John 15:7 - Syin Chin Bible

⁷ Kei sungah nong om uh a, ka kammalte note sungah a om le tuasia ciang na uuk pawpo nong ngen tu a, na nga tu uh hi.

John 15:7 Iomraidhean Croise

1 Kumpite 3:5

Tua zanin Topa sia a mang sungah hong kilaak a, “Bang kong piak tu na uukbel ziam?” ci in dongh hi.

Job 22:26

Tuasia ciang Pathian na muang tawntung tu a, ama, na lungdamna ii naak ahi hunlam na mu tu hi.

Job 23:12

Pathian ii thupiakte ka seam tawntung hi; ama ii deina ka zui a, keima ii uuk bangin ka ngamta bua hi.

Psalm Late 119:11

Nang tungah kong maw ngawl natu in na thukham ka thinsung ah ka keam hi.

Psalm Late 37:4

Na lungdamna uh sia Topa sungah zong vun, tuasia ciang ama in na lungngulna bang hong pia tu hi.

Paunakte 10:24

A thutangte in amate deite nga a, ahizong a seksolte in a kiitakbel teng nga tu hi.

Paunakte 4:4

ka pa in hong hil hi. Ama in, “Ka ci theampo ciamtee in a, mangil ngei heak in. Kong sawl bangin ngamta in, tua hile na nungta tu hi.

Isaiah 58:8

“Kong deisakna sia zing ni bangin na tungah hong taang tu a, na liamna mate dam pal tu hi. Note hong ngum tu in note taw kong omkhawm tawntung tu hi; keima hong om in na kiim na paam theampo panin kong dal tu hi.

Jeremiah 15:16

Nangma in nong paupui a na kammal theampo kong ngai hi. Topa, Vaanglianbelpa, Pathian awng, keima in nangma aa ka hi a, tua ahikom na kammalte in ka thin hong nuamsak a hong lungdamsak hi.

Matthew 7:7

“Ngen vun na nga tu uh hi; zong vun na mu tu uh hi; king vun, kongkha hong kihon tu hi.

John 14:13

Tuaciangin keima min suang a nong nget pawpo, Tapa tungtawnin Pa minthan natu in kong vawtsak tu hi.

John 15:16

Note in kei nong teal bua uh hi; keima in note a kikhomsuan a nga namte tam mama na nga natu in, kong teal a, nasep kong pia hi. Tua ahikom Pa in kei min taw, ama tungah na nget uh po, hong pia tu hi.

John 16:23

“Tua ni hong thet ciangin, kei tungah bangma nong ngen buatu uh hi. A maan tatak kong ci hi: Pa in kei min suangin na nget pawpo hong pia tu hi.

John 8:31

Tua ahikom Jesus in, ama a umte munah, “Ka hilciannate na ni uh le, ka nungzui tatakte na hi uh hi;

John 8:37

Abraham suan le paalte na hi uh sia kong he hi. Tua hi kasap kei hong thatlum nuamin hanciam nu hi, banghang ziam cile ka hilcianna na saang thei buatu uh hi.

Galatia te 4:2

Ama a khanmoi laitakin a pa ii a hun ciam dong a vai teng a hawmsak tu le ama a en tu in pasal pawlkhat om hi.

Galatia te 5:16

Kong son thu in hi sia ahi hi: Thaa in na nuntakna uh zeaksak vun, tua hile mihing pianzia ii deinate na lungkimsak buatu uh hi.

Thuhil kikna 6:6

Tuni a kong piak hi thupiakte mangil ngei heak vun.

Colossae te 3:16

A kicing Christ ii thu na thinsung uh ah hong teang tahen. Khat le khat ciimna theampo taw kihil kilak tavun. Psalm late, pokna late le la thiangtho te na thinsung uh ah lungdamkona in Pathian tungah na sa vun.

1 John 2:14

Ka tate awng, Pa na heak uh manin, lai kong thaak hi. Pate awng, a kipatciil pan a om pa sia na heak uh manin lai kong thaak hi. Tangvalte awng, note na tha uh hat ahikom lai kong thaak hi; Pathian kammal no sungah nungta hi, Ngilo Pa na zo zo uh hi.

1 John 2:27

Ahihang note na hi uh le, Christ in a Thaa no tungah hong buak zo hi. Note sungah ama Thaa a om laitengin hong hil tu kuama dang na kitaangsamh bua uh hi. Banghang ziam cile ama Thaa in na theampo huvau hong hil a, hong hil teng sia thumaan hi a, khial ngawl hi. Tua Thaa ii hilna na ni vun a, Christ taw pumkhat in na om vun.

1 John 3:22

Ama thupiakte zui a, ama diksak bang ih ngamtat manin, ama tung pan ih nget pawpo ih nga hi.

1 John 5:14

Eite in Pathian mai ah thinhanna ih nei hi, banghang ziam cile ama deina taw kisi in bang khat po ih ngen le ama in hong za hi, ci in ih muang hi.