John 15:5 - Syin Chin Bible

⁵ Keima in sapitkung hi a, note in a baakte na hi uh hi. A kuama po in kei sungah hong om a, ama sungah kei ka om le ama in nga tam mama nga tu hi; banghang ziam cile kei ngawl taw bangma na vawt thei buatu uh hi.

John 15:5 Iomraidhean Croise

Paunakte 11:30

Thutang in nuntakna pia a, ahihang ngoltolna in nuntakna bosak hi.

Hosea 4:8

Ka mite mawna khialna te tung pan hau law na hi uh kom amate khial vaial le na oai uh hi.

Matthew 13:21

Ahihang a thu in amate sungah a thuk in tum ngawl a, khuangei khom ngawl uh hi. Tua ahikom haksatna le vawtsiatna hong pai ciangin amate puk uh hi.

John 12:24

A tatakin kong ci hi: zungtaang tang khat lei ah taak a, a thi phot buale tang khat nguak hi top hi. A thi le a tang tam piangsak hi.

John 15:16

Note in kei nong teal bua uh hi; keima in note a kikhomsuan a nga namte tam mama na nga natu in, kong teal a, nasep kong pia hi. Tua ahikom Pa in kei min taw, ama tungah na nget uh po, hong pia tu hi.

John 5:19

Tua ahikom amate kungah Jesus in, “A tatakin kong ci hi: Tapa in ama thu taw bangma vawt thei ngawl hi; a Pa ii vawt a mu teng bekma vawt hi. Pa ii vawt teng Tapa zongh in vawt hi.

John 9:33

Hisia pa Pathian kung pan hong pai hi buale, bangma vawt thei ngawl tu hi,” ci in zo hi.

Sawltakte 4:12

Ngupna sia ama bek tungtawnin kinga thei hi; leitung bup ah eite hong ngum thei tu in, Pathian piaksa midang khat zongh om ngawl hi,” ci hi.

Romete 12:5

Tuasia bangma in eite mihing tam ih hi hangin Christ sungah kipawlin pumkhat ih hi hi. Khat le khat pumpi sung nate bangin ih kizom hi.

Romete 6:22

Ahihang tu in note sia mawna panin hong kisuaktasak zo a, Pathian silate na hi uh hi. Na meetna uh sia nuntakna a cialcingin ama tungah na kipum aapna uh hi a, tua taw kizom thu in tawntung nuntakna ahi hi.

Romete 7:4

Ka suapuite awng, note zongh tua taw kibang nu hi. Thukham tungtaang ah note zongh thi zo nu hi, banghang ziam cile note in Christ ii pumpi khen khat veu na hi tek uh hi; tuaciang tu in Pathian tungah a taktai sepnate ih nei thei natu in thina pan a, a kitho kiksak Pa ii neisate na hi uh hi.

1 Corinth te 10:16

Topa ii Zan An neakna hai hangin Pathian tungah lungdam ih ko hi; tua hai taw ih dawn ciang Christ ii chisan a siim khawmte ih hi hi. Tuaciang anluum ih balneen hi: hi a kibalneen anluum ih neak ciang, Christ ii pumpi a siim khawmte ih hi hi.

1 Corinth te 12:12

Christ in khen tuatuam tam mama a nei pumpi khat taw kibang hi. Khen tuatuam nei ahihang, pumpi khat hi veve hi.

1 Corinth te 12:27

Note theampo in Christ ii pumpi na hi uh a, tuaciang khat sim sia tua ii khentuam khat veu ahi hi.

2 Corinth te 13:8

Banghang ziam cile kote in thumaan thutak langpanin a seam thei te ka hi bua uh a, a panpui bek ka hi uh hi.

2 Corinth te 9:10

Poai tu ancii le neak tu an hong pia Pathian in na kisap thaicii theampo zongh hong pia tu a, tuate po in, anlaak ciang nangma ii ngo tak a na piakna tung panin an na hau tu hi.

Galatia te 5:22

Ahihang Thaa in itna, lungdamna, thinnopna, thinsauna, dikna, phatna, thumaanna,

Ephesus te 5:9

tua khuavak in na a pha theampo, thutang suana le thumaanna hong puak hi.

Philippi te 1:11

Pathian minthan natu le ama pok natu in Jesus Christ bek ii piansak thei a maan pilna thiamnate taw na nuntakna uh hong kidim tu hi.

Philippi te 4:13

Christ ii hong piak vaangletna taw na theampo phul zawk natu thahatna ka nei hi.

Philippi te 4:17

Letsong nga tute a thangai ka hi bua hi; na thupha vawt sate tungah a meet a kibelap tu ka mu nopna hizaw hi.

Colossae te 1:10

Tuaciang Topa deina bangin na nungta thei tu uh a, ama ii diksak bangin na vawt tawntung tu uh hi. Na nuntakna in nasep pha theampo piangsak tu a, Pathian heakna sungah na khangto tu uh hi.

Colossae te 1:6

Pathian ii thuthiamna na zaak phit ni uh pan kipan, no in a maan tatakin na heak uh bangma, tua lungdamna thu in, thuphate no tungah hong puapuak a, leitung theampo ah kizel hi.

James 1:17

A pha tel le ziakte le a cingtaak letsong theampo vantung panin hong pai hi; tua teng sia vantung khuavakte a bitphua, kikheal ngeingawl a, kihei in khua a zingsak ngawl Pathian kung pan hong paisuk hi.

1 Peter 2:4

Mihingte in mannung ngawl hi ci in nial hikale Pathian ii manpha a sak, a teal, a nungta suangpi ahi, Topa kungah pai tavun.

2 Peter 3:18

Ahihang ih Topa le Hunpa Jesus Christ heakna le thuthiamna sungah na khangto suak vun. Ama tungah minthanna, tu le a tawntungin om tahen! Amen.