama tungah ka Thaa ka pia suk tu a, tuaciang ama in, ka thukhenna minam tuatuamte tungah thangsak tu hi.

Matthew 12:36

“A tatakin kong ci ciang, Thukhenna Ni ciangin, mihing sim in, phattuamna hong pia ngawl kammal khat a paute tungtawnin, thusitna thuak tu hi.

Luke 10:18

Jesus in zo kik a, “Vantung panin Satan sia khualeng bangin a taaksuk ka mu hi.

John 12:31

Tu hun sia hi leitung ii thukhen thuak tu hun ahi hi; tu in hi leitung a ukpa kisuanthal tu hi.

John 14:30

No taw hun sauzaw thuson thei nawn ngawl tu khi hi, banghang ziam cile hi leitung a ukpa hong pai hi. Ama in kei tungah bangma vaang hong nei bua hi,

John 16:12

“Thu son tu tam ma ka nei lai hi, ahihang tu laitak ahile note thuciin tu in tam lei tu hi.

Sawltakte 10:42

Tuaciang ama in, lungdamna thu sia mihingte tungah a hil tu le a thisate le a nungta laite tungah thukhen tu in, Pathian in ama a aap hunlam tetti pang tu in ko hong sawl hi.

Sawltakte 24:25

Ahihang Paul in ngamtat phatna, pumpi kitekna le, Thukhen Ni hong thet natu thute kikuppui top a, Felix sia lau hi. “Tu in na pai phot ta'n, hunpha ka nga ciangin, kong sam kik tu hi,” ci hi.

Sawltakte 26:18

Nang in amate mit na honsak tu a, amate sia khuazingna sung panin, khuavakna ah, Satan vaangletna panin, Pathian kungah na kiheaksak tu hi. Tua hile amate in keima hong upna tungtawnin, a mawnate uh kimaisak tu a, Pathian tealsa mite sungah amate in omna nga tu uh hi.’

Romete 16:20

Tuaciang ih thinnopna ii naak ahi Pathian in Satan sia hai ngawlin na peang nuai ah siiktham tu hi. Ih Topa Jesus thuthiamna in note taw hong om tahen.

Romete 2:16

Tua ahikom Lungdamna Thupha ka hilna bangin ci leang, mihing theampo ii a thimtham ngaisutnate tungah Jesus tungtawnin Pathian in thu a khen Ni ciang, tu a ih son bangin hong piang tu ahi hi.

1 Corinth te 4:5

Tua ahikom note in a hun tatak hong thet ma in kuama tungah thu na khen heak vun. Thukhenna a khakbel sia in Topa hong pai dong a ngak kul tu hi; ama in khuazing sungah a om thukute, khuavak sungah kilanghsak tu a, tuaciang mihingte thinsung ah a kiseal tupnate a pholaak tu hi. Tuaciang mihing sim in ama taw kilawm Pathian ii pokna nga tu hi.

2 Corinth te 4:4

Hi leitung pathian ngilopa in amate thinsung sia khuazing sungah keamcip ahikom um ngawl uh hi. Pathian taw a kibang linlian Christ ii minthanna huvau tua Lungdamna Thupha pan hong pai, amate tungah hong taang khuavak a mu thei ngawl natu in ama in vawt hi.

Ephesus te 2:2

Tua hunlai in note in, leitung ngitlona zia na zui uh hi; van awng sungah thaa vaangletnate a ukpa thu na ni uh hi, tua thaa in tu laitakin Pathian thu a ni ngawl mihingte a uk sia ma ahi hi.

Colossae te 2:15

Tuaciang tua thinglamtee tungah Christ in thaa lam sangah ukna neite le thuneite ii vaangletna pan ama le ama kisuaktasak hi; tuate sia ama ngalzaw poai sungah sila tu in a kimante bangin mihonte ii mu tu in kai hi.

Hebrew te 2:14

Ama ci bangin tua tanote sia chi le sa taw a om mihingte ahi bangma, Jesus ama mama zongh amate bang hong suak a, amate mihing pianzia teng hong siim hi. Hi bang a hina sia banghang ziam cile ama thina tungtawnin thina tungah vaang a nei doaimangpa a lalcipsak natu hi a,

Hebrew te 6:2

baptize na nanamte, khut ngakna. tawntung thukhenna le a thisate thawkiknate, kansuut kikik pheang nawn bua tawng.

Hebrew te 9:27

Mihing theampo khatvei tek thi tu a, tua zawkciang Pathian in amate tungah thukhen tu hi.

2 Peter 3:7

Ahihang tu in a om, vantungte le leitung sia meikuang taw a kilalsak natu in, tua a kibang Pathian thupiak sia ma in keamcingin om nginge hi. Pathian a sel mite thu kikhen natu le a kilalsak tu hun, a ni hong thet tu ngakin kikeam zii hi.

1 John 3:8

A kuama po mawna vawt a zom suakte sia Doaimangpa ii neisa ahi hi, banghang ziam cile a kipat pan ma, Doaimangpa in mawna vawt zo hi. Tua hang ma in Doaimangpa ngamtatna teng a susia tu tatak ma in Pathian Tapa hong kilangh hi.

Thupualaakna 1:7

En vun, meei tungah ama hong pai hi! Mihing khat simin ama mu tu hi, tuate sungah ama a hollette zongh kihel tu hi. Leitung mihing theampo ama hu in khuangaina taw tau tu uh hi. Tuabangin hong piang tatak tu hi!